مرحبا هلق الطالب بينجح اذا حمل 4 مواد ولا لأ بعد الدورة التكميلية ياريت حدا يعطيني جواب  

ياشباب العلامتين اذا كان حدا جايب 58 او مادتين اذا حدا جاب 59 بالمادتين وهذا القرار يطبق عند حساب النتيجة النهائية للطالب أي بعد الدورة الامتحانية الثالثة وتقبلوا جميعا مني تمنياتي بالتوفيق والنجاح الدائم والمستمر

طيب لو كان بيعتبروها صفر العلامة كان انكتب بنص القرار أنو يبدأ العمل بالقرار من الدورة التكميلية وهوة بالنص مذكور يبدأ العمل بالقرار ابتداء من الفصل الثاني 2010-2011

مو ولا أنا غلطانة

معك حق المرسوم "فيما يتعلق بالمساعدات الجامعية" بحاجة لتوضيح
ولا سيما إنو جاء بالنص :

و بيّن القرار أن المساعدة للطالب بعلامتين على الأكثر في مقرر واحد أو موزعتين على مقررين إذا كانت هذه المساعدة تؤدي إلى تبديل الوضع الجامعي للطالب وتمنح هذه المساعدة في أي دورة امتحانية حيث تؤدي إلى تبديل وضع الطالب أي إذا كانت هذه المساعدة تؤدي إلى التخرج، أو إذا كانت هذه المساعدة تؤدي إلى النجاح في مقررات السنة جميعها، أو إذا كانت هذه المساعدة تؤدي إلى الانتقال إلى السنة الأعلى، أو إذا كانت هذه المساعدة تؤدي إلى السماح لطلاب الكليات التي لها مشروع تخرج للتقدم إلى هذا المشروع، أو إذا كانت هذه المساعدة تؤدي إلى السماح لطلاب السنة السادسة في كليات الطب للتقدم إلى امتحانات التخرج، أو إذا كانت هذه المساعدة تؤدي إلى السماح للطالب بدخول امتحانات الدورة الصيفية.


وإذا كملنا النص بنلاقي العملية بحاجة لوقت:

و يبدأ العمل بالمساعدات الامتحانية من الفصل الدراسي الثاني لعام 2010-2011، حيث تقوم بحسب قرار المجلس مديرية الامتحانات في الكلية بالتنسيق مع شؤون الطلاب فيها بإعداد قوائم بالحالات التي تنطبق عليها المساعدات تقدم إلى عميد الكلية، ويتخذ مجلس الكلية بعد تدقيقها القرار بإضافتها، شرط أن تضاف المساعدة إلى علامة المقرر التي تكون الأقرب إلى علامة النجاح، وفي حال تساوي علامتي مقررين في المساعدة تضاف إلى علامة المقرر الذي يختاره الطالب.


و الله لازم نعمل استفسار من قسم شؤون الطلاب بس كالعادة ما بيعطوك شي لهيك بنصحك
تسألي شي دكتور متل الدكتور عابد أو الدكتور بطرس بعتقد إنو هنن عندون الجواب اليقين ............

طيب شكرا انو في حدا معي عالخط

يعني بتنصحي اسال دكاترة بالجامعة عاديين

هوة فعلا القصة بدها سؤال

وشكرا كتيييير

ولله بصراحة ما بعرف دكاترة عاديين إذا بيعرفوا أنا قصدي دكاترة إلهم مناصب إدارية بالجامعة أكيد بيعرفوا
فالدكتور عابد فضلية و الدكتور بطرس ميالة هما  نائبان للعميد
أو  أي رئيس قسم  اقتصاد ,محاسبة,إدارة ,...........,


طبعاً هو مو انتقاص للدكاترة أبداً بس بتخيل هدول الدكاترة أكيد احتكاكون أكتر بالقوانين المتعلقة بالطلاب........والله أعلم

شكرااااااااااااا كتير واخيرا حدا اتفق معي بالرأي

هاد كان رايي على حسب ما قريت القرار وهيك فهمت انو لو في مادة 59 ومتوقف الترفع عليها بتنضاف العلامة حتى لو مارحت التكميلي

عموما شكرا هيك مبدئيا حسيت بالاطمئنان ورح راجع الهمك لأتأكد

جد شكرا كتير الكن شباب وولتفاعلكن بس والله في شغلة هلأ ضروري افهمها انا عندي مادة جايبة فيها 58 بالفصل التاني وعم فكر ماعيدها بالتكميلية لان عندي مواد كتيرة بقى قلت لحالي بخليها ع جنب في حال نقصتني مادة لاترفع بطلب هدول العلامتين صحي يعني شلون بينطلبو؟؟
بتمنى تردو علي كمان هالمرة

أنا بقلك بصراحة ما عندي تكميلي و الحمد لله يعني ما عندي فكرة 100% عن الموضوع
المفروض حسب النص إنو العلامتين بتنعطى إذا كانت بتغير وضع الطالب و بأي دورة امتحانية  "مو محددين نوعها تكميلي أو لا"  يعني النص واضح بس ليش ما طلع قرار بالتنفيذ هون ببلش يلعب الفار بالعب فما أظن إنو حدا بيقدريعطيك جواب شافي و كافي 100%
لهيك بنصحك تسأل السؤال لشي مصدر موثوق لأن الشغلة إذا فيها رسوب فما لح تروح إلا عليك وكل شي يتسمعوا هو على ذمة كاتب المشاركة أو شو سمعوا وبنحاول نتعاون مع بعضنا حسب الإمكانيات .........
وبرجع وبقول الموضوع بحاجة لنجمع بعضنا و نسأل شي دكتور لأنو قسم شوؤن الطلاب ما بيرد إلا من برات منافسوا طبعاً إذا رد