السلام عليكم
اقتراح كتير حلو وخاصة انو صاير منتدى العمارة كتير مملل والمواضيع فيه كتير قليلة
انا يلي فهمتو من حكيك انو نحنا منختار موضوع معين وكل واحد منا بيجيب معلومات عن الموضوع وبيحطها هون وبعدين منتشارك بالمعلومات ومنستفيد
يعني كأنو عم نشتغل حلقة بحث
طيب الفكرة كتير حلوة
ممكن نختار مواضيع بتتعلق بالعمارة التقليدية
حتى اذا بدنا ممكن نتناقش بمواضيع بتتعلق بالديكور مثلا
هيك خطر على بالي يعني شغلات بتمس دراستنا
سلامي لك

أهلاً ليلى .. شكراً لتفاعلك السريع مع الفكرة ..

وفعلاً متل ما وصلتك وفهمتيها صح ^_*

..

مشان المواضيع .. لازم تكون تلامس دراستنا لإنو هي الغاية .. والمواضيع اللي زكرتها أنا .. أول شي خطرلي كأمثلة بس ..

وفعلاً الديكور مجال كتير واسع ومهم .. منشوف آراء البقية ومنقرر سوا ..


أكرر شكري ..

تحيتي لكِ عزيزتي ..

السلام عليكم
طيب لكن نحنا بانتظار ان تكتمل الأراء حول المواضيع لنبدأ البحث
والمشاركة
أنا بانتظار ذلك
يسعدني أن اشاركك الأراء والمقترحات
سلامي لك عزيزتي

مرحبا يا جماعة ....

مممممممم الفكرة كتير حلوة

و انا من المؤدين

و مشان أنها بحث لموضوع واحد

فبقترح يكون موضوع كتير مهم و شامل بيستحق انو اكتر من حدا يبحث عنو

و تكونوا اهمية بتفيد الكلللللل

....و خلينا نبلش بالتفكير

1-العمارة المستدامة صرعونا فيه بالكلية و هو لازم يكون محقق بكل مشاريع التصميم

و هو شي حلو و مفيد كتير خصوصا بوقتنا بعد ما اتضررت البيئة كتير

فبعتقد هو موضوع مهم

 

النظرية اللونية و العمارة الوظيفية ؟؟؟ و الله ما بعرف

2-و العمارة التقليدية هي جزء و حالة ...... حلوة ....... بس معتة ...ههه ليلى لا تزعلي

بس و الله كتير حلوة ....... و خصوصي البيوت الدمشقية رائعة رائعة

بتستحق مليون بحث

اذا كان البحث عنها من جانب الانشاء و الجمال كعمارة دمشق او العمارة التقليدية ككل

فانا كمان موافقة....... ما حسينا بجمالها الا لما زرناها وعشنا فيها لكم ساعة ايام النتفيذية

3- اقتراح جديد ؟؟؟

بفكر

أو بقترح المدارس المعمارية

 

تحيتي للجميع .........

 

 

 

 

 

المدارس المعمارية
شو بتقصدي فيها ممكن لو بتعريف صغير تشرحي عنها اكتر
اذا ممكن
مشكورة سلفا

أنا اقترحت هالموضوع بالذات (( المدارس المعمارية ))

لأني ما كتير بعرفو كمان

بظن أنو طريق  بالتصميم بيتبعها مجموعة من المعمارين

متل المدرسة الوحشية

العمارة العضوية

و .....

بصراحة ما كتير بعرف عنو

و فجأة بشي تصليحة بيجلك طالب بيتفلسف و بيقول للمعيد عم يشتغل بمدرسة كذا

و بيبلشوا نقاش ...و واو .. شغلة .. و نحنا متل الاطرش بالزفة

و ...

و مشارع التخرج شفت انتقادات لطلاب اشتغلوا بطريقة تابعة لمدرسة معينة

و ادخلولها شي لازم ما يعملوه... و انا التنين ما بعرف عنن

....

و لحالي بيديق خلقي ابحث و اقرأ

بدي حدا ينكشني أو يكون واجب عليي .. بالعصاية يعني

و هي فرصة ..

هنن أكتر من مدرسة ...

 

أنا بعرف انو في مادة عنا بتتدرس فيها شوي عنن ... بس حلو الواحد ياخد فكرة بكير

طبعا هي واحد من الاقتراحات

 

 

بانتظار اقتراحاتكن و آرائكن

تحيتي

 

 

مررحبا .. مجد كانك قاعدة بقلبي 
دائما كانت تخطر ببالي الفكرة

انا كتير معكن وانشالله بشارك مشاركة فعالة

وكل الموضيع الي قلتو عليها انا قبلانة فيها بس انا اقتراحي هوي .. العمارة الدمشقية
من زمان كان جاي عبالي افتح هالموضوع واذا بدكن بنشتغل في سوا

لانو عن عمارة دمشق في كتب كتير بس عالنت مافي معلومات كافية بقى شورأيكن بما انو بلدنا 

شكرا حبيبتي قرنفل على المعلومات ولو انها بسيطة
فعلا شكلو موضوع كتير ممتع
بتصور هي المادة مناخدها بالسنة الرابعة
بس اكيد متل ماقلت مو غلط انو نعرف عنها بعض المعلومات
انا عجبني الموضوع
وكمان اقتراح ولاء حلو عن العمارة الدمشقية
انا برايي لازم نعمل تصويت للموضوع الأفضل
شو رأيكم؟؟؟؟؟؟؟؟؟
سلامي لكم

و مشان أنها بحث لموضوع واحد

فبقترح يكون موضوع كتير مهم و شامل بيستحق انو اكتر من حدا يبحث عنو

و تكونوا اهمية بتفيد الكلللللل

أكيد وهالنقطة مهمة كتير ..

النظرية اللونية و العمارة الوظيفية ؟؟؟ و الله ما بعرف

لك ولا أنا .. بس بسمع عنهون قلت منقرأ سوا فيهون .. بس مبيّن من أسماءون إنون صعبين وموضوع تخصصي بحت ! .. بدنا شي يلامس دراستنا الحالية ..

أو بقترح المدارس المعمارية

كمان حلو كتير .. ومجالو واسع ..
هي مو بتشبه نظريات العمارة ..؟! كمان النظريات مادة لح ناخدها السنة الجاية :D

و فجأة بشي تصليحة بيجلك طالب بيتفلسف و بيقول للمعيد عم يشتغل بمدرسة كذا

و بيبلشوا نقاش ...و واو .. شغلة .. و نحنا متل الاطرش بالزفة

ييييي شو بتزاول منون هدلول ..


ع كلٍ شكراً إلك قرنفلتنا الحلوة للتفاعل ..

بس وين بقية الشعب ..؟؟؟؟!!! لك شباب العمارة ليش منقرضين ..؟! وينكون ..؟!