حابة احكي شوي عن تجربتي بالمعهد
للطلاب يلي لسا فيه
فعلا كانت ايام المعهد من اجمل ايامي وبالرغم من غلاظة موادو
البوصفية والبيتون والكميان ورسسم مدني والتجهيزات والمظور
ولكن بالفعل من اول يوم فتت كنت حاطة ببالي  وقدام عيوني الكلية
واشتغلت على هالاساس
والحمد لله  ترفعت هي السنة وانا  هلا طالبة عمارة سنة تانية خريجة معهد هندسي والي  الفخر بهل شي
مع العلم اني لما طلعت  كتييير تفاجئت انو مستواي بالهندسة والمعلومات
هو احسن ب 70 بالمية من معلومات الطلاب الاعمارة نفسون
فلقيت انو  مرحلة المعهد كانت من اهم  مراحل حياتي
بفضلها بعتقد لح كون من الخريجات بكلية الهندسة المعمارية
بتمنى تستفيدو من تجربتي
وتحطو ببالكون انو ما في شي مستحيل
اذا اشتغلنا وتوكلنا على الله.......................

بتمنى التوفيق للجميع........................................................

مبارك القبول في الكلية

وأهنئك على الشعور بالثقة والاعتزاز بمعلوماتك

كنت قد سمعت أن طلاب المعهد الهندسي (الأوائل منهم) يتم قبولهم في الهندسة المدنية حصراً ، فهل هذه إشاعة

أنتظر رداً مفصلاً لو سمحت ، وما هي نسبة الطلاب الأوائل المقبولين في الكليات

وشكراً

اي ان شاء الله منشوفك من المتفوقاااات

نورررتي منتدااانا
بمشاركتك الأولى

دمتي بخير

ومبرررروك مرة تانيةةةةةةةةةةةة

السلام عيكم

بعد اذن lolo صديقتي و بتفويض منها رح جاوبك

أنا و loloتخرجنا من المعهد و كنا الأوائل
بس أنا قبلها بسنة
أنا خريجة المعهد 2009-2010قسم الرسم و حاليا بكلية الهندسة المدنية القسم العام
و LOLOخريجة 2010-2011قسم الرسم و حاليا بكلية الهندسة المعمارية
رح احكي بالتفصيل عن الأوائل و شروط القبول بالكليات المماثلة :

- أن يكون معدل الطالب فوق 80% ليتعبر من المرشحين للقبول في الكلية المماثلة لاختصاصه في المعهد الهندسي

- نسبة القبول 3% من عدد الطلاب المتخرجين بعد امتحانات الدورة الصيفية

- يجب أن لا تتجاوز مدة دراسة الطالب المرشح للقبول في الكلية المماثلة لقسمه أكثر من عامين دراسيين
(يعني 6 دورات امتحانية 3 دورات للسنة الأولى و 3 دورات للسنة الثانية و بعدا لازم يكون متخرج و ما معو و لا مادة و ما في أي مشكلة إذا حمل مواد خلال هالدورات الامتحانية )

- يقبل الطالب الخاضع للشروط و يسجل في الكلية المقبول فيها طالبا للسنة الثانية

- الاختصاصات في المعهد الهندسي و الكليات المماثلة لها :
1- قسم الرسم و التمثيل الهندسي
( كان الطلاب الأوائل من العام الماضي و ما قبله بينقبلو بكلية الهندسة المدنية القسم العام و أنا انقبلت بالهندسة المدنية بس اعتبارا من هالسنة صارو طلاب الرسم ينقبلو بكلية العمارة حصرا متل ما صار برفيقتي LOLO اللي انقبلت هالسنة عمارة مع انو أنا و ياها كنا نفس القسم بالمعهد )

2-قسم الانشاءات
الطلاب الأوائل بينقبلو بكلية الهندسة المدنية القسم العام

3- قسم المساحة
الطلاب الأوائل و على حد علمي بينقبلو بجامعة تشرين قسم الطبوغرافية
السنة الماضية طلاب المساحة قدمو اعتراض و اجاهن استثاء بالقبول بجامعة دمشق الهندسة المدنية القسم العام
بس هالسنة حصرا على جامعة تشرين ( أنا هيك قالولي )

4- قسم البلديات
الطلاب الأوائل بينقبلو بجامعة البعث على حسب اختصاصن
و كمان السنة الماضية قدمو الطلاب اعتراض و اجاهن الرد بالقبول استثائيا بجامعة دمشق الهندسة المدنية قسم الري و الصرف
و هالسنة كمان راحو على حمص

5- قسم البيئة
الاوائل بينقبلو بكلية الهندسة المدنية القسم العام بجامعة دمشق

ملاحظة أخيرة :
نسسبة المقبولين 3% من كل قسم
اذا كان عدد المتخرجين 15 بيروح طالب على الكلية( من الأوائل طبعا)
اذا كان عدد المتخرجين 33 طالب بيروح طالب على الكلية
اذا كان 34 طالب بيروح 2 على الكلية
اذا كان 67 بيروح 3 على الكلية
اذا كان 101 بيروح 4 على الكلية
..................الخ

