السلام عليكم

ييي على هالنسوة... لا تواخزينا بلشنا نضوي ^_^... صح والله تذكرت....

إن شاء الله يا رب بترفيعهم تنيناتهم وبينجبر خاطرك فيهم يا رب....

السلام عليكم

أول شي يعطيكي العافية مشان الفحص ... هالوقت كتير صعب التقديم في ... فهاد إنجاز

تاني شي في كتار عندهم نفس الحالة

أنا كنت بتمنى أعمل أشياء أكتر ... بس ما بعرف بيطلع للواحد عقبات هنا وهناك

كل يوم بقول ما بدي أكسب ذنوب بسبب حدا ... بس ...! الله يعفو عنا ويخلينا محافظين عهدوئنا مع الكل

وهلأ مشكلتي الجديدة هي فترة ما بعد السحور ... كنت متمنية أستغلها بشكل منيح بس لما كون عم أتسحر بتكون بطاريتي معبية 1% ... بمجرد خلص بتصير 0%

وخلص راحت نومة للصبح

حقلك جملة قالها د.عمر خالد ببرنامجو من يومين ... وطبقيها على حالك :)

((الخيول ... لما توصل لنهاية السباق بتصير بتسرع بكل ما فيها من قوة))

وهلأ نحنا صرنا بالعشر الأخير ... فشدي همتك وفيكي تسبقي الباقي ^ ^

آآآآآآآآخ هالموضوع كأنو عني......عنجد مو معقول يعني في كتار عندن نفس الحالة أنا كتير تعبانة ووقتي مو مستثمر منيح........عكلن عجبتني بالمشاركة اللي قبل مشاركتي جملة عمرو خالد..الله يقدرنا نلحق حالنا بشي مفيد

السلام عليكم

أخت بلسم الاآلام ,,,والله كلنا عم ّ نعاني من هالشي     

يعني والله أنا كتير مضغزطة من الامتحان ومتدايقة كتيييير ,,,,,,,

أنا بنصحك ب المشاركة يعني حدا يقدر يساعدك من أخواتك من رفقاتك ,,,,,,,تعملو برنامج واحد تعملو مشروع  ,تقرؤؤا قرآن سوا تمشوا بالأجزاء سوا ,,,يعني ,,,,هيم ,,مابعرف اذا فهمتي عليي


عيشي لحظتك قولي بهالدقيقة شوبدي ساوي واستغليها بشي مفيد ولا تقولي بهالساعة شو بدي ساوي ولا بكرا شوبدي ساوي ,استغلي وقتك ومابتلاقي غير مرقتيه بشي مفيد ,,,,,

وفقك الله

وادعيلنا أملنة نرفع موادنا

وادعيلنا الله يحمي بلدنا ,,,,,,,,,

السلام عليكم:

يمكن ردي متأخر لا تواخذيني بس بظن يلي حكوا سلام و

فارما87 والبقية، الله يجزيهم الخير ،بكفي وبوفي وشكلو الحمد لله كفى ^_^

بس بدي قلك شغلتين حتى ما تثبطي همتك بتعرفيهم بس تذكير....

أولاً:  لا يكلف الله نفساً إلا وسعها...

ثانياً: قليل دائم خير من كثير منقطع....

بس شغلة ما عجبتني بكلامك ^_^

أنو شو كلنا أحسن منك !!!  أختي ما حدا أحسن من حدا كل واحد فينا عندو
ذنوبه وبالنهاية ما حدا بيعرف مين أحسن من الثاني غير رب العالمين

الله يهدي بالك .....
لا تنسينا من دعائك والله كثير بحاجة للدعاء

الله يجعلنا من عتقاء هذا الشهر
والله يطول بعمرنا لنشهد رمضان الجاية..... 

والله يا بلسم هو هالرمضان مكركب وهاد طبيعي يمكن من كركبة الأحوال يلي حوالينا

وأنا كمان أهلي ما عاد خلوني روح عالجامع إلا نادراً بس عم حاول صلي بالبيت وأسمع تسجيلات جامع لالا باشا إذا عندك ياهن اسمعيهم فعلاً مناجاة رائعة تجعل القلب يرق وبتبكي وبترتاحي
وما شاء الله كل الزملاءماقصروا بنصائحهم وكفوا ووفوا
الله يجعلنا جميعاً من عتقاء هذا الشهر الكريم
بالتوفيق بلسم الآلام

سلام   Hope  جمال الروحM  أميرة الدموع

آية الرحمن   سويت لايف    

شكرا لمشاركتكون وإن شاالله ربي بيوفقكون بكل حياتكون ومابتشوفو فيها لا هم ولازعل

     


الحمدلله انا صرت تمام بعد نصيحة فارما87 وسلام

الله يجزيكون الخير    

والله من كلامك مبين أنو ما في شي عندكم ... فمن شان هيك انزلي وروحي عالجامع وتوكلي على الله ... ما حدا بيموت قبل وقتو ... وما حدا بياكل غير نصيبو ...

