وصلتني الرسالة من مكتبة V
ويلا مو مشكلة طولوا بالكم شوي
استنينا كل هالمدة .. ما رح تفرق هاليوم كمان
وإن شاء الله هانت
وموفقين جميعا
وكل عام وانتو بخير بمناسبة المولد النبوي الشريف

خبر عاجل للسنة الأولى
نزلت مبادئ الاحصاء ونسبة النجاح 20 بالمية
الله يستر
           
وانا لهلأ ما بعرف علامتي وخايفة اعرفها
     

شو صار معك انشا الله تمام

ما صار شي خفت انزل عالكلية
عم انتظرها لتنزل عالنت

لا مو معقول ابدا

بس شو بدنا نعمل

الله يستر من باقي المواد

بس فعلا النسب منخفضة بشكل خيالي

شو ما بدن حدا ينجح

.......................

............

.....

..

والله من جهة ما بدهن حدا ينجح .. فعلا هنن ما بدهن حدا ينجح .. والدليل نسب النجاح يلي بكل مادة
       







                   

عنجد يعني نسبة النجاح بالإحصاء شي مو طبيعي
مع إنه الأسئلة كانت سهلة كتير
بس بعتقد المشكلة كانت بالوقت
ما كان في وقت يكفي لحتى نحل كل الاسئلة
انا درست المادة لانهلكت
وآخر شي انصدمت بالوقت .. لسا يا دوب عم بقول يا هااادي
وبعدين بيجوا بيقولوا لي قااال شووو ما باقي غير ربع ساعة
لهيك اضطريت اشلف باقي الاجوبة تشليف لحتى ما اتركها فاضية
مع إني بعرف جاوب عليهم .. بس ما كان في وقت

وللأسف حملت المادة على كم علامة .. يعني شي بيقهر كتير :(

والله وأنا درستها كتيييييير منيح وكنت قايلة الاحصاء سهلة وبنجاب فيها معدل .. وبعدين اسئلة الدورات كانو سهلين ..

بس الوقت كان ما بكفي .. يعني بالعادة بيجيبو 25 سؤال ع ساعة ونص
أما نحنا 40 سؤال بنفس الوقت عنجد هاد ظلم ... وكانو الاسئلة طوال وبدهن حل يعني مو صعبين بس طوااااااال

       

والله مشكلة الوقت الكل بيعاني منها بكل السنين

يلا لاتزعلوا ...عسى ان تكرهوا شيئا وهو خير لكم

وان شاء الله كلو لخير

هلق شدو همتكم بالفصل التاني

وعلى فكرة حمل المواد بالفصل الاول ماهو مشكلة بالعكس ...ممكن يكون دافع للواحد يعمل بجد واجتهاد اكثر

وان شاء الله بس تخلص السنة بترفعوا كل المواد

وهاد الفصل هو تجربة الكم واكيد نظام جديد وخاصة الاتمتة

بس هلا تعودوا باذن الله وهلا بدنا نشوف شطارتكم

بالتوفيق للجميع يارب ...