الفصل الأول:



إلكترونيات القدرة1

الدكتور:هاشم ورقوزق
القسم النظري
الكتاب مهم.......بالأخص كمرجع
المادة سهلة نسبياً,,,المسائل سهلة كحل رياضي ولكن تعتمد على السرعة في رسم الأمواج,,,
المحاضرات هامة شأن كل مادة ولكن المرجع الرئيسي للدراسة هو نوطة الدروس الخصوصية
وهي متداولة بشكل كبير بين الطلاب كماأنها متوفرة في مكتبة الغد,,,سولين,,,السماح
أهم جزء في المادة يجب إتقانه بصورة كبيرة هو رسم الأمواج...
أسئلة الدورات هامة جداً ولكن دائماً هناك احتمال بعدم تكررها ووجود أسئلة جديدة

القسم العملي
الحضور,,,المذاكرات الرسمية,,,المذاكرات الفجائية,,,المشاركة

ولكن المرجع الأساسي في علامة العملي ككل للأستاذ أيمن العرقسوسي في المخبر
تجارب المخبر بسيطة تحتاج:حضور,,,تقرير منمق مشروح غير منقول,,,مشاركة,,,عدم إثارة المشاكل
والتعرض للأستاذ أيمن حتى لوكنت على حق(لأنو ببساطة رح يحفظك ويكسر علامتك)
(ولاتزعل إذا كانت علامتك النهائية أسوأ من علامات رفقاتك يلي كانوا مزفتين بالمذاكرات لأنو القصة خيار
وفقوس وعالعمياني)(ولاتتفاجأ إذا حسبتها ولقيت علامات ناس بالمخبر شي 25من 20لأنو كل شي بيصير,وإن شاء الله
تكون من المحظوظين)

                            * * * * * * * * * * * * * * * * * * * * * *

[توتر عالي 1
الدكتور:شحادة مبدا وعلي السيد
القسم النظري

الكتاب:غير هام أبداً(الدكتور مبدا رح يطلب تجيب الكتاب لأنو عم يتكدس بالمستودع ......بس أكيد مارح تجيبه)

مادة سلسة,,,المرجع الأساسي المحاضرات وخصوصاً محاضرات السيد,,,بالإضافة للنوطة
أسئلة الدورات هامة لأنها تتكرر بشكل كبير
بالنسبة للدكتور السيد يجب التركيز على الحواشي التي غالباً ماتهمل(قوانين,,,ملاحظات قد تجدها بعيدة عن
فحوى المحاضرة)

الحضور هام وخصوصاً للدكتور مبدا(مع إنو مابتنحضر بس الله بعينك )
الوظائف جداً هامة للحصول على علامة عملي عالية......عليك تجنب اللامبالاة في حلها

القسم العملي
ثلاث تجارب,,,التحضير جداً جداً هام,,,المناقشة,,,التقرير(فحواه وليس مظهره)
امتحان العملي عبارة عن اختبار كتابي بالتجارب المطلوبة
النوطة غير هامة,,,الاستفادة الأكبر من تقارير السنوات السابقة

                          * * * * * * * * * * * * * * * * * * * * * *


آلات3
الدكتور المبدع:هاكوب بوغوص
القسم النظري
المرجع الأساسي المحاضرات,,,جداً ممتعة,,,أسلوب الدكتور سلس ,,,النوطة مفيدة ولكن تأتي بعد
المحاضرات,,,لأن الأسئلة تعتمد كلياً على إعطاء الدكتور(مابينخاف منه لأنو بيجيب متل مابيعطي بالضبط)
أسئلة الدورات هامة,,,هامة,,,هامة,,,النظري مكرر لدرجة كبيرة
الوظيفة الفصلية:لف محرك تحريضي,,,يجب الإعتناء بها

ملاحظة هامة:(خلي الدكتورهاكوب يحفظك منيح لأنو إذا تميزت عنده بيطلبك لمشروع التخرج,وبتنبسط معه كتير
ونيااااااالك إذا حبك هاكوب)

القسم العملي:
توصيل,,,أسئلة نظرية,,,تتكرر الأسئلة للطلاب لذا من السهل جداً الإجابة عليها
أفضل أستاذ لإمتحان المخبر:الأستاذ جمال(بيعطي علامات أكتر من ميشيل)

بالنسبة للتقرير:الدكتور هاكوب مسؤول عنه,,,3علامات يعطيها لكل الطلاب,,,ولكن ذلك
لايعني أنه ليس من المهم الإعتناء به...

