طيب وهي أنا رح بلش وأكتب عن مادة


أخ حسان وين اسم القسم//أو الاختصاص// ماتفقنا نبدا بالترتيب وذلك لعدم  حدوث التباس و مايحصل تشتت

أنا بعتذر لأني خربطت هنيك


وأنا حاولت أني عدل أسم المشاركة بس يبدو أن صلاحية الإشراف تبعي خلصت مدتها

هههههه


المهم أنا قصد أنا هلق بين كل حين وآخر فرضاً أسبوع أو أسبوعين

منشوف إذا في مشاركات كتير على الموضوع

والطلاب صاروا يحطول تعليقات عليه

نحنا منعمل دراسة لكل التعليقات اللي إنحطت

ومنجمعها بحسب المواد اللي ذكروها

بحيث إن نحنا نقيما بشكل عام ونحطا بموضوع منفرد تابع لهادا الموضوع

بس يكون منسق أكتر من هادا

بحيث بالنهاية منحصل على تقييم لكل من الدكاترة والمواد اللي بالكلية عنا

وهيك بيقدر الطالب يعرف المواد اللي رح يعاني منها و الدكاترة اللي لازم يواظب عندهن بالدوام وإلى ماهنالك من أشياء منقدر أن نحنا نكتشفها

من خلال تعليقات الطلاب

بالمختصر نعمل بحث حول سيوكولوجية الطلاب والمواد والدكاترة

عرفتي شلون أختي

بس هالشغل بدوا يقوم فيه شخصين على الأقل بحيث يطلع منتج جميل وقادرين نستفيد منه

وشكرا إلك

بيولوجيا ///سنة ثانية ///مادة التصنيف الحيواني 1///مادة فصل أول ......

مادة فيها عملي كتييييييير حلو ,,,,,,,وبيقدر الواحد ياخد فيه علامة تامة بس بدو تركيز

بعتقد مافيه تشريح كله محضّرات ,وتصنيف لاتيني


أما النظري فهو 70 علامة .........
بيعطي المادة دكتورتين
1- الدكتورة سحر الخطيب
2- الدكتورة منى حيدر
مادة حلوة وبتندرس وأسهل من مادة التصنيف الحيواني 2 بدها خلق ولازم تعرفي شو تدرسي فيها
الدكتورة منى السنة كان إلها 46 علامة نزلت نوطة تقريبا كانو نوطتين ......

بدها تركيز شوي حتى تسهل دراستها .,,,,,,,,,مادة حفظية ,,,,,,,,,فيها دورات حياة ,,,,,,,,يجب حفظها ,,,,,,

الدكتورة سحر بقي لها 24 علامة الدراسة من الكتاب ,,,,,
لازم نكون مركزين بالقراءة عندها والدراسة منيح صحيح أحيانا أسئلتها سهلة بس مع هيك في نكشات كتييير يعني بدها تركيز

المادة حلوة ....

والدكاترة كتيييييييييير حلوين بالتصحيح ,,,,,,أبدا ما بيظلمو حدا بالعكس......كتيير ظراف
يجب الإطلاع لأسئلة الدورات لاجتناب التشنج لإنو نمط الأسئلة ليس عبارة عن اشرح ..وهكذا

أنا برأيي شدوا عالعملي بهي المادة والعلامة بتساعدكن

وادعولي كمان رفعها لإنو لهلأ مانزلت
واذا في أي استفسار عند دراسة المادة ’’’أو ,,,,,,,أو فنحنا جاهزييييييييييين


                                    دمتم سالمين

     

بحب نوه انو هالموضوع كتيررر حلووو وبتمنى من الكل انو يشارك ويفيدنا من خبرتو وخصوصا انو نحنا نقبلين على سنة جديدة

وهلا راح ابدا بمادة كتيررر حلوة هي الوراثة النباتية د. محمد سليمان ود.غسان عياش (بيولوجيا \ سنة تانية\فصل اول)

عملي تبعو صحيح انو صعب بس حلو كونك عم تتعلم شي جديد وهو بيختلف عن عملي لبقية اقسام

 هالمادة علامتها من 70 -35 لدكتور سليمان -35 لدكتور غسان هلا 35 علامة فيت تحصل عليهن بسهولة من قسم  د.سليمان بس بدو شوية تركيز وكمان لازم تدرس مخططات كتيرر منيح لان مخططات لحالن عليهن بين 10-12 اما بالنسبة لقسم  د.غياس فاهم شي انك تدرس النسب المندلية وبحث العبور ......ودكاترة حمدالله كتيرر مناح وعادلين بالعلامات بإذن الله ،،،،،،،،،، وانا رفعت هالمادة مع انو علامتي بالعملي ما كانت منيحة مشان هيك لااااتخافو اا من هالمادة وتوكلو على الله......

وبكرر مرة تانية انو ياريت تشاركونا بخبرتكم وجزاكم الله خيرااااا

ودمتم سالمين

السلام عليكم و رحمة الله

بالنسبة لإلي لقيت مادة الكيماء الحيوية من أحد المواد الممتعة و الحلوة يلي حبيتها

بتحكي عن المواد المكونة للمادة الحية (سكريات , دسم  , بروتينات , حموض نووية...)

وهي مادة من السنة التانية الفصل التاني من قسم البيولوجيا

بتعطيه كل من الدكتورة هيفاء العظمة يلي بتعطي القسم الأكبر

و منال داغستاني قسمها بيندرس بيومين

و إذا الطالب كان متابع النظري مع العملي بلاقي العملي سهل كتير.

و بصراحة أنا أعتبر ما حضرت المادة لأن و قت أحضر كنت اعد أخر شي و بلش حكي مع الرفاق

و لقيتها بتنفهم لحالها بدون حضور

و قت خلصت المادة كنت متئمل جيب علامة عالية , بس غلطنا كم غلطة سهواً فنزلت العلامة شوي

يتبع.....

