السلام عليكم و رحمة الله و بركاته

أصدقائي

لاحظت وجود فكرة المقهى في معظم الأقسام

.
.

و أيضا كل يوم ألاحظ تواجد معظم الأعضاء في كلية الهندسة المعمارية

مع وجود مشاركة

معظمنا يدخل

لا يرى جديد

يخرج دون أن يترك بصمة

ربما


ندخل

و في بالنا موضوع معين

لكنه بسيط أو مجرد فشة خلق ... أي غير الممكن فتح موضوع جديد له


أقترح

أن تكون هذه ساحة مفتوحة لنا

بأي وقت يدخل اي عضو منا يترك أثر

رد

نفتح مواضيع و حوارات

بعضها مهم

و بعضها جاد

و بعضها للتسلية


المهم ان نبقى على تواصل دائما


( هلا ما عاد أحكي بالفصحة و لي رح موت )

أنا هلا رح بلش

و يلى


عندي فكرتين

1_ كل واحد بيحكي عن مواقف طريفة صارت معو بالكلية

بالتبيض، مع المعيدين،مع رفقاتو،مع الدكاترة


أو حتى بحياتو العامة، موقف ما بينساه

موقف ببكي بس هلأ بيضحك عليه
( طبعا الموضوع بيستمر مع مشاركاتكون و تفاعلكون)


و موضوع تاني عندي جدي


خلونا نناقش فكرة مجلة معمارية طلابية نحنا نعملها


كان عند eye of the wolf  بذرة لهالفكرة

هون خلينا نشوف أراء الاعضاء لهيك فكرةو أكيد الباقي عنكون

أي فكرة بتخطر على بال أي حدا منطرحها هون



يعني كل ما بتفوت على المنتدى بتتصفحوا المقهى

و هيك منبقى على تواصل

و تذكرت الدوام رح يبدا قولولنا امتى

ياااااااااااااااااااااالله و الله لسا ما تهنينا بالصيف




تحياتي للجميع


قرنفلــــــــــــــــــــــــ ــــــــــــــــــــــــــــــة

مرحبااا الحقيقة فكرة بتجنن لأنو عنجد قسم العمارة صاير ناشف وغالبا أنا بتصفح شغلات تانية لأنو مالي أخلاق لقسمنا اللي صاير ممل أساسا صرلي من أول الصيف عم قول بدي نزلي شي موضوع معماري مفيد وفجأة بيروح الحماس وبلاقي حالي بالملل مرة تانية
المهم هلأ أول شي الدوام بيبدا 26 يعني الأحد ما بقي شي والله أنا اشتقت للكلية
تاني شي مشان فكرة المجلة المعمارية فوالله ياريت ننفذ هالفكرة أنا عجبتني ومستعدة شارك
وتالت شي موقف طريف ما عم يخطر ببالي هلأ بس أكيد لما يخطر ببالي بخبركن
سلاموووو  

هو بصراجة..

في موضوع مثبت لمناقشة شؤون كلية العمارة...

بس متل ما بدك..

منخلي هالموضوع لفشة الخلئ...

و للتروح عن النفس " قال يعني "....

لا تواخزو مروري الفايت بالحيط....

أميرة الدموع ........ نورتينا

اقتباس

الحقيقة فكرة بتجنن

أنتي اللي بتجنني

اقتباس

لأنو عنجد قسم العمارة صاير ناشف وغالبا أنا بتصفح شغلات تانية لأنو مالي أخلاق لقسمنا اللي صاير ممل

و الله معك حق .... و هاد اللي عم نقولو

اقتباس

هلأ أول شي الدوام بيبدا 26 يعني الأحد

لا لاتقوليا

معقول بهالسرعة يبدا الدوام

يعني مو من أول يوم ......... 

اقتباس

تاني شي مشان فكرة المجلة المعمارية فوالله ياريت ننفذ هالفكرة أنا عجبتني ومستعدة شارك

يا ستي نشالله تتنفذ... هون منعرف رأي بقية الاعضاء

و نشالله بصير خير

اقتباس

وتالت شي موقف طريف ما عم يخطر ببالي هلأ بس أكيد لما يخطر ببالي بخبركن

و نحنا رح نستاكي........

اقتباس

سلاموووو

سلام... بس لا تحرمينا من مشاركتك معنا على طول هون

يعني مو رد و بس

بدنا تفاعل على طول منك و من بقية الاعضاء


شكرا لمرورك


و تحياتي الك


قرنفلــــــــــــــــــــــــــــــــ ــــــــــــــــــــــــــــــــة

أهلا و سهلا اخ محمد.........

اقتباس

في موضوع مثبت لمناقشة شؤون كلية العمارة...

بعرف.......... بس هداك  الموضوع جدي شوي

و للشؤن الجادة و المهمة

و انا حابة تكون القصة خفيفة

يعني حكي عادي


كأنو رفقات و عم نحكي

و الله ملينا

اقتباس

بس متل ما بدك..

يا سيدي شكرا .........

اقتباس

منخلي هالموضوع لفشة الخلئ...

