اي بباب قراءة لشي مشروع...مشروع كبير بالاضافة لعدة مشاريع صغيرة ديكورية أو خارجية أو إذا بدكن بنعمل شي لحاله عن الديكور...ليكو اذا بتعملوا قسم لحالو عن الديكور بكون كتير سعيدة اني أشرف عليه مثلا شغلة مشروع او اتنين صغار عن الديكور الداخلي وشوية مفروشات مبتكرة شو رأيكن؟؟وبأشرف عقسم تاني ما عندي مانع

باسمة..
أنا أخدت قراري قسم ديكور بساويه وهاد ما بدو يعني كتير بساويه لحالي مو مشكلة...وقسم المشاريع المعمارية بأشرف عليه إذا بتحبوا وإذا حدا تاني بدو ياه مو مشكلة باخد غيره...بس انو يلا بقى كل واحد يختار...ومشان كلمة الافتتاحية برأيي كل مرة يكتبها حدا واذا ما بدكون بكتبها انا ما عندي مانع واذا حدا تاني بدو ياها كمان ما عندي مانع ياخدها
وبذلك بكون أخدت 8 و 10 )هي ترقيمات sufe omar) لما اقترح الأقسام وأي حدا عنده اعتراض ياخدون وباخد أنا غيرون واذا في اعضاء كافيين ليشرف كل واحد عقسم واحد بس فخدوا واحد واتركولي واحد متل ما بدكن بس يلاااا بدنا حماس

منيح كتير .. وهي "(8) قراءة في مشروع و (10) ديكور " .. لـ رغد ..

ما كنت حابة اختار بالأول مشان الباب يلي ما حدا ياخدو بتناولو أنا ..
بس يا الله مو مشكلة بختار بشكل مبدئي ..

))))) باب " (3)مشاهير العمارة أو (9) أخبار الفن " ..  وباب (6)  "مشاركات الزملاء" .. ((((((



بالنسبة لباب أخبار كلية العمارة فهاد منتركو للأخير لأنو مرهون بآخر أنشطة بالكلية ..

وحسب النشاط أو الفعالية المقامة بعمارة دمشق أو حلب المزامنة لوقت صدور المجلة ..
منغطي الفعالية بوقتها .. "لأنو لا زم تكون جديدة مو بايتة "

هلق أنا مبسوط بأنو بلشنا بشكل جدي أنا من ناحيتي إذا الأنسة رغد حابة تاخد باب الديكور أنا مستعد استلم باب المشاريع وممكن كل يوم جيب مشروع جديد وخصصلو 3 صفحات مع صورو وإلا انتو اختارولي لأن مو فرقانة كلو خير وبركة

وحتى فيني آخد باب أخبار العمارة  بجيب خبر صغير كل يوم عن أحدث الشغلات يلي صايرة بالعالم بالنسبة للعمارة طبعا أخبار مو كتير مطروقة ومعروفة رح تكون أخبار حلوة مننقلا من مواقع مختصة ومنحط الأخبار الحلوة منها بالمجلة ما بعرف انتو شو رأيكن

مرحبااااااااااااااا
لاااااا شكلكن عنجد متحمسين كتير منيح
أول الشي الحمد لله تركتولي قسم مشاريع الطلاب لأني كنت حابة استلمو من البداية
وإذا بدي إخد قسم تاني فهوي الأبنية الأثرية في سوريا
سلاااااااااام

اوكي وأنا ما عندي مشكلة رح استلم البابين التقنيات الهندسية وأخبار الفن ما بو مشكلة المهم يطلع معنا شي حلو ومرتب وما يروح تعبنا عالفاضي متل ما عم يروح بالكلية