شو وينكن ياجماعة

والله تفاجئت وتوقعت يكون في تفاعل

أي شو بدنا نشحد منكن شحادة
الله يسامحكم



بسم الله أنا رح احكي عن مادة جديدة

مادة  بيولوجيا///سنة ثانية//الفيزيولوجيا العصبية ///فصل أول


مادة للدكتورين
1- الدكتور مصطفى بصل ,العلامة من 50
2- الدكتورة رندو وانلي ,,,العلامة من 50

ليس للمادة عملي ,,,,,,,,,,المادة من 100

مادة حلوة بتذكرنا بأيام البكالوريا وبتخلينا نترحم عليها

هلأ أنا عانيت من هالمادة كونه ما كان قبلها غير يوم واحد للدراسة
وحملناها بالفصل الأول قدمتها بالتكميلي والحمد لله رفعتها
الدكتور مصطفى الله يجزيه الخير والله مافي منو ساعدنا كتييير وعمل يلي عليه وزيادة ,,,,
الدراسة من النوطة والمتابعة مع الدكتور كونه بيعطي أسئلة وبسهل الدراسة للمادة وكمان بيكرر أسئلة دورات واذا رحتو لعندو قبل المادة بساعدكن كتييير

أسئلته الحمد لله الدارس لا الحمد لله شي بطمن

بس الدكتورة إلها نوطة ,
والله أنا هربت من أول محاضرتين وما عدت احضرتلها وظلمتنا بالفصل الأول بس الحمد لله التكميلي مشي الحال رضيت علينا

يعني ما بتعرفو شو بيخطر ببالها وتجيب

الأهم انو إلها مسألة ودائما كل دورة تتكرر وعليها 10 علامات ويمكن أكتر

وبتمنالكن كلّ التوفيق بالمادة
وأي استفسار آخر بإمكانكم تسألو
لا تخجلو؟؟؟


واذا في أي زيادة أو إضافة أكيد أنا لا أمانع

بالتوفيق
 

السلام عليكم
رح نشرح شوي عن السنة الثانية كيمياء
بسم الله
فصل اول
==============================
اهتزازات وامواج(د.احمد الاحمد):
جزئين عملي ونظري العملي ممل بس سهل  وحاول تحصل اكبر علامة
النظري الحفظ من المحاضرات بصم ولا باس بالاطلاع على اسئلة الدورات
==============================
تحليلية1
جزئين عملي ونظري
العملي ممتع للي بحب المعايرة وجميل ويمكن الحصول على علامة عالية الدكاترة سكرة
النظري عندك كتاب دروس منو بيجي اسئلة نظرية ومسائل معايرة ولا مانع من الاطلاع على اسئلة الدورات مفيدة
==============================
عضوية1
عملي جميل بس في بعض الصعوبة بالبداية واهم شي احذر من الروائح الكريهة
النظري اهم شي التسميات والتعاريف الكتاب جيد لكن منظرو بخوف من كبرو بس ولا يهمكن منظر عالفاضي وفي نوطة اسمها نوطة ميسرة لذيذة ومفيدة واسئلة الدورات كتير مهمة
==============================
انكليزي1
محاضرات كافية وزيادة الاسئلة اتمتة بس عم يقولوا من سنتين انو بدن يلغوا الاتمتة مادة معدل دير بالك علبها
==============================
كمومية
الحضور اهم الشي المحاضرات كثيفة وبدها متابعة دير بالك عليها رح تكون عقبة صغيرة امامك تتغلب عليها بالمتابعة يعني بالمشرمحي اهمل كلشي من الدراسة الا هي
==============================
فيزيائية 1
ما بدي خوفكن من المادة بس سئيلة شوي ادرسا مع الدكتور تابع معو اهم شي الاشتقاقات والمسائل بالمحاضرات الاخيرة
==============================
ملخص صغير
كل المواد انشاء الله بتترفع بس اهم مادتين للدراسة الكمومية والفيزيائية 1 ارجو الدراسة بهما باكرا حتى لا تتراكم عليك ودمتم لنا لقاء اخر انشاء الله بمواد الفصل الثاني

بشكركم كتير على هالموضوع أنا مترفعة ع السنة التانية ومبسوطة عالمعلومات اللي أخذتها قبل ماتبلش السنة الجديدة وبتمنا منكم المزيد (جعله الله في ميزان حسناتكم)     ;i(14;

واليكم مشاركتي
السنة الأولى بيولوجية الفصل الأول                                                                                                          أولا" كيمياء حيوية بتعطيها الدكتورة باسلة ابراهيم والدكتور جواد خبيز المادة سهلة بس بقترح أوبنصح كل الطلاب بالحضور والكتابة مع الدكاترة لأنو حتى مع وجود النوط بتلاقي اللي كاتبتيه غير        ثانيا" النبات الجزء الأول خلية نباتية تعطيها الدكتورة هيفاء قاسم بنصح باحضار الكتاب والتسطيرمع الدكتورة لأنو المادة مو سهلةوبدهاتركيز من أول السنة  والجزء الثاني من مادة النبات يعطيها الدكتور سليم زيد وهي المورفولوجيا كمان نفس الحكي و الجزء الثالث التشريح بس اكتب مع الدكتوربيكفي                                                                                                                                            يتبع مع تكملة مواد الفصل الاول

السلام عليكم ورحمة الله وبركاته    



والله انتو ياطلاب كلية العلوم نهفة
والله مالي شايفة مشاركات علما انو نحنا ببداية العام
لازم نساعد بعضنا ياجماعة ومانتهاون بهالشي
رجاء ....................................