معقول بس 76 بعد كل هل الدراسة
       

مسا الخير للجميع 
شو مشان Broken Heart ‎‏ ‏         
أنا زعلانة ماسألتني اذا رفعت التشريح ......شو استغنيت عن خدماتي
ولا نسيت الاتفاق يلي بيناتنا 
على كل حال ان شاء الله يكون الكل قدموا منيح
وأخيرا وليس آخرا.....عطلة سعيدة للجميع             

اقتباس

شو مشان Broken Heart ‎‏ ‏         
أنا زعلانة ماسألتني اذا رفعت التشريح ......شو استغنيت عن خدماتي
ولا نسيت الاتفاق يلي بيناتنا

مساء النور ..

ههههه .. لا اتواخذينا .. انسينا ..
ازا رفعتيها .. بكرا بتعرفي كلشي مطلوب منك ان شاء الله .. ههه
موفقة يا رب

مساء الخير
هههه.....اجيت لتكحلها امت عميتها ..(اذا رفعتيها)
طبعا رفعتها شو فكرك كسلانة 
أنا شاطرةيعني شوي..بس نقاقة.. كمان شوي
وبالمناسبة شو قصتك لسا بتغير اسمك 

اي مبروك نجاحك يا رب ..

اقتباس

وبالمناسبة شو قصتك لسا بتغير اسمك

عم اتسلا .. ما عندي شغلة ساويها غير غيّر اسمي .. و حل مشاكل و بس
                                                                                           
موفقة ... سلام

السلام عليكم

أنا طالبة سنة أولى بس لسّا ما داومت  ,بس كنت حابي أعرف كم شغلي عن هالمادة لأنو عجبني اسمها كتير وان شاء الله تكون دراستها ظريفي متل اسمها 

هلأ أنا شفت الروابط يلي فيهن تشريح الجمجمة بس هدول شو بدو الطالب يساوي فين يعني أنا لازم ادرسن واحفظن بالإنكليزي ولا شو بدي أعمل فين؟

 

 

أهلا فيكي شيماء وانشالله ألف مبروك دخولك لفرع طب الاسنان


مشان هي المادة بعتقد انو واضح من اسمها انو بتتعلق بالرأس والعنق لا غير وبالصفحة الاولى لهالموضوع في شرح عنها وبشكل مفصل بتوقع انك اطلعتي عليه

في شغلة مهمة بس بحب نوه عليها انو هالمادة بالذات بتمنى منك انك تدرسيها بوقتا مشان ما تضيعي يمكن تلاقي صعوبة بأولها لانو شي جديد بس بعدين بتلاقيها حلوة وممتعة وخاصة اذا ربطي العملي بالنظري


العملي بتم فيه رؤية الجماجم وبالتالي بتترسخ المعلومة براسك أكتر
ووقت بيجي دور الاعصاب واحشاء الرأس فيتم دراسة رؤوس من جثث بشرية حقيقية كمان بترسخ المعلومة براسك أكتر


وشغلة مهمة كمان حاولي لما يبلش اعطاء الدكتور عن الجثث بالعملي انك تصوري بموبايلك مشان وقت فحص العملي تحاولي تراجعين...


ومشان سؤالك عن المصطلحات الاجنبية لا تخافي كتير ولا تتعبي حالك ادرسي المصطلحات الاساسية يعني اسماء العظام أهم الشي حاليا مشان تتعرفي عالجمجمة ككل كونو مافي ترجمة بالعربي حاولي تستخدمي شي مترجم  حسب راحتك


بالتوفيق انشالله ....

تحياتي ......  

السلام عليكم

 الله يبارك فيك أختي

وألف شكر إلك دكتورة بيان ,الله يجزيك الخير على هالشرح المفصل

اقتباس

وألف شكر إلك دكتورة بيان ,الله يجزيك الخير على هالشرح المفصل

هلا فيكي العفو ولو ....