كيف الجميع وكيف الدراسة ووينكhoney....؟؟؟؟ وكيفك محمد  عندي سؤال كيف بتدرس الأدارة والله جلطتني بتحفظ من هون بتنسا من هون؟!!!!!!!!!!!!!!!!!!!!!!!!!!!!
ومشان محاضرة العربي سمعت    أنو في واحد ألها أنو مالو فهمان عليها وطلع من المحاضرة أم هي صارت تبكي  بعدين. ويوم الثلاثاء كان عنا محاضرة عربي وماأجت  ؟؟؟؟؟ ما رح يين معنا إلا بكرة لنشوف
           

مرحبا
كيفكم
هــلا أنا ما عم احضر عربي بس عم بسمع شو عم يصير أنو بعض الشباب والصبايا عم يحضروا بس مشان يزعجو الدكتورة ويلي سمعتو أنو بأخر محاضرة اول الشي الشباب صاروا يعدوا فوق المقاعد
ووحدة من البنات قالتلها أنو هي ما بشرفها تحضر المحاضرة ؟!!!!!!!!!!
والله ما بعرف هالنوعية من الطلاب ليش عم يحضروا والله ما حدا جابرهم على الحضور
وبالإضافة انهم عم يضروا الطلاب يلي جايين مشان بستفيدوا لأن الدكتورة عم تقرر المحاضرات

بدي اسألكم شو رأيكم بالدكتور الحلبي تبع المحاسبة؟؟؟
والله انا كتير حبيتو وحسيتو أحسن من الدكتورة
بس للأسف في بعض الشغلات ما فهمتها ما بعرف ليش ؟؟؟؟
لأن  حسيت المحاسبة أصعب من ما كنت متوقعتو مع الدكتورة أحلام
لأن حسيتها كتير عم تبسطها ؟؟؟؟
أنتو شو رأيكم ؟؟؟؟        

تحياتي  Rimaz


والله العظيم مادة اللغة العربية كانت سبب رسوبي ورسوب 90%

من الطلاب بدورتي وكانت نسبة النجاح بالفصل التاني حوالي 14%

وكان دكتور المادة اسمو مظهر مكية واغلب الطلاب سبت على خمس مواد

واللي بيجمع بينهم مادة اللغة العربية


وبالنسبة للمحاسبة شو ما حكيت ما بوفي بس بدي قول اني اختصيت محاسبة

وهي كتير رائعة و الدكاترة كلهن ما شاء الله عليهم ولكن كل طالب الو رأي


وبتمنالكم التوفيق والنجاح دائما

leader

السلام عليكم و رحمة الله وبركاته :

انا يوم علقة العربي كنت حضرانة بالمسرح
و اللي صار باختصار
انو اول الشي كانو الشباب قاعدين فوق المقاعد وقالتلن ينزلوا بعدين ألعت 3 شباب يمكن منون
و قالت ما عد في حدا يطلع بعدين
قام الطلاب ما ردوا
و قامت نادت لواحد من شؤون الطلاب و حكتلو اللي عم يصير
بعدين قلنا هو انو لا عد تطلعو
و هيك
بعدين اول ما بلشت بالمحاضرة
في بنت قامت تطلع قالتلها لوين البنت ما ردت و كملت عالباب

قام الدكتورة قالت ليلي قاعدين جنب البنت انو يعطوها اسم البنت يا اما كل المقعد بيألع لبرا

هون
في شب من ورا كمان حمل حالو وكان بدو يطلع
قالتو : لوين يا استاذ ؟؟؟؟؟؟؟
قلها :


اي بكرة بشتري محاضرة اليوم !!!!!!!!!1
هيب هون عصبت كتير و قالت : (أنا سأربيكم ))
و حملت حالا و عل باب

اما انا للامانة ما شفتا عم تبكي
و اليوم اجت عالمسرح وما صار شي
مع العلم انو الاحد ما قعدت غير نص ساعة بس

هاد اللي صار


اما بالنسبة للدكتور الحلبي تبع المحاسبة هوي منيح
بس لما اجى لعنا يوم الاربعا
كتيييييييييييييييييير كان مستعجل مدري ليش منشان هيك فتنا بالحيط
اما الدكتورة احلام حبيتها اكتر لانو عم تعطي شوي شوي


sh.sh6755

أهلا بابن القمر 
شلونك ....
شكرا عالنصيحة  بس بدي أسألك سؤال:
الإدارة من وين أدرسوا ؟
وشلون بدي أدرسوا حفظ أم فهم يعني بس عطيني طريقة لدراستوا ؟؟
وشكرا مسبق لإلك
ســـــــــــــــــــــــــــــلام

=================


أهلا فيك صديقي
بالنسبة لمبادئ الادارة لا بديل عن الكتاب
لانو الدكتور مهند ارنئوط بنكش الاسألة نكش من لكتاب

وبالتالي المحاضرات مارح تنفع معكن

اهم شي الحضور مشان تفهم بعدين بتروح ع البيت وبتردس شوي شوي عمهل
بتقراها مرتين تلاتة ع الحاضر وبتكتبها مرة

وان شاء الله بتلاقي حالك مرفعها وبمعدل كمان

سلام صديقي

سلاااااااااااام

كيفكن؟؟؟وكيف الدراسة؟؟


بدي اسأل سؤال هلأ الدكتور حلبي رح يعطي عطول الشعبة الأولى؟؟؟
ولوين وصلو  الشعبة الأولى ؟؟يا ريت تخبروني يلي عم يحضر فيها
وشكراااااا
               

لا الدكتور الحلبي بس عطانا يوم الاربعاء الماضي وهو قال انو بس هي المرة ح يعطينا وبالفصل التاني هو ح يكون دكتور مادة المحاسبة
هو ترك قسم للدكتورة وعطانا المخزون السلعي بس لسا باقي قبلو شوي ما أخدنا

السلام عليكم
عندي فكرة بسيطة وياريت لو تعجبكم
انا كل ما بقرا عنوان الموضوع بيذكرني بمذكراتي بكلية الاقتصاد
فشو رايكم ان يصبح موضوع اليوم كنت في الكلية عبارة عن مذكرات او يوميات يسرد كل شخص ماحصل معه
طبعا الاحداث الهامة وليست الاحداث العادية

اي مثل موضوع يوميات طالب اقتصاد
ولكن عنوانه اليوم كنت في الكلية
وطبعا الموضوع يكون لكافة السنوات وليست السنة الاولى حصرا
وطبعا بالاضافة الى ذلك الاستفسارات التي كنتم متعودين عليها سابقا والتي كان يجيب عليها الاخ محمد جزاه الله كل خير

كل عام الجميع بخير
السلام عليكم...
والله فكرة حلوة كتير من آية وبتمنى الحميع يتفاعل ويكتب شو بصير معو
وشكر كبير لألك آية..
سلام

مساااااااا  الخير
كيفكن؟؟؟؟؟؟؟؟



كل عام وانتو بألف خير 
وانشاء الله السنة الجاية بنكون كلنا مترفعين عالسنة التانية


وشكرا الك ايه عالفكرة الحلوة