يا ريت تنجح هالمحاولة مع أنو صعبة بس رح يصير المنتدى ممتاز
ولأني من الفئة يلي ما فيها تحضر ما فيني قول الا الله يوفقكن
مع الحب دائما...........

السلام عليكم ورحمة الله

BeNt MaDr!d
شكرا لك على حرصك
بالنسبة لعدد الطلاب نحنا رح ننتتظر حتى الجمعة أو السبت بركي إن شاء الله بينضم لنا متطوعين جدد
بالنسبة للسنة الثانية في 4 متطوعين ولسا بدنا 2
يعني مو صعبة أبدا أنو نحنا الأربعة نغطي كافة المحاضرات أ
أما المشكلة في السنة الثالة
ما ظهر لسا متطوعين غيرك ونحنا بحاجة إلى ثلاثة على الأقل حتى يمشي المشروع بكل المواد وما ينخاف عليه

آملين من الأعضاء الكرام الإنضمام إلينا والمساعدة في المشروع

                           

أخي أسامة أبو الجود 

شكرا لك على التشجيع وان شاء الله تكون من المستفيدين من المشروع

   

السلام عليكم.....
بالنسبة لطلاب السنة التانية فالعدد هيك صار بيكفي ومن جهتي رح أخد مادتين بس غير المحاسبة والإنكليزي (المحاسبة بياخدا الأخ ABOOD _ بتبقى الإنكليزيبإنتظارالبطل يلي رح يكتبا؟؟؟)
ويلي عندو استعداد ياخد مادتين يخبرنا لأنو صار لازم نجهز حالنا
وبتمنى تزورا موضوع ( سنة تانية أون لاين ) على الرابط التالي
http://eco.jamaa.net/post627817.html#post627817">http://eco.jamaa.net/post627817.html#post627817
لحتى تتعرفوا أكتر على المواد والدكاترة مشان كل واحد فينا ياخد المواد يلي بتناسبه ومايروح وقت كتير لبين مانعرف مين الدكاترة الأفضل وشو المواد المناسبة لكل واحد فينا
ومن جهة تانية لازم نتفق على شغلة مهمة كتير ... وهي أي حدا بتواجهو ظروف تمنعو من تنزيل المحاضرات ( يعني ماحضر المحاضرة مثلا" ... أو غيرو ) يخبرنا قبل بوقت لحتى نتصرف ونزل المحاضرة بدل منو ومايتعطل الطلاب يلي رح يعتمدو على محاضراتنا
وكل واحد منا بدو ياخد على عاتقو شرح محاضرات المادة يلي كفلا والإجابة على أسئلة الطلاب واستفساراتهم
وأخر شغلة مشان موعد تنزيل المحاضرات للي سأل ... فهي مو ضروري بنفس اليوم يعني اذا تاني يوم من إعطاء المحاضرة مافي مشكلة ... وأنا مابشوف فيها صعوبة كبيرة خصوصا" بعد مانقسم المواد علينا رح يصير كل واحد منا مسؤول عن محاضرتين و بالكتير تلاتة بالأسبوع.......
إذا في حدا عندو غير هالرأي فعلى الرحب والسعة .................
وبالختام أسفة عالإطالة......... وبالتوفيق للجميع
                                                

                                                          تحياتي!!!!!!!!!

"السلام عليكم"

إن شاء الله أنا باخد مادتين

طبعا غير الانكليزي!!!!!!!


يللي عندو استعداد يكتب انكليزي يخبرنا.........

كيفكم ان شا الله مناح ؟؟
انا بالنسبه الي ما عندي مشكله بالمواد بس بالنسبه للانجليزي فهي مسؤوليه و بصراحه انا خايفه ما عطيه حقه مشان هيك انا عندي استعداد لاي ماده بس غيرها
و منستنى توزيع المواد
دمتم برعايه الله

السلام عليكم ورحمة الله

على شان تقسيم المواد خلونا نشوف رأيكم

المحاسبة أنا رح أكتبها

والإنكليزي خايفين منها معكم حق لأنو فيها لبكة شوي
نحنا بإنتظار البطل اللي كانت عم تحكي عنو أختنا spring angel حتى يكتبها
والله بس ما كون أنا هو البطل   
على كل حال إلا ما نلاقيلها حل

هلأ إذا عنا 4 مواد وأنتو 3
spring angel
memo tec
LAMA*
والمواد الموجودة :
قانون تجاري - معلوماتية 2 - مبادئ تمويل - تحليل جزئي
خلونا نسمع منكم كل واحد شو المادة اللي بيحب يكتبها
على شان نقسم المواد ويعرف كل واحد الإلتزام اللي عليه

بانتظار ردودكم
 

شو ياجماعة

على شان الإنكليزي
حدا منكم  حضر محاضرات الإنكليزي السنة الأولى
لأنو مثل ما بتعرفو الإنكليزي مرتبطة ببعضها

على شان هيك اللي بدو يكتب الإنكليزي بدو يحضر محاضراتها " الراااائعة "

وإذا ممكن تخبرونا عن علاماتكن بالإنكليزي 1و2

واللي بيكون وضعو أحسن شي بنكلفو بكتابتها

بالنسبة لي :
الانكليزي 1 : 70
الانكليزي 2 : 84

بتمنى أنو يكون وضعكن أحسن مني مع أني حضرت جميع المحاضرات

دمتم بصحة وأمان

السلام عليكم
شو مشان تركتوني لحالي .. يعني ما في طلاب سنة تالتة
ونحنا نسينا شغلة مهمه .. منخاف محاضرات الموقع  تتسرب للمكتبات .. ما فكرتو  فيها ...؟
وكمان في كتيرر طلاب ما عندن كمبيوترات او قدرة على دخول النت .. ؟؟
هي عوائق لازم نفكر فيها لانو مسؤولية كبيرة بتصير على عاتقنا .. مو مجرد طالب او طالبين يلي  بيستفيدوا من المشروع ..  وبالنسبة  لطلاب السنة التالتة .. وينكن ؟؟؟؟؟؟؟؟

"السلام عليكم"

بالنسبة الي رح آخد مادتين تحليل جزئي....... معلوماتية 2

________________________

علاماتي: انكليزي 1    64        انكليزي 2  92

الانكليزي فيها لبكة بالكتابة وبحسها مسؤولية كبيرة لذلك نحن

"بانتظار متطوع يستلم الانكليزي"
________________________