بياخد تفقد مشان يحضروا الطلاب لأنو لوما  بيعمل هيك ما بلاقي حدا يعطي المحاضرة

بس بالأخير بيطلع كلوا حكي

ومشان دراسة الثقافة بآخر الفصل بنزل الدكتور ملحق بتدرسوا منو بترفعوا المادة بس أنا قلت بترفعوا مو بتجيبوا علامات

يلي بدو يجيب علامات لازم يدرس من الكتاب

موفقين بدراستكن

سلام

هلق انا عم ادرس من الكتاب محاسبة مثلا و عم لاقي فيه تكرار كتير و حتى بالمسائل المحلومة في خربطة بالاصفار يعني الرقم بالسؤال 63000 بتلاقيه بالجواب 630000
و هيك
حتى انا سالت طلاب سنة تانية و قالولي انو كتاب الاحصاء كتير بيخربط ادرسي من المحاضرات و بس

و الله ما بعرف
هلق هو اكيد الاصل الكتاب بس و الله صعب

ليش محاضرات الثقافة شو هي غير حكي ومن برات الكتاب وإخر محاضرة قال الدكتور حيبكينا بالأسئلة
عكل حال الله ينجحنا

ولو ..لا شكر على واجب

الله يختار يلي فيه الخير ..وطمنينا عنك بالاخير شو رح تختاري

وبالتوفيق يارب ..

يعطيك العافية آيه

الله يوفقك ويسعدك

بس حبيبتي يا ريت تكتبيلنا  ملخص لمواد السنة التانية...

من فضلك

ولك منا جزيل الشكر

   

الله يعافيك ..يارب ..

بالنسبة لمواد السنة التانية ..في موضوع بيحكي عن هالشي ..ومافي داعي زيد عليه ..لانه كافي ووافي

السنة الثانية بصراحة يمكن تكون أحلى سنين بكلية الاقتصاد
وهي بالإضافة بقولوا عنها أنها صعبة بس أنا ما لقيت هل الصعوبة
ولما تفوت السنة الثانية بتلاقي حالك أنك عنجد فتت بالاقتصاد
يعني كل المواد تقريبا متعلقة بجميع الاختصاصات
عند بالفصل الأول التالي
وأنا عم بتحدث عن النظام الأحدث

مبادئ التمويل
مادة ولا أحلى بتدرس النسب المالية والتحليل المالي للقوائم المحاسبية
هي المادة هي من اختصاص المصارف فيها شوية نظرية شغلة 20 صفحة والباقي كلها عملي
أسئلة المادة تقليدي 100%

انكليزي 3
طبعا الإنكليزي بالأول والأخر بتعتمد على مستوى الطالب باللغة وبنصحك إذا مو تمام تعملك كم دورة

تحليل جزئي
مادة عملية + نظرية
بتدرس توازن السوق والفرد على المستوى الجزئي
50% أتمتة +50% تقليدي
وهي بتتعلق بإختصاص الاقتصاد

محاسبة شركات
بتشمل دراسة شركات الأشخاص
وشركات الأموال
من التكوين حتى التصفية
وبصراحة هي المادة ضخمة وبدها دراسة مرتية
إمتحانها 60% مؤتمت 40% تقليدي

قانون تجاري
مادة بتدرس الجانب القانوني من العقود التجارية
نظرية بتعتمد على التحليل القانوني
دائما بتكرر فيها اسئلة الدورات
100% أتمته

معلوماتية 2
مادة بتتعلق بالبرمجة
فيها تلت أقسام
قسم نظري بيتعلق بأنظمة التشغيل وأنظنمة المعلومات
قسم عملي بيتعلق بالبرمحة بلغة تربوا باسكال
قسم عملي بيتعلق بالبرمجة بالغلة دلفي
100% مؤتمته
وبكمل الفصل الثاني لاحقا
بالتوفيق


وبالنسبة للدكاترة كل الدكاترة بدهم يعطوكم المادة
يعني كل واحد بيعطي قسم

مشكورة آية عالإفادة

بارك الله فيك

ووفقك بالسنة التالتة يا رب

   

شكرا كتير لمى...

واكيد بتمنالك التوفيق بالتانية ..ومن حكي شخصي ..عنجد مو صعبة ..بس بدها دراسة

يعني مافي شي بصير من دون دراسة

وبرايي عنجد ..ونصيحة من اختك ..حاولي ترفعي كل فصل بفصلو ..وماتحملي اي مادة ..او تتهاوني بالفصل الاول ..بالعكس بتعاني كتير بعدين صدقيني

وبالتوفيق يارب ..واكيد اي شي بتحتاجينه ..نحنا بالخدمة ان شاء الله