مرحببا كيفكم شباب وصبايا

انا حابة قول شي كأنو مبين من كلامكم انو مابدققوا  عالحضور  عنجد هالشي ولا بس هالفترة  لانو العدد كبييير  بتمنى تطمنوني لانو لهلا انا خايفة يطلع القانون الجديد الي قالو علي وهيك بكون انخرب بيتي لانو ظروفي ابدا مابتسمحلي ارجع عالشام هلأ أو داوم هالسنة كلها من عدا ايييييام الامتحان طبعا 


ومن حيث الي عم بصيير معكم فالله يعينكم
بالتوفيق للجميع وسنة جديدة خير عليكم     

اقتباس

انا حابة قول شي كأنو مبين من كلامكم انو مابدققوا  عالحضور  عنجد هالشي ولا بس هالفترة  لانو العدد كبييير 

أهلاُبك نورشان يعني بس يخف العدد بصيرو ياخذوا تفقد على حكيك هنن بدن العالم ما تداوم
بس لهلق مافي تفقد وببين عالمزبوط الجمعة الجاي
و إذا صار في تفقد بردلك خبر
يالله سلام نورشان بدك شي سلمي

مرحبا honey....  وسلامي للكل طبعا كمان للمحمد  أولا أنا بكرة رح داوم بالشام وتانيا أنا قارنت بين الكليتين لأيت أحسن شي نداوم بالشام ونسجل بمكتبة الأنوار مشان ناخد وندرس المحاضرات تبع درعا وبمحاضرات الشام نفهم (لأن محاضرة درعا أد نصف تبع الشام وأوقات شوي غير) وما في هنيك لا نسبة دوام ولا هم يحزنون بس شو بيصير بعدين ؟؟؟   ما في تنظيم وما ثبت البرنامج بس أنا بدي محاضرات هاد الأسبوع من وين بدي جيبون ؟؟؟ من المكتبة

اهلين احمد
هلق بالنسبة لمحاضرات درعا انا قالولي بمكتبة الانوار انه لازم بالاول نشترك بدرعا بعدين بيصيرو  يبعتولنا ياهن لهون
بس لما قلتلو انه ما حاطلع لهنيك مشان سجل بس بالمكبتة قلي في المركز الرئيسي لمكتبة الانوار بالحلبوني وهنن ممكن يقدرو يامنولنا ياهن  وعطاني الرقم ازا بدك ياه
بس بصراحة لهلق ما نزلت ع الحلبوني ولا سالت بالمكتبة ازا بدك الرقم قلي وازا رح تنزل تسال بالمكتبة  فهي مقبال المراب الطابقي بالحلبوني
ولنشوف شو لسا بده يصير معنااااا

بس يا احمد انت كان المفروض تساللنا بدرعا  كل دكتور ازا بده الكتاب او لا ونتاكد انو الدكاترة الي بيعطو هون وبدرعا  لنعرف شو نجيب
ما بعرف بس خلينا ع تواصل

محمد انت شو صار معك داومت ولا لسا  وكيف ملاقي الدوام  شلشناك معنا كتير
يلا ان شالله موفقين كلياتنا
سلااااااااام

مـــــــــــــــــــــــــــــــــرحبااااااااااااااا     

كيفكوووووووون يا حلووووووين

انا بصراحه طلعلي اقتصاد ومابعرف كيف 
عموما الحمدلله ع كل حال

انا من الشام
بس مقيمة بالكويت
نزلت عالشام من اسبوع كملت اجراءات التسجيل ورجعت عالكويت
وجبت اربع كتب وصفيات 3 قال لسا ما نزلووو

المهم
انا حابة اتأكد
اذا الحضور اجباري ولا لاء
وبظن مو اجباري نظرا لكثرة عدد الطلاب وصغر الكلية ماعم تستوعب هالاعدااد

تانيا
يا جماعه
حدا يطمني
انا اول مرة بدرس شي سوري وكتير خايفه انا كل عمري ودراستي كانت بالكويت
حابة اعرف اذا بنجح او لاء
انا شاطرة على فكرة وكنت بدي فوت صيدلة بالموازي بس كان صفيان 1%

