اهلين زميل
هلا الدكتور قال اول السنة انو في حلقة بحث بس لسا مانزلا لهلا
اذا خبرت باي شي جديد بخبرك

مرحبا أنا صديقتكم بقسم الإدارة وأنا عم أحضر كل المحاضرات بس مافيني  أفتح النت وراسلكم إلا أيام الخميس والجمعة والسبت لأني قاعدة بالسكن الجامعي ووقتي مابسمحلي أفتح النت إلا لما أرجع عالبيت ...هلق دكتور إدارة الأعمال الدولية أكد أنو في حلقة بحث للمادة وهو رح ينتهي من الكتاب ب25/11ويكون شهر 12للمناقشة بحلقات البحث وإنشاالله كون أفدتكم

اهلين فيكي صديقتنا
وشكرا كتير عالمعلومة هلا انا عم احضر بس مو دايما حسب وقتي بس حابة اسالك نزلت حلقة الحث تبع ادارة الاعمال الدولية واذا نزلت شو موضوعا وشكرا كتير كتير

أهلين فيكي سهام الدكتور ماعطى عنوان لحلقة البحث ولا حكى عنا شي وخلى الحكي كلو لشهر 12

شكرا كتير عردك صديقتي
وكل عام وانتو بخير كل زملاءنا بالادارة والعيد الجاية شوفكون رابعة

مسا الخير عالجميع..هي اول مشاركة لي وبتمنى كون وجه خير عليكم...
بحب خبركم انو الدكتور ايمن الغى حلقة البحث..واعطي اسئلة هامة جدا ((كتر خيرو))..
وطبعا خلصت المادة.وباقي بحث صغير لح يعطيه دكتور جديد خلال محاضرتين فقط..
اتمنى النجاح للجميع..وبعتقد يلي حضرو المادة حرام مايجيبو فيها معدل..

مرحبا زميلنا سامي بدنا نسألك انه  انت متأكد من كلامك انه ما عاد في حلقة بحث النسبة لإدارة الأعمال  الدولية ؟؟ و بالنسبة للأسئلة ممكن نتبادلها لانه انا من حمص و ما بقدر احضر كتير في عندي شوية ظروف مخليتني هالسنة ما اقدر داوم فبكون ممنون كتير الك اذا بتأكدلي اخبر و اذا بتشاركني بالأسئلة الهامة اللي عطاكون اياها :) شكرا كتير الك

اي طبعا الخبر اكيد..وان شاء الله اليوم المسا او بكرا بالكتير بنزل الاسئلة الهامة هون..تكرمو شباب..

الفقرات الهامة يلي اشار لها الدكتور
اول 30 صفحة مطالعة
الخطر السياسي-نمط الخطر السياسي..مهم جدا
من صفحة 148 الى 168 تعدادات
بحث ادارة الموارد البشرية مهم جدا
صفحة 74 فقرة هوفستد مهم
صفحة 79 غلوبال مهم
في حال اعطي بحث القيادة الخميس القادم من قبل الدكتور الاخر سيكون هنالك سؤال من هذا البحث

طبعا هذه الفقرات مهمة جدا..ومعنى مهمة انه سياتي منها اسئلة لامحال..بس طبعا مو كل الاسئلة لح تجي منهم..الدكتور حب  يساعدنا شوي باعتباره الغى حلقة البحث....وبحب اشكر الدكتور ايمن كتير وياريت كل الدكاترة متلو..مادة جميلة جدا..واعطاء اكثر من رائع وان شاء الله الكل برفعها..بس لاحدا يستسهل المادة كتير..يلي مابيحسب مابيسلم......

بشكر فيك روح التعاون زميلة  سهام
وبتمنالك التوفيق انشالله
انت ولكل الزملاء