السلام عليكم

BeNt MaDr!d
نحنا ما تركناك لحالك أكيد بس نحنا بانتظار متطوعين من السنة الثالثة

وعلى شان المحاضرات أنا من ناحيتي رح حاول حط خلفية بإسم المنتدى والمحاضرات حتكون على صيغة بي دي اف
وبعدين إذا سرقتها المكتبات ونشرتها بيكون ما في مشكلة لأنو عم تنشر للمنتدى

وكمان بالنسبة لطلاب السنة الثالثة
نحن نناديكم فهل من مجيب
بإنتظار المتطوعين الجدد
اللهم هذا عملنا خالصا لوجهك فيسره لنا يا ميسر كل عسير

وعلى كل حال إذا ما كان في حدا بدو يكتب من السنة الثالثة
برأيي بإمكانك إختيار مادتين أساسيتين وكتابتهن وتنزيلهن على الموقع
وان شاء الله بكرة بس يبدأ الدوام ممكن تشوفي حدا من رفقاتك بالجامعة بيساعدك

دمتم بصحة وأمان

السلام عليكم ورحمة الله 
أنا وضعي هي السنة بيختلف تماماً عن باقي الطلاب بس فيني ساعدكن
هلأ أنا ترفعت عالمرسوم لأني لهلأ لحتى هديت الي سنة مكركب ومشاكل ما الكن فيها على كل حال
أنا وضعي يلي رح يكون بالكلية مارح احسن اشرحلكنياه هلأ بس رح احضر من السنة الأولى والتانية وبدي نسق بين السنتين
ورح اتولى أمر مادتين من السنة الأولى بشكل مبدئي وازا الوقت ساعدني رح آخد تلت مواد
المواد هني مدخل الى علم الاقتصاد ومبادئ الإدارة وازا ساعدني الوقت متل ما التلكن أنا البطل يلي رح أكتب الانكليزي بالسنة التانية صحي الانكليزي واحد وتنين ما رفعتهن متل ما قلتلكن بسبب الظروف وما درستهن ولا جبت محاضرات بالأصل وتفاجئت كلها كلمات جديدة بس ولا يهمكن بمرئ المحاضرات من تحت أصابيعي
بس أنتو دعولي يمشي الحال واهدى والانكليزي علي 
وبالنسبة للتنسيق بأمور المواد بيناتنا فبدكن تقولولي كيف لحتى نبدا أول بأول
والله يكون معنا وربي يوفقنا جميعاً
  ...................... بكرى أحلى .................  

السلام عليكم ورحمة الله

mohammad55

والله كنا عم نستناك بفارغ الصبر

أول شيء مبروك الترفع على السنة الثانية وان شاء الله كلنا نستفيد من أخطاء السنة الأولى وما بتكرر معنا

والله أنا حملت بس مادتين قدمتن بالتكميلي
بس بصراحة كانت تجربة صعبة

عندي إقتراح إلك
بما أنو بدك تكتب 3 مواد فيا ريت أنو يكونو من السنة الأولى
يعني تكتب الانكليزي 1 بدلا من الانكليزي 3
هيك منكون شدينا بمحاضرات السنة الأولى
إذا كنت موافق خبرني فقط فممكن أنو أنا ساعدك بمواد السنة الأولى
يعني ممكن أنو أكتب محاسبة 1 لأنو عندي ملخص كامل لها
مع شوية متابعة مع الدكتور بيمشي الحال

شكرا كتير لك على مساعتنا بالمشروع

دمتم بود
 

السلام عليكم
والله يا اخي ABOOD 1993 انا ما عندي مشكلة وانا بالاصل اخترت مادة مهمه هي التكاليف وسهلة كمان 
وبالنسبة لتطبيقات الحاسوب  ما فيها كتاب كمان اخترتها للافادة 
ومحاسبة مصرفية ما بدها شي لانو سالت رفيئتي وئالت الكتاب بيكفي
و متوسطه  1 يعني وصلني خبر انو احد الدكاترة بيعطيها من الاساس  من الكتاب كمان مافيها مشكلة  وبالنسبة للحكومية  ؟؟ لسا حواليها استفسارات
وعندي سؤال لطلاب السنة التانية  ..
لانو انا عندي محاسبة شركات .. انتا ح تكتبا اخي مو هيك؟
بالنسبة للمتطوعين بشوف من رفئاتي  .. ومشكوور اخي  لانك رح تدعم المحاضرات وتعملا خلفية خاصة بالمنتدى
   
