انا استفسرت على الموضوع و قالولي انه موضوع البحث الطالب بينقي من الكتاب او النوطة يعني اختارو اي قطعة بالكتاب و توسعو بالشرح عنها و قال الدكتور انه لازم يكون في عنا 10 مراجع لحلقة البحث تبعيتنا
بالاضافة الى انه لازم نكتب على اول ورقة من  حلقة البحث مايلي :
جامعة دمشق
كلية الاقتصاد
اسم الطالب
الاستاذ او الدكتور المشرف
و لا تنسى انكون لازم تجيبو الحكي من 10 مراجع مع ذكر العشر مراجع شو هني و  من وين
و الموضوع متل ما قلت سابقا كل واحد بينقي على كيفه من النوطة او الكتاب
و لازم على القليلة تكون 20 صفحة اوكي ان شاء الله كون اقدرت فيدكون و انا جاهز لاي استفسار تاني
موفقين

مشكوووووووور كتيير زميلنا الكريم

على المعلومات الحلوة

والله لأنو أنا بصراحة ما عم داوم ومشان هيك كتير مهم هالكلام

الله يعطيك العافية

ويا ريت إزا ما فيها سئلة إزا خبرت أي شي

تاني عن الموضوع أنو تساعدنا

مشكوووور كتير مرة تانية

سلاماااتي.

   

السلام عليكم

تحياتي للجميع

بدي اسألكون ياترا النوطة بتغني عن الكتاب؟؟؟


ومن وين بدي جيب النوطة؟؟؟؟؟؟


وشكرا سلفا

صديقتي
النوطة باي مكتبة بتلاقيها  انا جبتا من مكتبة التجارة
واصلا بالاصل مافي كتاب للمادة

مرحبا ياشباب وياصبايا الإدارة
وين هالغيبة ماحدا مبين
حابة اسالكون بخصوص حلقة البحث اذا في لزوم نفرجيا لدكتور ويشوفا قبل ما ننهيا لتسليم وشكرا كتير الكون وسمعوني اخباركون

تحياتي للجميع

انا من يومين دريت انو لازم نورجي الدكتور على مخطط حلقة البحث قبل مانقدمها

وهو بقرر اذا بيقبلها بتكفو فيها يا أما بيقلكون غيرو الموضوع

وانا ورجيتو المخطط وقلي ركز على كم فكرة

ولا تنسو انو الدكتور طالب أرقام صفحات المراجع قدام كل فقرة

وكمان قال انو فيكون تكون مراجعكون من النت وبتحطو اسم الموقع يلي اخدتو منو هالكتاب او المقالة



وتحياتي للجمييييييييييع
وموفقين


لاتنسو انو الفحص تحدد بـ 16 / 1


وأتمنى التوفيق والنجاح للجميع

آنسة حلا ممكن أعرف و تشرحيلي أكتر عن كيف يعني المخطط يلي عم تحكي عنه لانه ما عاد بقيان وقت و ملحوقين كتير و انا ما عم داوم لاني من حمص و عندي ظروف
يعني يا ريت لو فينا نحكي أكتر و  تشرحيلي أكتر كيف بدي أعمل حلقة البحث لاني بجد ضايع كتير و ماني عرفان و متلبك كتير كتير انه اذا بتساعديني بكون كتير كتير ممنون و اذا بتعطينا المسودة تبعيت حلقة البحث تبعيتك بيكون أحسن و أحسن من شان ناخد فكرة يعني اذا ما فيها ازعاج و اذا منحكي و بتشرحيلي أكتر بكون شاكر الك زميلتي  مشكورة كتير كتير على المعلومات بس يا ريت تساعديني اكتر

زملائي الغالين حابة اطلب طلب بخصوص الخارجي اللي كان عم ينقلو الدكتور اذا حدا كان عم يحضر او بيقدر يجبنا ياهون وبكون كتيييييييييييييييييييييييييييييييييييييييييييير ممنوني الكون لاني ماعم اقدر جيبون

اولا السلام عليكم
والسؤال كالتالي:
الدكتور لما طلب حلقة البحث
حدد شي اذا كان بدو ايها بخط اليد او مطبوعة لانو مو معقولة اكتر من عشرين صفحة
بخط اليد بدون شي انا خطي بهوي واكيد اذا كانت مطبوعة رح تكون افضل واجمل كمان


وشكرا كتير
بانتظار ردكم

AZ

طلبها مطبوعة على اوراق وكمان على سيدي ..وحجم الخط 14..
الله يمضي هالمادة على خير...حاسس حالي عم قدم ماجستير..؟؟؟