ولو يا جماغة معقول أزعل منكم....
الأخوة ما بيزعلو من بعض 
نايا،  أحمد...شكرا كتير 

أي أصعب مادة أو مادتين بهالفصل برأيك ؟؟
أم كلو سهل ؟؟
وعلى حد علمك وفي نحت بالسنين الجاية ؟؟

اقتباس
ما عاد صرنا سنة أولى...
أخت بيان
أهلا وسهلا فيكي
لا ترتعبي بكرة رح تسمعي كتييييير نقنقة...طنشي وخليكي متفائلة...بس مو كتير متفائلة كمان

هلئ من ناحية المواد فكل واحد وزوؤه ...
من ناحيتي حبيت النسج وكرهت الكيميا !
بس مشان ما تفوتي بالحيط...وهي نصيحة كتييييييييييييييييييييير مهمة قد ما تتصور
اقرأي محاضراتك أثناءء السنة..
بعرف بيجوز ما تردي عليي لأنه أنا كمان نصحوني وما رديت..
بس خليها ببالك أنه لو بس تفهمي المحاضرة مو أكتر ..يعني مو ضروري تحفظيها..مشان تسهلي عليكي وقت الامتحان ..

وإذا بدك أي مساعدة نحنا بالخدمة..



هادا كلام من الصفحة التانية من موضوع مذكرات طالب سنة أولى
والله يا جماعة في ملاحظة مو طبيعية شو مهمة
ألا وهي قراءة المحاضرات خلال السنة
يعني عنجد كلام ذهب
يعني الواحد ولو قرأ المحاضرات خلال السنة مع شوية فهم هي أضعف الإيمان لحتى تطلع علامتو فوق ال 70 إذا درس بالفحص
وهالشغلة صارت معي أنا وخصوصي بالخلية معد حضرت المحاضرات
وتلخبطت أموري لخبطة وقت الفحص
صار بدي أقرأ المحاضرة و أفهمها و أحفظها قبل يومين من الفحص ؟؟!!!

يعني فعلاً منكون خلال الفصل الأول متل الأطرش بالزفة
عم نقرأ الملاحظات الهامة يلي وضعولنا ياها المشرفين بالمنتدى متل يلي مالو عم يقرأ شي أو هوي الطالب ما بدو يفهم
بقا بأقترح اقتراح أنو نفتح موضوع (ثابت) بخبرات الطلاب وملاحظاتهم التي اكتسبوها خلال فصل كامل متل حالتنا مثلاً أو خلال سنة كاملة عسى أنو نستفيد من بعضنا من هالملاحظات و الخبرات وخاصة للفصل الجاية ونفيد طلاب السنوات الجاية

وصراحة خلال الفحص صرت سجل الملاحظات الهامة يلي عم اكتسبا خلال الفحص لأنو بعد ما يخلص الواحد من الفحص صراحة بصير بدو ينسى يطير يلعب يروح يجي فبينسى كل شي اسمو ملاحظات و خبرات مكتسبة خلال الفحص حيث أن بعض هذه الخبرات تكون منسية عند بعض الأشخاص وبالتالي بدو يرجع يعيد الشخص نفس مرحلة الفصل الأول وبالتالي معد صار في استقرار بالكلية

وصراحة الموضوع حساس جداً  جداً  لأن الطالب قد يضع بعض الأمور قد تؤثر سلبياً على باقي الأعضاء
فيجب وضع بعض الخبرات و الملاحظات العامة الموثوق منها


فقط حبيت نبه على هالنقطة لأنو صراحة في شغلات لازم يعرفها طالب جديد متل حكايتنا

أرجو أن أرى ردودكم حول وضع مثل هيك موضوع مقترح ورأي المشرفين أولاً طبعاً

صدقا شكرا كتير يا أحمد عهالمجهود الكبير يلي عم تبذلو معنا(بس ان شاء الله ما يأثر على دراستك )
كاني حاسس انك عم تبسط الامور والمواد قدامنا بشكل متعمد (يعني مشان نتفاءل وما نخاف ؟ ) وخصوصي اني سمعت من غيرك انو المواد صعبة وبدها شغل كتير
بتمنى تعطينا الصورة الواقعية مشان بكرى ما ننصدم خلال الفصل و خصوصي انو بنوثق بحكيك
مشكور كتير 

مرحبا .. جماعة الاولى ..
اولا .. مشكور أخي العكيد .. على هل الرد الأكتر من رائع ... و كلامك مية مية صح .. ماعليه غبار أبداً ..

اخي خالد .. أهلاً .. كيفك ان شاء الله بخير ..؟؟
أخي انا بحاول بسط الأمور شوي .. مارح اكذب عليك و لا على طلاب الأولى ..
بس صدقاً هديك السنة .. قلي س .. طبعا الله يسامحو .. هل المادة .. دياحية للسنة الرابعة ..
و اللي هية الجراثيم مثلاً .. و الله ما كانت متل ما قال ..
و رفعتا شي 75 و الحمد لله .. دون ما ابذل هداك المجهود .. و دون ما ادرسها خلال السنة ..
يعني بتضل هاي اراء .. و بتختلف من شخص لتاني ..
بس طول ما انتا عم تدرس خلال السنة .. و تمشي بمشورة أخي العكيد .. بالرد السابق ..
صدقا
رح اترفع كلشي ان شاء الله .. و باعلى العلامات ..

موفقين .. سلامي

السلام عليكم
مرحبا سنيناتية الأولى ...
بدي أسأل مين بيعرف اذا في بكرا (الأحد) عملي ولا لأ ؟
تحياتي

اي ويندي في بالبرنامج بكرا عملي ويمكن بياخدوا حضور انشالله خير وادعو بالتوفيق للجميع

يسلمو  إيديكي معكرونة ...

لك أطيب معكرونة والله....
‏ ‏                         

السلام عليكم جميعا
طلاب الأولى :
عندي فكرة شو رأيكن نتفق كل يوم ندرس مادة معينة وكمية معينة لنشجع بعض؟
مثلا اليوم ولبكرا المسا مندرس كل شي أخدناه عملي أحياء دقيقة..
وهيك بكرا منرجع نتفق على مادة معينة اذا لاقت الفكرة اعجابكم.
يلي موافق يقول اوكي
لحتى نعرف نكمل أو لاء

أتقبل كل الردود