                          * * * * * * * * * * * * * * * * * * * * * *


نظم القدرة 1
الدكتور:نبيل فقيه_حسان سويدان
القسم النظري
قسم الدكتور نبيل من النوطة
قسم الدكتور سويدان كتاب +نوطة

قد تكون المادة باللغة الإنكليزية,,,لكن لاخوف منها لأن الأسئلة ستشرح باللغة العربية من قبل الأساتذ ة

القسم العملي
أسئلة المذاكرات غالباً ماتكون أسئلة دورات(أحياناً الدكتور فقيه يعتمد على مسائل المحاضرات )
الحضور هام للدكتورين

المخبر:الأستاذ اسماعيل جحا
عبارة عن جلستين,,,يجرى امتحان كل منهما على حدى وحسب رغبة الطالب في أي وقت
الحضور,,,المشاركة هامة جداً,,,التقرير الشامل والمرتب
علامة المخبر:توصيل,,,تقرير,,,حضور,,,أسئلة نظرية

                          * * * * * * * * * * * * * * * * * * * * * *


تحكم 2
الدكتور:علي السيد
أسلوب الدكتور السيد هو ذاته في جميع المواد التي يدرسها
ملاحظة هامة:غالباً ينوه عن فكرة معينة للإمتحان وفعلاً تأتي ,,,ولكن بأسلوب مختلف
      (ممكن يوقع طلاب الخصوصي عنده ويقول عن فكرة أنو أبداً مارح تجي ........وبجيبها)
                  غالباً سؤال المذاكرة سؤال دورة ,,,أو سؤال جديد كلياً يعتمد على فكرة قانون بسيط جداً

هناك قسم آخر للمادةpLcولكن ألغي هذا العام

                        * * * * * * * * * * * * * * * * * * * * * *


محطات 1
الدكتور:محمد علي عثمان
الكتاب هام للدراسة وكمرجع
الحضور هام جداً جداً جداً(كل غياب بعلامة,,,وممكن يتغاضى عن أول غياب)
المادة في الغالب حفظية,,,المنهاج ضخم قليلاً,,,من الأفضل متابعتها مع الدكتور خطوة بخطوة
لايوجد مذاكرات كتابية,,,المذاكرات تجرى في المخبر


المخبر عبارة عن إجراء دراسة تخطيطية لمركز تحويل كهربائي
يتم توزيع الطلاب على مجموعات(كل مجموعة 3طلاب)
ولكل مجموعة مشروع مختلف من حيث المعطيات عن الآخر
المذاكرة عبارة عن مقابلة شفهية تجرى مع كل مجموعة على حدى عن كل المعلومات التي يذكرها
الدكتور قبل كل جلسة
تنظيم النتائج في كل جلسة أمر في غاية الأهمية,,,كمايجب إحضار نتائج كل جلسة إلى التي تليها
في نهاية الفصل تقدم كل مجموعة مشروعها مطبوعاً مع رسم المخططات على الأوتوكاد
الامتحان أيضاً مقابلة شفهية مع الدكتور لكل مجموعة على حدى وبحسب ترتيب المجموعات
وهو عبارة عن 3أسئلة:سؤال عن المخطط,,,سؤال عن المفردات الموجودة في المشروع,,,سؤال (يسحب من ضمن مجموعة أسئلة)غالباً من الكتاب
النموذج العام للمشروع (الكليشة)يعطى من قبل الدكتور,,,ويبقى على كل مجموعة التعديل حسب المعطيات

بالنسبة للإمتحان:يعطي الدكتور فكرة مفصلة عن أسئلة الإمتحان ولكن في دورة الحملة يجب الإنتباه إلى أن هذا النموذج
قد يتغير ودون تنويه مسبق
تتكرر أسئلة الدورات بشكل كبير
لمن يريد الإطلاع على نموذج للمشروع:
http://eng.jamaa.net/post495585.html#post495585