موفقين  يا رب  للاسبوع القادم
سلاام 

السلام عليكم ورحمة الله 
أخي عبود بالنسب للانكليزي أنا موافق على اقتراحك بس بصراحة أنا مارح أحسن احضر انكليزي هي السنة
بس ازا أنت أو أي حدا بأمنلي التلخيص بتولى تنزيلو عالموقع ازا بيمشي الحال  بس بما أنو الكتاب موجود فبرأيي أنو ننزل بس حل أسئلة المقرر والتدريبات يلي موجودين بالكتاب أما أمر الترجمة فبظن أنو فيو الطالب يتولى هالأمر بنفسو بالإضافة أنو ننزل القواعد مع التمارين وأظن هاد الشي ما بيستدعي الحضور لأنو نفس الحل من السنة الماضية وهو موجود معي برأيي هاد أنسب شي 
ومتل ما بنعرفو الدوام بعد بكرى فصار بدها همة الشغلة
أنا بالنسبة الي صار عندي هالتلت مواد مدخل الاقتصاد  مبادئ الادارة والانكليزي1 والله يساعدنا لفعل الخير
ولأي مساعدة تانية أنا جاهز ومشكورين زملائي الأعزاء
....................... بكرى أحلى .....................

السلام عليكم.....
شباب التانية شو مشان قسمتو المحاضرات ووزعتوهن وأنا أخر من يعلم..... يلا على كل حال الله يعطيكن ألف عافية سلف.....
وعلى هالحالة أنا ما ضل قدامي غير مبادئ التمويل الله يقدرني لحتى نزلا بالشكل المطلوب والمتأمل إن شاء الله..... وأي حدا بيواجه صعوبات بمواده يخبرني وأنا جاهزة للمساعدة إن شاء الله ..... وبدي نوه إلى ضرورة التواصل المستمر فيما بيننا لمواجهة المشاكل العابرة إن وجدت لاقدر الله.....
وبالنسبة لباقي السنين .......... ياجماعة شو قصتكن والله مابتاخد منكن الشغلة وقت كبير بس بدا همة يلا فرجونا نشاطكن واعتبروا هالعمل حسنة وأجرها عند رب العالمين.......
وأكبر شكر للأخ mohammad 55 والأخت بنت مدريد لأهتمامهن ومساعدتهن......

                                                                              تحياتي!!!!!!!!!!!!!

السلام عليكم

الله يعطيكي العافية صديقتي spring angel

الحمد لله اكتمل عدد المتطوعين

بتمنالكون جميعا النجاح والتوفيق

السلام عليكم زملاء:

عندي سؤال وين لئيتوا أحسن شي الدوام
يعني بأي شعبة إن شاء الله رح تداوموا؟؟

أنا السنة الماضية داومت بالشعبة الأولى (المسرح)

السلام عليكم ورحمة الله


BeNt MaDr!d
شكرا لك على صمودك معنا
بتمنى أنو ما يصيبك الإحباط لأنو ما في متطوعين من السنة الثالثة
لأنو مثل ما بتعرفي أنو مشروعنا لساتو محصور ضمن المنتدى ولسا ما صار دوام لحتى ينتشر الخبر بين الطلاب

لذلك بما أنو بلشنا فيه من جديد فلا بأس ولو كتبتي بس مادتين
حتى ولو مانزل غيرهم للسنة الثالثة إن شاء الله أنا بتوقع أنو الوضع على الفصل الثاني بيصير أحسن ومنلاقي متطوعين أكثر

بس إلي رجاء كبير منكن أنو جميعنا نلتزم بتنزيل المحاضرات وتكون المحاضرات خالية من الأخطاء حتى نكسب ثقة الطلاب وبالتالي منحقق النجاح أكتر بالفصل الثاني
وبالنسبة لسؤالك أختي أنا رح أكتب محاسبة الشركات
وإن شاء الله بتستفيدي منها