عموما

كمان بدي اعرف من وين بدي ادرس من المحاضرات او الكتب ؟
وهل كل الكتاب مقرر ؟ لانو في كتب حجمها كبير كتييييييير

وووو ايضا سؤال 

هل اذا جبت اسئلة الدورات السابقة هالشي بيساعدني ولا هئ ؟

وهل اذا بلشت دراسة بشهر 11 بلحق خلص هالسبع كتب ولا لاء ؟
لانو هلئ ما فيني بلش حتى جيب المحاضرات من الشاااااام 

واسفة طولت عليكن ووجعتلكن راسكن
بس لانو عنجد محتارة وخايفه كتير


وشكرا الكن

سلااااااااااااااام
كيفكن؟؟؟

بصراحة أنا حابة احكي عالوضع بالكلية والله مو طبيعي بالمرة يعني بتلاقي كل العالم رايحين عالمسرح
طيب يعني لازم يصير تقسيم الشعب اجباري لأن الواحد بده يحضر محاضرة الاحصاء بالمسرح بتلاقي العالم معباية وومافي مكان نقعد وكمان شووووووووب ومافي غير 3 مراوح بكل المسرح
والمدرج الأول نفس الشي عجقة
واذا قعدنا نستنا بالمدرج الرابع مافي دكتور بيجي غير تبع المحاسبة





اسفة اذا طولت عليكن بس عنجد الوضع لازم ينلقى له حل  



سلااااااااااااااام    

مرحبا honey....  أنا رحت لمكتبة الأنوار تبع الحلبوني (المركز الرئيسي) ألولي أنو الأشتراك ب 1200 ل.س وفيك تسجلي هنيك والمحاضرات بيجيبولك ياهم لهنيك 
ومشان الدكاترة شفت اتنين ( مدخل علم الأقتصاد ,المحاسبة)ألو الدراسة من الكتب و المحاضرة بتساعد على الفهم , اما الباقي ما داومو
بس عندي سؤال شو اخدتو خلال هاد الأسبوع هون بالشام؟؟؟؟؟؟؟

السلام عليكم جميعا...شلونكم
وين هالغيبة يا honey....شلونك
أنا بصراحة لسى ما داومت وإن شاء الله الجمعة الجاي ببلش
لأنو أنا ما معي غير 3 مواد من السنة الماضية بالفصل الأول (محاسبة وثقافة وإدارة)
والأحد ان شاء الله نازل أسجل ودوامي على الشكل التالي:
الثلاثاء والاربعاء محاضرتين والخميس محاضرة
بصراحة قصادن رسبت حالي السنة الماضية لسببين:
الأول: ماني حابب أطلع عالسنة الثانية ومعي 3-4 مواد حتى ما أعجأ حالي
الثاني: حتى أعلي معدلي هيك بفضي حالي وبركز على 3 مواد وهيك برفع معدلي ان شاء الله
وعالحالتين الواحد اجباري بدو يدوبل شي سنة من هالسنين الأربعة

اقتباس

محمد انت شو صار معك داومت ولا لسا  وكيف ملاقي الدوام  شلشناك معنا كتير
يلا ان شالله موفقين كلياتنا

الله يسامحك بالعكس كثير بفرح و بنبسط بس حدى يشارك وخاصة إذا حدى طلب شي طلب أو شي سؤال والله بفرح ومشان هيك لا حدى يستحي
يلا سلام وشكرا

شلونك يا lanoosh 
هلأ إذا انقسموا الطلاب بصير في تفقد
وهاد مو لمصلحة الطلاب أكيد
يلاا اله بعين هالشهر تحملي لأنو بس أول شهر في عجأة
سلام

شلونك زوزو....
هلأ من شان الدوام  لهلأ مو عم ياخدو تفقد بس ان شاء الله ما في دوام
ومن شان النجاح انت وهمتك يعني حسب اندماجك بالمنهاج بس بدى شغل
والدراسة من الكتب والمحاضرات سوى وطبعا أسئلة الدورات بفيدوك كتير خاصة انو في تكرار كبير وخاصة المواد النظرية متل الاقتصاد شي 80% من أسئلة الدورات ولادارة والمحاسبة والاحصاءو...
وشو بتحتاجي نحنا جاهزين
سلااام