السلام عليكم :
اليوم انا كنت بالكلية و هي اول محاضرة الي بالسنة التالتة
احدت محاضرتين الاولى بحوث عمليات و كانت بعنوان الشبكات و كانت سهلة ما بها شي و اذا حدا ما فهمها فيني ساعدوا فيها
و المحاضرة التانية استخدام الحاسوب باللغة الانكليزية
و الدكتورة او الاستاذة يللي رح تدرسنا اسمها هبة مسعود
و مبين عليها كتير لطيفة و شغل شباب و بهمها الفهم و التطور( خريجة بريطانيا)
و ما اخدنا شي لانو البروجيكتر ما اشتغل
و انشالله بس لتزيط اموري شوي و قرر شو اختص رح كون بشكل يومي بهالصفحة و شبدكن لعيونكم و الله

مزبوط محاضرة الشبكات سهلة بس كان صوت الدكتور عالي كتير طلعت من المحاضرة دايخة ^_^

بس غريب أخدتو محاضرة حاسوب ئالولنا انو مافي لأنو في امتحانات لمدري مين ورجعنا ع البيت

..

حاليا عم داوم محاسبة لاعرف الله وين حاطتني وبعدين بقرر الاختصاص ..

المصارف اليوم ما  اخدو شي لانو ما اجى ولا دكتور .. بس اخر محاضرة ما بعرف اذا اجى

اليوم كان عنا محاسبة حكومية..ما بعرف شي لني ما حضرتا..

هلق حضرت تكاليف...المادة كتير حلوة و الدكتور ابراهيم ميدة هو اللي عم يعطي..

الدكتور كتير منيح و عطانا مصطلحات بالانكليزي..و مبدأ عام عم مفهوم محاسبة التكاليف.

و نصحنا انو ندرس من الكتاب.لأنو هو المطلوب حصرا

السلام عليكم

بالبداية اشكر الجميع على نقل المعلومات ..وجزاكم الله كل خير

والحمد لله قام بعض الاعضاء في السنة الثانية ببدء تنزيل للمحاضرات ..وذلك للسنة الثانية ..ولكن للسنة الثالثة لم اجد المتطوعين كفاية لاتمام تلك الفكرة ..

ارجو ممن يستطيع المساهمة معنا ..ان يساعدنا في انجاح تلك الفكرة ..

والله ولي التوفيق

الى الجميع طلاب السنة 3 محاسبة
مادة محاسبة التكاليف
http://www.jamaa.net/art278194.html

اليوم انا حضرت حكومية والدكتور فهيم كتير واعطاؤه حلو وبيفهم والظاهر انو المادة

ماشي حالها يعني لا صعبة ولا سهلة وامتحانها نص مأتمت نص تقليدي

اما التكاليف كمان الدكتور شاطر هو رئيس قسم المحاسبة وبيقولو عن هالمادة صعبة

لكن اكيد بمتابعة الحضور مع الدكتور بتصير سهلة لانو عن جد التاني فهيم وطبعا صوتو عالي^_^

لكن ما زالت الحيرة قائمة بالنسبة للاختصاص

انا اليوم الاربعاء للاسف ما دداومت بالكلية
فيللي حضر بقسم المحاسبة يخبرنا شو اخدنا اليوم

اخدنا محاسبة متوسطة..الدكتور كمل بالنظري صرنا بشي الصفحة 50 من الكتاب

بعدين اجت الدكتورة و اخدنا حكومية و صرنا بالفصل التاني من الكتاب و المادة عنجد سهلة

عطت الدكتورة شي 10 قيود او اكتر من المادة بس القيود سهلة و بسيطة...

هلأ بالسنة التالتة محاسبة فصل اول في محاسبة متوسطة ومصرفية وحكومية وتكاليف 1

طيب حدى عندو فكرة شو الصعب من هي المواد وشو السهل .. على حد علمي لحد الان

انو الحكومية وسط ماشي حالها والتكاليف بدها شغل .. حدى عندو معلومات اكتر ؟؟

وسؤال يعني شو هالاهمال عند المصارف باليوم بيكون عندهن 3 محاضرات بيئوم

دكتورين ما بيجو يعني بدنا انداوم بالقسمين لفترة لحتى نعرف شو نختص وكل ما رحنا ع المصارف

ما بيجي الدكتور .. اما دكاترة المحاسبة ولا مرة صارت وما اجى الدكتور

بس الله ايجيبك يا طولة البال

السلام عليكم ورحمة الله

يا شباب في إلي طلب عندكن إذا ممكن
يا ريت حدا ينزل أسئلة دورات السنة الثانية الفصل الأول
وخاصة لغات البرمجة علىت شان نعرف شلون بدنا ندرس

لأنو بالمكاتب ما بتنزل لسا بشهرين
ومشكورين كتير مقدما

يا ريت ما تنسونا

دمتم بأمان