بتمنا اني كون جاوبتك بشكل وافي
و بعتقد LOLO رح تكتب تعليق على الموضوع

يعني الزيادة و لو ب 1 عم تكون لمصلحة الطلاب

اولا
بشكر زملائي على مرورون  الكريم على موضوعي الاول
والكريم و الكبير يلي تركو بصمة برد ولو بسيط

                    لونا 1990
بشكرك عل ترحيب

مبارك القبول في الكلية

وأهنئك على الشعور بالثقة والاعتزاز بمعلوماتك

كمان زميل مشكور على كلامك يلي بزيدني ثقة
وبالنهاية بشكر  اختي ورفيقة  دربي ketty
على  مداخلتها ومررورا الكريم
وتوضيحا  بالتفصيل  الية الترفع وكيفيتها

بالنهاية  برد بقول ما في شي مستحيل
اذا اشتغلنا صح
وتوكلنا على اله.......................

مرحباااااا
أول شي مبروك وأهلا وسهلا فيكي بكليتنا أحلى كلية بالعالم........عنجد ما لقيت انو العمارة احلى فرع بالدنيا؟؟؟؟؟؟
هلأ أنا أحيي طموحك واجتهادك بس يعني ما حلو تقولي انو أكتر من 70 بالمية ما؟؟يعني كيف قررت هالنسبة بالذات؟؟؟؟ولما كانت الكلية هدفك ليش ما حطيتيها هدفك من البكالوريا؟؟
بتمنى ما تاخدي كلامي عانو شي شخصي ومرة تانية بقلك مبروك وكتير حلو اجتهادك ومثابرتك لتوصلي لهدفك بس أنا بصراحة تدايقت شوي لأنو أي حدا عم يقرا الموضوع حيحس إنو طلاب العمارة مو شاطرين..
عكلن سلاموو وانشالله تنبسطي بالعمارة

زميلتي 
سمحيلي قول
اميرة الدموع
بداية
بشكر كتيير مرورك الكريم على موضوعي  المتواضع
وحابة قلك شي مهم
البكالوريا مو مقيم  للانسان ابدا وخصوصا عنا  ب سوريا
وانا  احدا الطلاب
يلي كان حلمي  هندسة من الصغر بس صار معي عقبات ومشاكل بالثانوية
منعتني عن تحقيق حلمي
تانيا لولا  حبي وتفوقي بالهندسة ما كنت هلا من المترفعين على 200 طالب  فاتو المعهد بدون كلية
ثاني شي والاهم

أنا وقت قلت
انو معلوماتي احسن ياعزيزني
ما قصدي الاسائة لطلاب العمارة
و كان قصدي
اني كنت سنتين بالمعهد
و متل ما كلنا منعرف
المعهد مو أكاديمي
المعهد تقني

يعني بيعطي الخلاصة
و بما انو الطلاب بيتخرجو من المعهد بسنتين
و بيروحو عالحياة العملية
فالبتأكيد بيكون عند معلومات اكنر من الطالب
اللي لساه سنة أولى بكلية العمارة

  والحمد  برغم  كل الظروف يلي واجهتني الله وفقني وكتبلي كون هلا زميلتك ومعك  بنفس الكلية
وبتمنى تكوني عرفتي شو يعني  معلومات احسن من طلاب العمارة
مو نقص فيون لا ابدا
بالعكس
بس مثل ما قلت  دراستن بالمعهد  تقني  واخدت مواد  الخمس السنين يلي بالعمارة انا بسنتين
منون وصفية يلي انلغت عندكون لاسباب انو الطلاب بصير خامسة ولسا حاملها
مواد بناء
اكساء مباني
حساب انشاءات ومقامة
تاريخ العمارة
تخطيط مدن  بيتون وكميات ولساا في كتير
ف بعتقد  مو غلط لما قلت معلوماتي احسن ب  70 بالمية من معلومات  طالب عمارة سنة تانية
حسب خبرتي انا بسنتين
بالنهاية بشكرك
وبشكر الجميع
  والله يوفقنا جميعااااااااااااا

ما شاء الله

يبدو أن المهندسين ليسوا منظمين فيما يتعلق بالمعاملات والأوراق فحسب وإنما في الردود الوافية أيضاً

لا يسعني إلا أن أقول : شكراً جزيلاً لكما يا kitty و lolo

زميلي العزيز
الحياة بتفرض علينا يكون عنا دراية بكل شي
من الاوراق والمعاملات
للردود  والوافية لمشريع ومواد الدراسة
لانو هاد اساس التفوق
الدراية بكي شي يعني بالعامي ما تفوتنا الفايتة
مشكور  على مرورك الكريم.............................

السلام عليكم

أود أن أنصح الطلاب المترفعين من المعهد إلى الجامعة

تتمتعون بعدة مزايا عن الطالب المستجد فليس جو الجامعة غريباً عنكم

والمعلومات كذلك ليست مجهولة بل معروفة عندكم

فاستغلوا هذه الفرصة لتثبتوا جدارتكم وتحصلوا المعدلات

العالية التي تمكنكم من متابعة الماجستير فالدكتوراه

تحيتي