السلام عليكم*
كيفكون يا مترجمي المستقبل*
كان بدي أسأل وهالسؤال لأصحاب الخبرة والمتمرسين بالصراع مع هالمادة(الثقافة)للسنة الاولى ترجمة
يا جماعة كيف بتندرس هالمادة؟؟؟ يعني هل أول شي لازم ترجم كل الكتاب وبعدين احفظو؟؟؟ولييي
وهل بئدر ادرسها لحالي يعني من دون دوام؟ لأني ناوية ادرسها هلأ يعني قبل ما يبلش دوام الجامعة(مع العلم اني مالي حاملتا يعني بدي ادمها لأول مرة)
وبحكم خبرتكون بصعوبة المادة شو النصايح و شو أحسن طريقة لدراستها
لازم بالطريقة يللي حكيتها قبل شوي؟؟
شكرا سلفا(بس ردو وماحدا يطنش الله يرضى عليكون)

آه ياسالي قصتي طويلة مع القومية   
القصة وما فيها أنا من زمان ما بحب الحفظ الصم  وكنت كتير بكره الفلسفة والقومية
وبعدين خلصنا المدرسة بس لأسف ما خلصت من القومية تفاجئت إنو في بالسنة الأولى قومية        وعملت نفسك بلشت أدرسها من أول الجامعة
وكانت عندي بالفصل الثاني وكان بعد القومية امتحان الكيماء والمصيبة إني رحت على امتحان القومية دارسة كيمياء ونصدمت بالجامعة بس عرفت إنو اليوم عندي قومية وما درست الكيماء بعدين لإني يئست كتير وهيك حملت المادتين       بس القصة لسى ما خلصت    قررت قدم امتحان القومية بالدورة التكميلية وفعلا درست كتير وبتعرفي كان رمضان بس اتحملت ودرست وعلى أساس كان عندي الإمتحان من الساعة 4 إلى 6 هيك أنا شفتا على الانترنت يعني بعز الشوب والحر واتحملت ولبست وطلعت من البيت وأنا عم راجع المادة وصلت على الجامعة ودورت على أسماء طلاب البيولوجيا ما لقيت في امتحان للبيولوجيا أصلا  بعدين طلعت على برامج الإمتحانات لقيت امتحان القومية اليوم بس من الساعة 8.30 صباحا      بس قرآت هيك جمدت بأرضي بعدين ضحكت كتير
يمكن ضحكت على حظي المعتر بس ما بعرف ليش بالقومية بس
بنفس الساعة حسيت حالي قوية كتير بس قلت الحمد لله وأكيد الله عارف إني درست وتعبت ونصيحتي إلك لا تفكري فيها إبدا إبد  خليها متل أي مادة غيرها
وانتبهي كتير والإنسان الذكي بيتعلم من أخطاء غيره
وإن شاء الله كون ساعدتك وما كون يئستك
وأخيرا أسفة كتير للإطالة     

واضح انو الآنسة butter fly of biology.. ما بتعرف شو فرق الثقافة تبع الترجمة بالتعليم المفتوح والثقافة بالفروع التانية.. الثقافة اللي عنا بتختلف اختلاف جذري وما الها علاقة بالثقافة تبعكن.. يعني مو قومية.. الثقافة اللي عنا بالترجمة هي عبارة عن تاريخ بس "بالانكليزي".. *سالي*: بالنسبة لمادة الثقافة.. بالنسبة الي انا نجحت عالسنة التانية الحمدلله.. ورفعت الثقافة بالفصل الاول والفصل التاني الحمدلله.. بالنسبة لطريقة دراستها.. بنصحك بالخطوات التالية.. "مع انو مو هالمعدل الفظيع اللي جبتو بس كمان انا بقرف من البصم والحفظ الغليظ":
اول شي.. الدكتور اللي بيعطي المادة هو رياض مثقلون.. يعني الزلمة ما رح احكي عليه الله يجزيه الخير.. بس كتير بيفوت مواضيع الفلسفة بالنص.. يعني بالفصل الاول كانت كل الاسئلة الاولانية عن الكلمات اللي بتنتهي بـ ism واللي هي عبارة عن مصطلحات فلسفية والاختيارات كلها عبارة عن تعاريف.. ولاقي التعريف الصح اذا بتلاقي..
تاني شي.. يعني الدكتور لما بيعطي المادة.. بيفصل كتير بالمقطع الواحد.. وهي شغلة كتير منيحة... حاولي تفهمي النص كلو على اساس قصة.. حاولي تتبعي طريقة التفصيل والتبنيد "عدد، علل، اشرح..."
تالت شي.. حاولي انو كللللللل كلمة بتلاقيها جديدة بالنص.. انك تحطيها عندك.. بجدول.. الكلمات ومعناها.. انا هيك عملت... وقسمي كل chapter لحالو..
اممممم شو كمان... يعني ما عندي غير هيك يمكن.. واسفة عالاطالة.. وانا معك فعلا المادة كتييييييير دمها تقيل.. بتمنالك التوفيق.. واذا عندك اي سؤال قوليلي ;)

انا أسفة كتير لسوء الفهم     
أنا شفت كلمت ثقافة ونسيت كلشي
          أنا أسفة مرة ثانية والله يعينك على هالمادة ما بعرف ليش حسيتها غليظة
                        sorry

للأسف الشديد ... نفس المعاااناااة ...
 
أنا قدمت كلا الثقافتين مرتين ... بس للأسف الشديد لم أنجح
يعني هلق انا صرت سنة تالتة ... ولهلق معي مادتين من السنة الأولى :)
ومعي مادة من السنة التاانية .. واللي هية الصوتيات .. بعترف اني ما درستها منيح ...
يعني المجموع ثلاث مواد ... يعني انا في خطر ... يعني بكل السنة التالتة لازم ما احمل غير مااادة واحدة فقط ... أو مادتين إذا رفعت الصوتيات .....
آآآآآآخ يااااراسي اشعر بالفشل بسبب هاتين المادتين اللعينتين ... ماذا افعل ؟؟ لاأدري
هاهاهاهاااااااااااااااا .... الله يفك أسري من هالمااادتين ... ويفك كل الطلاااب .. ياااارب

يعني والله اللي عم بصير بهالماااادتين مو طبيعي .... يعني لاااازم نفكر بحل .... !!!!

                                                                                إسراء

لك تسلمولي كلكون*
والله مافتحت صرلي يومين لهيك كنت طناش
يسلمووو عهالردود المشجعة(والله عنجد مو مسخرة) ردودكون حسستني اني مالي غبية
يعني الكل معاني مو بس انا*
أختيbutterfly of biology قصتك مع هالقومية نهفة!   بس طبيعي ههه
وعلى سيرة مثقلون انا هالدكتور حضرتلو مرة وحدة بس حرمت لأنو باختصار ماطئتو!
وانا الاستاز يللي مابحبو ما بعود بدي افهم عليه يعني(أنا تنحة شوي)!
الدكتورة وفاء فهمت عليها شوي بس المشكلة اني خايفة هلأ سجل ثقافة1 ويطلعلي مثقلون!!!
على هوا ما بتعرفو هل مثقلون بيعطي ال1 بالفصل الأول وبيتركها هالمادة للدكتورة بالفصل التاني ليعطي هوة ال2؟ يعني هوة بيمشي عالنظامي والدكتورة بتاخد الباقي؟لأنو هيك كان السنة الماضية
ييي صرلي ساعة عم احكي ويمكن بعد كل هاد ماحدا فهم عليي شي!
الله يخلص طلاب الترجمة من هالمعضلة قولو آمييين