اليوم أخدنا بحوث عمليات...الدكتور عطانا شي اسمو الطريق الأمثل...

بعدين أخدنا محاسبة مصرفية الدكتورة عطت صندوق المدفوعات..و مسألة شي 10 طلبات بس سهلة...

أما بالنسبة للتطبيقات الحاسوب فما بعرف لأني ما حضرت..

السلام عليكم
مشكورين زملائي لانكن عم توافونا اول بأول .. اليوم الاثنين ما داومت .. اذا ممكن تنقلولنا شو اخدتو اليوم ..؟؟
مشكورين سلفاا !!
سلاااام

اليوم أخدنا محاسبة متوسطة و خلصنا القسم النظري من الكتاب...للصفحة57

و بالنسبة لمادة بحوث المعليات..أخدنا الطريق الأمثل لبيلمان..

و أما تطبيقات حاسوبية....فلم احضر..

شو مشان ما عم تحضرو تطبيقات حاسوب ؟؟؟؟؟
مافي ولا لانو الوقت بيخلي الواحد ينعس باول دقيقة ؟؟؟؟؟

عم تدرسو من المحاضرات ولا من الكتب ؟؟

السؤال طبعا لطلاب المحاسبة لانو اكيد الكل بلش دراسة او بالاحرى لازم ايبلش دراسة

قالتلي رفيقتي عم تحضر انو الكل طالب كتب

بس من جهتي ما بعرف ادرس غير من المحاضرات

والحمد لله سنة برفع وبمعدل كمان ..مع العلم انو الكتب ما بعرف شكلها

بعرف انو كل الدكاترة طالبين كتب حتى الدكتور ابراهيم تبع التكاليف كان عم ايئول ئال منظر

غير حضاري انو طالب سنة تالتة يشتري محاضرات

وهو عندو كتاب

وطبعا بعد المحاضرة مكتبة نعمة كانت مليانة طلاب ^_^

انا جبت كتاب التكاليف لانو واضح و محاضرات التكاليف بنعمة ما عجبوني خط الطالب

يللي عم يكتب مو واضح منشان هيك ئلت الكتاب اوضح واحسن

.

اية انتي ما عم اتداومي ابدا ؟؟

اليوم جبنا سيرتك انا ورفيئتي طلعت بتعرفك وئالتلي من اول هالسنة ما شافتك لسه بالكلية

بالمناسبة انسيت ئول انو اليوم اخدنا حكومية عطانا الدكتور الخطيب الظاهر محاضرة بيعطي مهايني

ومحاضرة الخطيب

و حكى عن نشأة المحاسبة الحكومية وتعريفها والفرء بينها وبين المالية ومن هالحكي

وبعدين اخدنا تكاليف عند الدكتور العبقري ابراهيم وبصراحة من اروع دكاترة الكلية

المهم اخدنا انواع تكاليف واخر شي اخدنا تقارير تكلفة يعني قوائم مالية تئريبا بدها شوية شغل

لانها طويلة بس بشكل عام مو صعبة

عن جد لازم الكل يحضر عند الدكتور ابراهيم لانو التكاليف بدها شغل واكيد بالحضور عندو

بيكون الوضع اسهل

*Nilma*
انا اسفة كتير على التاخر بالرد ..انو انقطع عندي النت يومين !!
باعتبار قالتلك رفيقتك اني ماعم داوم ..معناتها فعلا بتعرفني ..
حتى انا يمكن عرفت مين هية ..لان نكشتني بمسج على الموبايل ^_^
بس خبريني عن اسمها برسالة مستعجلة ..
بجوز الاثنين انزل ان شاء الله ..بركي بشوفك ..وطبعا بردلك خبر قبل بيوم

ولا ايهمك اية انا انشغل بالي عليكي لانو ما الم بالعادة اتغيبي

وانا ان شالله نازلة الاثنين وبيجوز بكرى كمان لاني غالبا عم بنزل كل يوم

وبتشرف فيكي والله اذا بشوفك ايوشة