وطالما في أمكانية أنك تروحي تصلي التراويح جماعة مع أحد من عائلتك  وأنت مرتاحة... فوالله لا تقصري أبداً أبداً ... لأنو  هي نعمة كبيرة هلأ من يومين حسيت فيها بعد يلي عم يصير حالياً حولين بيتنا ...
الله وكيلك أول عشرة والله ولا أحلى من هيك ... تاني عشرة أشتغل الضرب .... تالت عشرة الله يسترنا أحسن شي ..... يمكن ما تتصوري أنو المنطقة يلي عايش فيها يصير فيها هيك ... حتى أنا كنت مأمن أنو والله الحمد لله لح نغتنم كل التراويح بس الظاهر صار الواحد يضطر يرجع بسرعة عالبيت خوفاً وطمعاً ...............

كمان حمدي ربك أنك عم تحسي عم تقصري بحق ربك والله في ناس كتير متل حكايتي والله العظيم القلب أقسى من الحجر بس شو بدنا نساوي ..... على الله ..... والله يرحمنا برحمته ... حاكم إذا يحسبنا على العمل فالعوض بسلامتك ....
فالله يديم عليك هالنعمة ... نعمة الاحساس بالتقصير و الله يوفقك ... حاكم هالنعمة دليل على العناية الربانية ...... فحافظي على هالنعمة بالحمد والشكر ...

طبعاً لا تواخذيني مو أنا يلي بنصح .. حاكم بدي مين ينصحني ... بس حكيت هذا الكلام من باب التذكير فيه ..................


بالتوفيق ..............................................................

أهلين ياسر  

بتعرف ياسر خليتني اضحك بتعرف ليش

بس لح قلك شغلة لحالك افهمها
هادا يا أخي بتعرف انو نحنا اضطرينا نترك بيت طويل عريض ونستأجر بيت غيرولمدة شهر  يكون أقرب عالجامعات والمواصلات تكون اسهل ولأن عندي اخ صغير مو متعوديشوف أفلام ولأن ابي اجتو سفرة ضرورية لتجديد الاقامة والعمرة فخاف علينا


اما مشان التراويح والله صايرة عم صلي بالبيت بتوصاية أبي لإلي قبل مايسافر
انا اهلي  طبيعتهون كتير خويفين عالولاد بنت او شب  كبير او صغير مابتفرق
------------------------------------------------------------

ومشان الاحساس بالتقصير متل ما تفضلت حضرتك الحمدلله هادا فعلا نعمة

بس بتعرف  انا اساس هالاحساس عندي شو هو 

هواني بكره الاحساس بالفشل

يعني بصراحةعم حس حالي لا دين ولادنيا لا عم اعرف كون منيحة مع الله ولا عم اعرف حط عقلي براسي واقعد ادرس و الله بكرا عندي صناعيةولهلأ مادرست شي بس عن جد مو طايقة ادرس  خلص مخي تسكر ياربي دخيلك وقت واحد مخو يسكربصير هو مابيعرف حالو
والله اذا مابتجي فهمكون كفاية بكرا بكون لازم يصير فهمي كفاية اني لح ارسب بالمادة
     

بس بتعرف شغلة حسيت فيها حسيت انو الله بدو منا القليل وانو نعمل قدر الامكان

والله الله رحيم وبيعرفنا شو نحنا والله يا ياسر متل قلت انت اكيد الله مابيحاسبنا عالعمل وبس
رحمتو أكبر من هيك بس عن جد هلأ هيك الله عطاني راحة نفسية
مع انو والله كنت عم موت وادمر رسمي

وفي شغلة مهمة عن جد كتير ساعدتني هي ((لا إله إلا أنت سبحانك اني كنت من الظالمين)) هي تأثيرها سحري وعلى حسب مايشعر فيها الشخص ويحس بمعناها هو عم يقولها على أد مابكون الفرج والراحة نفسية قريبين كتييييير

[[[طبعاً لا تواخذيني مو أنا يلي بنصح .. حاكم بدي مين ينصحني]]]

الله يسامحك يا ياسر على هالحكي اذا نحنا مانصحنا بعض مين بدو ينصحنا لكن
ليكني هي انا ارتحت وتغيرت حالي بنصيحة من فارما87 وسلام
لاتواخذونا عالاطالة
شكرا ياسر لمشاركتك وان شاالله بالتوفيق بكل موادك