كيفكن 

لك شو هالنشاط بالكلية ..

من أول يوم بلشوا محاضرات.. !!

لك أنا ورفقاتي مو حاطين براسنا نداوم هالأسبوع

اليوم كان في هيدرولوجيا وتجهيزات بس انا كنت كتير مالل يمكن من الشوب ويمكن من  الدكاترة 
الله اعلم
وانشا ءالله الف مبروك للشباب يلي رفعوا الرياضيات4



                                                       

السلام عليكم :
لمحة سريعة عن أحداث اليوم الثاني :
اليوم أخذنا محاضرتين نظريات الأولى هيدرولوجيا والثانية تجهيزات ميكانيكية
دكتور الهيدرولوجيا باين كتير فهمان عطانا لمحة عن أقسام المدني وحكالنا عن فضل كل قسم وخصائصه وتطبيقاته وعطا تقريباً ساعة وربع المحاضرة عملياً مو كتير مهمة وما في بيندرس أو ممكن يجي بالفحص

المحاضرة الثانية هي بقا كانت حتخليني إتكِل  بس كانت المحاضرة بتسلي نوعاً ما عطانا فيها البحث الأول كلو والكتابة ورا الدكتور كتير بتعذب تخلل المحاضرة فقرة مطبخ حكالنا فيها عن الفراريج والجيله ودرجة الحرارة اللازمة لطبخها
باين هالدكتور ظريف بس المشكلة إنو بيعطي وقت طويل اليوم نقعنا بالمدرج حوالي الساعة والنصف يعني (إنطبخنا ) والخير لقدام

ملاحظة مهمة : بكرا ما في محاضرة هيدرولوجيا  ;i(16;
معلش ولو إجت متأخرة

بالتوفييييييييييييييييييييق 

العملي لليوم نحنا ما اخدنا شي , وبكرى يمكن بس في انشاءات نظري يعني محاضرة وحدة لكل اليوم , لانو بيتون عملي ما في والهيدرولوجيا نفس الشي , والانشاءات عملي الله أعلم !!! بس ما بأثر وانا بكرى مو جاية شوب وغبرة ويلي بروح يا ريت يخبرنا شو اخدتو ومين عطاكن , باي.

اليوم حضرت انشاءات نظري ، وعطا الدكتور سمارة
المحاضرة كانت مراجعة للمقاومة وبنفس الوقت عطى مصطلحات بالانجليزي
ورح يكون إعطاء الدكتور دائما عبارة عن عرض سلايدات وهالسلايدات مطبوعة على ورق ورح تكون هي النوطة اللي حندرس منها ، النوطة بالانجليزي ولازم تكون معنا أثناء المحاضرات مشان نترجم المصطلحات (ونسجل بعض الملاحظات اللي بيذكرها في الهامش) ، رح يبلش يعطي من النوطة الخميس ان شالله فلازم تكون معنا النوطة قبل الخميس ( رح ينزلها انشالله قريبا بالركن أو غيره )

برأيي انه هالمادة حلوة وما بيخوف كونها بالانجليزي لإنه كلها مصطلحات منتعود عليها ان شاء الله


ســـلامي للـــجمــيع

يسلمهن عمار , والحمدلله انو كانت بس مراجعة ومصطلاحات وما كان في درس جديد
اصبح الخميس الحضور أساسي وشكرا مرة تانية وبالتوفيق 

ماني متفائل