الفصل الثاني



إلكترونيات القدرة 2
تتبع إلكترونيات القدرة 1


                            * * * * * * * * * * * * * * * * * * * * * *

توتر عالي2

تتبع توتر عالي 1

                            * * * * * * * * * * * * * * * * * * * * * *

نظم القدرة 2
تتبع نظم القدرة1

                            * * * * * * * * * * * * * * * * * * * * * *

محطات 2
تتبع محطات 1


                          * * * * * * * * * * * * * * * * * * * * * *

آلات 4
الدكتور:علي الجازي وإلياس جبور
الكتاب النظري غير هام أبداً
الكتاب العملي هام
الحضور هام لكلا الدكتورين
يجب التعامل بحذر شديد جداً جداً جداً مع الدكتور جبور(لأنه ممكن ببساطة تكره المادة والجامعة من وراه)
مذاكرات فجائية متكررة,,,حل مسائل مطلوب وهاااااام
المادة جداً سمجة وكثيفة,,,من الأفضل المتابعة خطوة بخطوة مع الدكتور,,,يجب الاعتياد على حل المسائل
(الدكتور جبور بأول محاضرة وأول مايدخل لازم يقلع طالب(بالأحرى طالبة)حاول(ي)ماتكون(ي)إنت(ي)
المذاكرات حصراً يجب دراستها من محاضرات جبور
الامتحان من النوطة,,,كمايجب الاطلاع على المحاضرات وخصوصاً لقسم الجازي لأنه غالباً مايعتمد على أفكار
سبق وذكرها في المحاضرات(وخصوصاً آخر محاضرتين)
يمكن أن تتكرر أسئلة الدورات بشكل كبير كما يمكن أن تكون جديدة
يمكن أن يعتمد الامتحان على النظري بنسبة 30/60كمايمكن ألاتعتمد أكثر من10/60
هناك مسائل محلولة وغير محلولة في كتابالعملي من الهام جداً الاطلاع عليها
ليس من الصعب أبداً الحصول على معدل عالي في هذه المادة

المخبر
حضور,,,تقرير جيد
امتحان المخبر:يجريه الدكتوران جبور والجازي بالإضافة إلى الأستاذين جمال وميشيل
(غالباً الطلاب بتخاف تفوت عند الدكاترة وخصوصاً جبور,,,بس للعلم ماحدى جاب20/20إلا يلي دخل عندهن
أماالأستاذ ميشيل فأبداً أبداً مو نصيحة,,,لأنو بيهريك أسئلة وحتى لوجاوبت منيح مابيعطي علامة عالية
الأستاذ جمال ممكن توحي أسئلته و استخفافه بأجوبتك إنو علامتك سيئة,,,بس بالأخير بتطلع العلامة عالية)

                            * * * * * * * * * * * * * * * * * * * * * *


قيادة1
الدكتور:كمال ناجي وعمر ورد
الكتاب:لايوجد
مادة بسيطة جداً وسلسة,,,محاضرات ونوطة
وتتكرر أسئلة الدورات بشكل كبير

المخبر
الأستاذين ميشيل وعماد
الامتحان عبارة عن اختبار كتابي بالمعلومات النظرية


(تم بعون الله)

موضوع متعوب عليه

شكراً لك جزيل الشكر "مشروع مهندسة" وجزاكي الله خيراً
بالفعل الموضوع مفيد جداً وفيه مايكفي من المعلومات التي تساعد على فهم كيفية التعامل مع المواد وكيفية دراستها .....

جزاك الله خيراً

مرحبا مشروع مهندسة
والله داخلة موبس حتى اشكرك على الموضوع اللي اكيد تعبتي عليه
داخلة اكتر شي حتى سلم عليك وقلك كل عام وانتي بخير ان شاء الله يتعاد عليكي بالصحة والعافية
والله اشتقتلك
كيفك شو اخبارك ؟؟؟؟
ان شاء الله تمام ؟؟؟
بتمنى يكون انقطاعك عنا خير  يارب

مع خالص احترامي

            ..........حسناء..........

لك شو هاد ..........

مع أنو مالي مستفيد من موضوعك ولا حتى بليرة هالمرة ............

بس عجبني أنك تعبانة كتير عليه ............

وماكان فيني مر و ما أتشكرك ...........

الله يعطيكي ألف عافية .........

تقبلي مروري ..........

xxlamingo

اقتباس

لك شو هاد ..........

