ايه والله منيح اجلتو المجلة للعطلة الانتصافية

لاني ما عم افضا حك راسي 

دعولي لحق

تسليم المشروع الاربعاء هاد

سلام

هلا انو بعرف لح اتغالظ
بس انو شو قصة المجلة
وتاجيلها للعطلة
انا جديدة  على الموقع وعلى الكلية
فاذا ما في مانع حدا يقلي شو القصة
       

كيفكون يا شطورين .. 

حاجتكون شطارة  .. خلونا نسترزق ..    ..

طمنونا كيف قدمتوا بالامتحانات  .. بدنا ميات ها    ..

احم احم .. لنبدأ من جديد .. بعون الله .. وعلى نية التوفيق ..




موفقين ..   

مرحبا ....
أي معك حق باسمة خلينا نبلش
ومشان الامتحان (خلينا ساكتين أحسن )
بس بدي أول شغلة أبل ما أحكي عن المجلة ....
أنو مو اللي آلوا بدن يشاركوا بالمجلة وما حد رد علين.....؟؟؟....
يزعلوا ويفكروا ما حدا مطشوش فين ....أكيد لاء .....بس الشغلة يعني ما بدا عزيمة
وأصلا ما كان حدا فاضي لحدا يعني كل واحد عايف حالو شكل ....يعني مو وقت مجاملات
وأكيد منفرح لما أي حدا جديد بيشاركنا ......
أي خلينا نحكي عن المجلة
هلأ مشان قسم مشاريع الطلاب
من وين بدنا نجيب المشاريع ؟؟؟؟؟؟
أنا عندي أقتراح ما بعرف إذا بتوافقوني عليه
""أول الشي أنو نفتح موضوع بالمنتدى ...أنو يللي بدو ينشر مشروعو بالمجلة بيبعتلنا ياه ونحنا منجمع هدلول المشاريع (إذا حدا بعت ..هه) بالإضافة للمشاريع اللي عندنا ياهن ومنعمل علين تصويت ومنعرض أفضل 3 مشاريع من كل مشروع
ومشان مشاريع التخرج ..
هلأ بصراحة نحنا بسهولة فينا نحصل على عدد كبير من المشاريع لأنو بالمكتبات بيبيعو سيديات مشاريع تخرج ومن كل السنوات
بس يا ترى نحنا فينا نعرضن بالمجلة دون أذن أصحابن ....
عطونا رأيكن .....
سلااااااااااااااااااام

السلام عليكم

اكيد الكل خلص متحانات  وانا من ناحيتي ماني نسيان موضوع المجلة

وحاليا عم جمع معلواتي

ريمي اذا بدنا نزل مشاريع ونعمل تصويت بعمرنا ما منخلص ...هلشي بياخد وقت

انت شوفي مشاريع لرفقاتك او الك يكونو ميزين ونزليون ...هاد راي

عشان مشاريع التخرج  والله صار بدنا نحسب حساب الخريجين

عكلن انت اذا عصلجت معك ... انا عندي صديق عنكم عم يعمل ماجستر فيني نزلو مشروعو ... بمون عليه ....

بدها شويت حركة بكرة بتخلص العطلة وساعتها الكل بطش

مرحبا
الحمدلله خلصوا الامتحانات أنا برأيي نرجع نتأكد من الأشخاص اللي بدن يشاركوا وكل حدا يخبرنا شو عم يعمل شو قسمه؟؟للتذكرة يعني مو اكتر

مسا الخير يا جماعة انا آسف عالإنقطاع الطويل بس الصراحة مضغوط كتير وما عم لحق عشي فاعذرونا ومنشان موضوع المجلة أنا كنت متحمس للموضوع بس الصراحة ما بعرف ليش حاسس أنو ما رح يمشي وضعها عهالحالة يعني لسا مو عرفانين مزبوط شو بدنا نعمل بتمنى كون غلطان وتمشي الأمور عأحسن شكل أنا من ناحيتي بحكي الصراحة ما فيني خصصلا وقت كتير بس بقدر ما فيني بحاول وإنشالله بيطلع معنا شي حلو

نبدأ بالسلام .. و ..

بسم الله الرحمن الرحيم ..

ما بعرف ليش حاسس أنو ما رح يمشي وضعها عهالحالة يعني لسا مو عرفانين مزبوط شو بدنا نعمل بتمنى كون غلطان

والله انفلجت بعد هالجملة .. شو صرلي مدري كم شهر عم غني بالطاحون


_______

3-مشاهير العمارة  "عمر"

4-قراءة في كتاب "eye of the wolf"

5-مشاريع الطلاب "ريمي"

-مشاريع تخرج "ريمي"

-مشاريع السنوات "ريمي"

6-مشاركات الزملاء  "أنا"

7-ابنية اثرية من سورية حصرا  "أنا"

8-قراءة في مشروع  "رغد"

9-اخبار الفن  " حسن"

10-ديكور" رغد"

11-تقنيات هندسية (اخر ماتوصلت اليه التقنيات الهندسية) "حسن"

____

هي هيكلة المجلة على حد علمي ..

بالنسبة إلك أخ حسن اهتم بباب تقنيات هندسية بس  .. بظن إنك بعتتلي مقال عن هالباب ..
ونشوف شي فاعل خير يهتم بباب مشاهير الفن

وإنت يا قرنفلة خانم .. اشتغليلك شوي واعمليلنا غلاف للمجلة ..

وبخصوص زاوية قراءة في كتاب أنا عندي مقال عن كتاب جديد وحلو .. ومنضيف كمان قائمة بأسماء الكتب المعمارية الجديدة .. هي اليوم لح اسهر عليها ^^

وبالنسبة لزاوية المشاريع شو صار معك عمر بمشروع رفيقك ^^ ..؟ ردلنا خبر ..
وأنا لح جيب مشروع متكامل كمان .. بإذن الله .. وببعتلك اياه ريمي ..
وولاء ممكن تساعدك كمان .. لأنو مشاريعها حلوة كتير ..

نشف ريقي .. ^^

سلام .. بشوفكون بكرا ..