أخي  mohammad55
شكرا لك على تفهمك لوجهة نظري
بس في ملاحظة أنو على الإقتراح اللي طرحتو بشأن الإنكليزي
يعني الطلاب في الغالب بيعانو من مشكلة الترجمة وخصوصا بالمصطلحات التجارية
وبعتقد أنو كتابة المحاضرة على أساس حل الأسئلة فقط وكتابة القواعد لا يكفي أبدا
لأنو الدكتور بيحكي دائما أفكار بالمحاضرات ونحنا مهمتنا أنو نرفق كل ما يقوله الدكتور في المحاضرات
شكرا لتفهمك

السلام عليكم ورحمة الله

LAMA

بالنسبة للدوام أنا داومت بالمدرج الأول ومبسوط فيه أكثر من المسرح
وبنصح الجميع يداومو فيه لأنو في هدوء أكثر من المسرح

spring angel
شكرا لك وإن شاء الله أنا ما رح أتردد من طلب المساعدة عند الضرورة

دمتم بصحة وأمان

السلام عليكم ورحمة الله
أخي عبود والله ما بعرف كيف بدي فيدكن بهاد الوضع بس بصراحة أول شي مارح احضر انكليزي وتاني شي مارح يكون عندي وقت لحتى ترجم ونزل التلخيص عالموقع لأنو متل ما بتعرف عندي مادتين غير الانكليزي وغير هيك عندي التزامات خارج أمور الدراسة
أرجو تفهم الوضع وعلى الوضع الجديد رح يكون عندي المدخل ومبادئ الادارة بالسنة الاولى وأي مساعدة بأي مادة من يلي معكن أنا جاهز
أعاننا الله على هذه المهمة 
.................... بكرى أحلى ..................

السلام عليكم 

فكرة رائعة وموفقة بإذن الله

شكرا لكم على جهودكم الرائعة

والله بتكونو قدمتو لنا خدمة العمر
المحاضرات من المكاتب كنا نعاني منها كتير

بوركت جهودكم

AHMAD
أهلا وسهلا فيك ... وإنشاالله نكون عند حسن ظن الجميع والله يقدرنا لنكمل الطريق
شكراً لمرورك

السلام عليكم

أحمد أهلا بك
إن شاء الله ما بيخيب أملك

يالله يا شباب وصبايا الدوام رح يبلش بكرة إن شاء الله
شلون الهمة عندكن

أنا إن شاء الله اعتمدت على كتابة اللغة الانكليزية 3 ومحاسبة الشركات
وبكرة بشوف وضع مبادئ المحاسبة للسنة الأولى
إذا لاقيت حدا من الطلاب اللي رح يحضروها أعتمد عليه رح أكتبها
بس متردد شوي صغيرة أنو بيصير عندي تنزيل 3 محاضرات بيوم واحد

الله يكون بعوننا على فعل كل خير

سنة دراسية موفقة بإذن الله 

 

صحيح يا جماعة

أنا أدعوكم لزيارة الموضوع الجديد اللي طرحته مؤخرا
وذلك من أجل إنشاء الأطلس الإقتصادي

يالله بدي شوف رأيكم ومشاركاتكم هنيك
والرابط هو :
http://eco.jamaa.net/post631270.html#post631270 

ونسيت أسألكن
بالنسبة لتنزيل المحاضرات كيف رح تكون الطريقة
بهذا الموضوع أم بموضوع جديد يخصص لهذا الغرض
وما فهمت اللي قالتو الأخت آية بهذا الخصوص فيا ريت توضحولي كيف

دمتم بأمان
 

مرررحباااا

الله يعطيكن الف عافية على هالفكرة

مشكوووووورين

       

السلام عليكم جميعا

اخي عبود بالنسبة لتنزيل المحاضرات ..عن طريق رفع الملفات الموجود في اعلى الصفحة ..فوق النتائج الامتحانية

وذلك باتباع الخطوات التالية

1-تنزيل المحاضرة على الكمبيوتر الشخصي ..عن طريق السكنر ..او عن طريق كتابة الكمبيوتر على برنامج الورد او اي برنامج اخر ..وذلك حسب الرغبة ^_^

2- بعدها يتم رفع الملفات ..وذلك بالطريقة التي شرحتها اعلاه ..عن طريق رفع االملفات الخاصة بالمنتدى ..

3-ستظهر النتيجة على شكل ملف مرفق ..

وهناك فكرة ساقوم بتنفيذها ان شاء الله ..وهي شريط اعلانات متحرك عن احدث المحاضرات الموجودة في االمنتدى ..

ولكن امهلوني بعض الوقت ..بسبب انشغالي ..وشكرا للجميع ..وبالتوفيق باذن الله تعالى

صباح الخير
بس حابة قول شغلة
في حال كنتو حريصين انه المحاضرات ينكتب عليها اسم المنتدى
ف بقترح انه يتم ارسال المحاضرات ع ايميل احد الشباب المتطوعين
وهو يقوم بوضع اسم المنتدى قبل تنزيل المحاضرة
يعني بظن هيك احسن طريقة
يمكن يكون صعب ع شخص واحد القيام بكل هذه المهمات
ف ممكن تتقسم
بس برأيي ما تنزلوا المحاضرات بدون اسم المنتدى
واذا كل واحد بيعرف يعمل هالخطوة لحالوا بيكون اسرع واحسن والله ما نتعب شخص واحد

عذرا ع التدخل بس حبيت الفت نظركن لهي النقطة
وشكرا كتير