شفت بالله.........ضرسانة أنا طالع مني مو

اقتباس

مع أنو مالي مستفيد من موضوعك ولا حتى بليرة هالمرة ............

وقعت لحالك ماحدى دفشك............كنت عم تتمربح من ورايي ياشادي!!!

اقتباس

وماكان فيني مر و ما أتشكرك ...........

يييييي.........تسلم يارب,هاد من زوقك والله



حسناء

حياتي حسناء .........حقك على راسي من فوق
والله أنامقصرة بعرف

بس خليني قول متل ماكل هالعالم بتقول............مشاغل
بس أكيد ماكان لازم تشغلني عنك


eng.adnan

بتمنى تكون استفدت منه كونك سنة رابعة..........هلأ مابدي رعبك
السنة الرابعة كانت كابوس فظيع مابعرف كيف صحيت منه

بس والله شكلكن ياطلاب هالدفعةموسهلين بنوب..........

وإنت عدنان ماشالله عليك بعتقد رح تتجاوز
كل هي العقبات وبسهولة

يعني والله نحنا كان عنا المشكلة ذاتها يلي عم تعانوا منها"مشكلة العدد
والأماكن المحدودة" بس ولامرة طالب خطرلوا يجيب معه كرسي من البيت........مريح
وأزرق كمان هههههههههه

السلام عليكم


الموضوع متعوب عليه من أول جديد


بارك الله فيكي أختنا الفاضلة مشروع مهندسة و جزاك الله خير الجزاء 



تقبلي مروري

اشكر مشروع مهندسة  على هذا الجهد الرائع
والموضوع مفيد جدا 
بس كأني لاحظت ان الموضوع مطروح بطريقة اجمالية كثيفة  على الرغم من ضخامته لانو يتناول سنة كاملة


0000000000000000
طيب خلينا بالمفيد  هلأ
اذا ممكن فيكي تجاوبينا على اسئلة مباشرة تتعلق بأسلوب التعامل مع المواد أو بعض الإحصائيات ومعليش تحملينا ولك جزيل الشكر

يعني مثلا شو هي المواد العقدة التي كانت مجننة الطلاب  وشو السبب
شو هي المواد التي نسب النجاح فيها متدنية السنة الماضية
شو هي نسبة المواد اللي اجت فيها الاسئلة خلافا للتوقعات "يعني اللي كان الدكتور مستأصد الطلاب فيها  حاكم بتصير هيك شغلة عنا بالكلية "متل الحقول للسنة الثالثة طاقة

وبالمناسبة I know  you   

السلام عليكم
--------------
إذا ممكن حابب ضيف بعض الاستفسارات اللي بتهمنا

1 - بالنسبة لمذاكرات الالكترونيات الفجائية , الدكتور بياخدها بعين الاعتبار بالعلامة ولا بس للحضور بيعمل مذاكرة؟

2 - بالنسبة للمخابر !  في شي بيستاهل الواحد يتعب عليه (قصدي بالعلامات) ولا كل الطلاب بياخدوا نفس العلامة شلف متل العادة.

3 - ممكن نظرة صغيرة عن السنة الخامسة (متعبة متل الرابعة) ولا صرنا كبار وما عاد في تعب ؟ ولا بالمقلوب الحكايا ماشية متل طلاب الروضة؟

مشكورة أختي الكريمة "مشروع مهندسة"

بالنسبة لمذاكرات الالكترونيات الفجائية , الدكتور بياخدها بعين الاعتبار بالعلامة ولا بس للحضور بيعمل مذاكرة؟


الدكتور بس بيعطي المادة ومالو علاقة بالعلامات...........العلامات أيمن مسؤول عنها
وعلى أساس بياخد المذاكرات الفجائية بعين الاعتبار..........بس لاكتير تتوقع لأنو العلامات على مزاجه


بالنسبة للمخابر ! في شي بيستاهل الواحد يتعب عليه (قصدي بالعلامات) ولا كل الطلاب بياخدوا نفس العلامة شلف متل العادة.

العلامات غالباً متقاربة..........بس أكيد يلي بيتعب مو متل يلي مابيتعب


ممكن نظرة صغيرة عن السنة الخامسة (متعبة متل الرابعة) ولا صرنا كبار وما عاد في تعب ؟ ولا بالمقلوب الحكايا ماشية متل طلاب الروضة؟

مافرق شي...........