رح جاوبك على السؤال الاول
طبعا الاوتوكاد بساويلك هالشي بس طبعا المساحه رح تكون تقريبيه (( يعني اذا الاطوال عند وقسمت الشكل لمربعات ومثلثات .... وحسبت المساحات رح يطلع عندك فروق بس حسب شغلك عالاوتوكاد بتكون الفروق بسيطه ))
طبعا الرسمه يلي بدك تحسب مساحتها رح تكون موجوده كملف صورة ورح قلك شو هي الخطوات بالترتيب :
1 ادخل الصورة عالاوتوكاد عن طريق الخيار (( من قائمه Menu Bar اختار insert ثم raser image طبعا رح يطلب منك احداثيات النقطه يلي بدك تنزل الصورة عندها انت في خيار Specify on screen خلي مفعل ولاتعدل شي على scale الصورة بدايه ))
طريقة تانية اريحلك بكتير اعمل copy للصورة واعمل Paste بنافذة الاوتوكاد ولاتعدل لا على Scale ولا على Rotation angel
2 هلق الصورة صارت ضمن ملف الاوتوكاد بيلزمك تظبط مقياس الصورة لتصير حقيقيه تقريبا بفرض عندك ضلع او قطعه مستقيمه ضمن المسقط وليكن طوله خمسه متر
ا فعل الامر (( Scale (( Sc
ب select object اختار الصورة ومن ثم Enter
ج Specify Base Point نقي اي نقطه من منطقه الرسم
د فعل الخيار الثانوي Refrence بالضغط على R ومن ثم Enter
هـ رح يطلب منك البرنامج نقطتين حدد بدايه القطعه المستقيمه ونهايتها (( يلي اتفقنا انو طولها 5 متر )) ومن ثم اضغط على 5 ومن ثم Enter
هلق رح تصير الاطوال تقريبا متل يلي عندك على المسقط فعل الامر Area ونقي نقط من الشكل بحيت يصير المسقط لونو اخضر (( نصيحه مني خيار ِArea اشتغل على اوتوكاد 2010 لانو بخليك تشوف المساحه يلي عم يحسبها )) وحاول يكون اختيارك للنقط بشكل متتالي ومن الاسفل الى الاعلى او بالعكس ومن اليمين لليسار او بالعكس (( وبنصحك بشغله بالخيار ِArea اذا ما بتعرف عنو شي يعني اول مره بتجربوا قسم الشكل لمجموعه اجزاء واحسب مساحه كل جزء على حدا لانو وبعدين اجمع النتائج لانو في بعض الامور صعب كتير تنشرح ككتابه بالمنتدى بلكي بتعرفها انت وعم تشتغل ))
طبعا كمثال لاستخدام Area وليكن عندك مستطيل مثلا لحساب مساحته فعل الامر Area ومن ثم اختار النقط مثلا النقطه يلي بالاعلى ومن اليمين (( بالنسبة الك )) ومن ثم النقطه يلي بالاعلى ومن اليسار ومن ثم النقطه من الاسفل ومن اليسار واخيرا النقطه من الاسفل ومن اليمين ثم اضغط على Enter بيظهرلك بالشاشه مساحه الشكل ومحيطه
شغله هامه وهي يلي عم قلك صعب شرحها بس انشا الله تفهمها علي بالنسبة لتحديد نقط المستطيل بعد تفعيل الامر
البرنامج ما رح يعطيك المساحه في حال اختيار النقطه يلي بالاعلى ومن اليمين اولا ومن ثم النقطه يلي بالاسفل ومن اليسار ومن ثم اختيارك للنقطتين التاليتين يعني ترتيب النقط واجب وهاد الشي بتكتسبوا بالخبرة وبكتر الشغل على هاد الامر
بالنسبة للمساحه والمحيط فرضا ما حسنت تلاقيهون بالشاشه لسبب ما (( حظ سيء مثلا )) اتبع الخطوات التالية:
اول الشي من القائمه Tools ومن ثم الخيار الفرعي Inquiry ومن ثم الخيار الثانوي List نقي شي Object موجود بمنطقه الرسم رح يظهر مباشره عالشاشه عندك ملف txt بيظهرلك قائمه باخر التعليمات الموجوده يلي استعملتها المهم دور على الكتابه التاليه (( الخيار يلي بدك تدور عليه هو Area )) :
Command: area
Specify first corner point or [Object/Add area/Subtract area] :
Specify next point or [Arc/Length/Undo]:
Specify next point or [Arc/Length/Undo]:
Specify next point or [Arc/Length/Undo/Total] :
Specify next point or [Arc/Length/Undo/Total] :
Area = 25.0000, Perimeter = 20.0000
انشا الله كون قدرت انفعك بهاد السؤال
بالتووفففييييق
دلـيــل الفـصـل الثـانـي-السنة الثانية 2011/2012... كلية الهندسة المدنية
سؤالين عالسريع 
كيف بقدر فك الحماية عنو وعدل عليه؟