في عندي مجموعة من الأسئلة العملية للحياة اليومية لازم يعرفها كل صيدلي و أنا متأكد أنكون بتعرفوهن بس مشان التذكير.

1. ليش الواحد لازم ما يخلط الحليب مع الشاي ؟

2. ليش لازم لما نأكل سبانخ نعصر عليها ليمون ؟

3. ليش لازم ناكول سندوشة الشاورما دغري بعد تسخينها ؟

4. ليش اللبن مفيد للمصابين بالتسمم؟

هدول يلي تذكرتهم هلق بس بوعدكون بأكتير و أعمق من هيك أسئلة و بتمنى تجاوبوا لنعرف رأيكم و رح نزل الأجوبة بعدين .

تقبلوا مشاركتي الاولى

. ليش الواحد لازم ما يخلط الحليب مع الشاي ؟

لان الشاي بيحوي على التانينات ومن أشهر خصائص التانينات هي تشكيل معقدات مع الحليب تمنع امتصاصه.

. ليش لازم لما نأكل سبانخ نعصر عليها ليمون ؟

لان البانخ بيحوي على الحديد بشكال ( Fe(III أي الحديد بالشكل ثلاثي التكافؤ و لكن الجسم لا يستفيد إلا من الحديد( Fe(II أي ثنائي التكافؤ فقط لذلك من الممكن تحويل الحيد الثلاثي إلى ثنائي عن طريق إرجاعه بإضافة حمض كحمض الليمون.

. ليش لازم ناكول سندوشة الشاورما دغري بعد تسخينها ؟

لأنو بشكل ‘عتيادي سندويشة الشاورما تحتوي على ميونيز يلي مكون من البيض فتفسخ البيض يلي في أثناء التسخبن رح سبب نمو الجراثيم يلي من اشهرها السالمونيلا

. ليش اللبن مفيد للمصابين بالتسمم؟

اللبن بيحوي بشكل عام على مواد ترتبط مع المواد المسببة للتسمم و بتشكل معقدات و بتمنع امتصاصها مشان هيك بيستخدموا اللبن كإسعاف أولي للمصابين بالتسمم

( ليش الواحد لازم ما يخلط الحليب مع الشاي ))

أنا سمعت أنو الانكليز بيساوي هيك منشان لما تشرب الشاي مع الأكل ما يمنع الشاي الامتصاص من الأكل لأن الحليب بيكون ربطه ..

شكرا على المعلومات المفيدة ...ذكرتنا بالغذائية !

شكرا اخي الكريم على هذه المعلومات القيمة
بصراحة انا اول مرة بسمع بهذه المعلومات
وبطلب منك المزيد مهما كانت المعلومة صغيرة او كبيرة

معلومات كتير حلوة وخفيفة ومهمة بحياتنا اليومية ...

وبتمثل شي متل معلومة عالماشي يعني ما بدو الواحد ساعات ليقرأا ويستوعب متل محاضرات الكيميا الغذائية... :(

شكراً كتير

ونحنا بانتظار كل جديد

مشان الشاي والحليب .. بعرف متل ما قال آيرون مان.. يعني إلو فائدة مو العكس

وبخصوص السبانخ.. كمان اللي بعرفو إنو كل الأكل اللي مناكلو بكون فيه الحديد ثلاثي وبيتم إرجاعه لثنائي بحموضة المعدة وببعض الأنزيمات وممكن بفيتامين c .. يعني الليمون للنكهة؟!

وعندي سبب تاني للشاورما.. لأنو مو طيبة باردة.

شكرا عالمعلومات