اي و الله بدنا ياها

اقتباس

و للتروح عن النفس " قال يعني "....

و هو المطلوب

اقتباس

لا تواخزو مروري الفايت بالحيط....

لا شو فايت بالحيط

نورتنا


و بانتظار مشاركتك بشي موقف


تحياتي

اقتباس

قرنفلــــــــــــــــــــــــــــــ ــــــــــــــــــــــــــــــــــــــــة

شوووووووووووو ياناس يا هو


وينكون

و ين التفاعل


لح تخسرونا.... و الله منفلس

فتحنا مقهى و تكلفنا


و جبنا طاولات و كراسي


و لك في عنا قهوة و شاي

و زهورات للختيارة

كولا و عصير

و اغاني

عربي . .. أجنبي....... طرب........


و لهلأ مافي غير تنين

مو معقول


و ين المواقف الطريفة  ......... و ين الضحك...........


و ين طلاب العمارة


لحقوا حالكون ........ هلأ كل الطلبات على حسابي

و العرض ليومين بس



سلاااااااااام للكسلانين....................




قرنفلـــــــــــــــــــــــــــــــــــ ــــــــــــــــــــــــــــــة

مرحباااا
سلام لكل طلاب العمارة الفاقسين واللي عاملين حاون مشغولين مع انن بيقعدوا بالساعات بغير أقسام (وأنا أولون) والله صار وشنا أسود بهالمنتدى
والله أنا اشتقت للدوام اشتقت ضل للمسا بالكلية اشتقت أضحك بأعلى صوتي اشتقت أتعب اشتقت أبكي اشتقت أركض شوف شي علامة أو ألحق شي دكتور اشتقت نام بالمحاضرة متل ما صار مرة معي بالظل والمنظور وفيقني الدكتور جلال الله يخليلنا ياه اشتقت خبص بالمشروع وتقلي المعيدة نسف كامل قوم روح غرق أحزاني بقطعة تويكس وأنا قاعدة عم أحكي مع حالي وقول وقف لحظة وعيش الفرحة اشتقت أتخانق مع الناس واشتقت حبون كمان ووقف معون والله هالكلية بتعطي الواحد دروس الها أول مالها آخر بسنة وحدة تعلمت أشيا ما كنت متعلمتها بال17 سنة اللي عشتها قبل الجامعة
ما اشتقتوا للكلية ياناس؟؟والله حلوة

السلام عليكم

زمان كتير ما شفنا موضوع جديد.....؟
من جهتي مقصر وبعرف حالي ..بس ضغط الشغل والدورة.

بس حابب علق على: أميرة الدموع.

اقتباس

اشتقت نام بالمحاضرة متل ما صار مرة معي بالظل والمنظور وفيقني الدكتور جلال الله يخليلنا ياه

صح النوم يا أميرة.....
ويسعد مساك.

اقتباس

خلونا نناقش فكرة مجلة معمارية طلابية نحنا نعملها


كان عند eye of the wolf بذرة لهالفكرة

هون خلينا نشوف أراء الاعضاء لهيك فكرةو أكيد الباقي عنكون

الحقيقة يلي شاف مجلات باقي أفرع الكليات الأداب والعلوم ........
بيعرف أنو المجلة كتير حلوة وما بدها غير مشاركة مننا بالمعلومات والصور
وبدنا حدا بيعرف فوتتوشوب منيح.
بتمنى الكل يعطي لهالموضوع اهتمام.

بالنهاية

شكراً  ... Mamet
شكراً أميرة الدموع.... وشكر للأنسة قرنفل.

ويسعد مساكم.

Eye of the Wolf

مسا الخير يا معمرجييين
كيف الصحة و الله اشتقنا للكليي
حلوي الفكرة بس ليه ما حدا حكا عن شي موقف مضحك
أنا رح إحكيلكن عن التصليح  عنا بالجامعة بالديكور
مرا أنا غبت عن درس الديكور فقامت رفيقتي بعد ما أنهت لوحتا و طلعت بتجنن
جابت لوحة و سجلت عليها اسمي و رسمت مسقط سريع بخمس دقايق مشان ما اتسجل غياب
و المفاجأةإنو علامتي طلعت أكثر من علامتها بكثيييييير شو رأيكن يا جماعة      ؟؟؟؟؟؟؟
يعني في تصليح ؟؟؟؟؟؟؟؟؟؟؟؟؟؟

مرحباااا
أنا بدي قول شي لeye of the wolf هلأ من كل حكيي أخدت نومي بالمحاضرة؟والله حسيت حالي كسلانة وإذا بدك حقلك سر قرب شوي من الشاشة مشان ما حدا يسمع مرة نمت ربع ساعة كاملة بمحاضرة حضارات يعني كمان الدكتور جلال بس الحمدلله فقت لحالي وما حدا انتبه ورفعت الحضارات 75 والظل والمنظور 80 يعني عادي ما فرقت معي القصة عكلن سلامووو وشكرا لردك اللطيف
سلاموو شباب صبايا