اليوم ماحلو أبدا كان عندي وصفية ومارحت هي أول مرة بحياتي من وقت ماكنت صغيرة مابروح بقدم فحص         

بس من كتر مالي فهمانة المادة أبدا ومابعرف حل فيها شي واهلي صرعوني طول النهار اومي روحي اومي روحي لا وبشوفوني دورتين حملتها 35 يعني شو مشااااان          لا وبقولولي روحي احمليها وتعي لك شو هالمنطق وهي حملنا مادة من دون مانقدمها وهيك بيبقى مادتين السبت والاحد اذا منرفعون للميكانيك وفيزيا منطلع بمادة وحدة ومابعرف أصلا يمكن هالمادة صير خامسة هاد اذا صرت وماتترفع ياااااااااااربي بعين الله     


بعرف نقيت كتيييير بس طاااااااقة من هالمادة كل مرة فشل فيها   

طولي بالك rosea لا تزعلي ولا تاكلي هم أبدا انشالله السنة الجاية بتقدميها وتجيبي فيها معدل
أنتي لازم هلأ تركزي على الميكانيك2 و الفيزيا هدول مواد تقيلة بدها دراسة منيح    


و انشالله عيلة المدني كلها تخلّص الامتحانات على الخير      ; 
سلام

مساالخير ...
rosea ماابي اقهرج  بس ياليتج قدمتيها لأن الدورة هذي اسهل دورة بالتاريخ
انا كنت لاغيها مثلج ( 14 عملي ) وحملتها اول مرة على 20 وثاني مرة على 14    ... بس رحت قدمتها وشكلها مترفعه ( ان شاء الله )

اقتباس

طولي بالك rosea لا تزعلي ولا تاكلي هم أبدا انشالله السنة الجاية بتقدميها وتجيبي فيها معدل
أنتي لازم هلأ تركزي على الميكانيك2 و الفيزيا هدول مواد تقيلة بدها دراسة منيح

شكرا  الك بينكي غيرل   اي الله يسمع منك ولو انو بحس معدل يلي ممكن جيبو بهالمادة هو 60 
بعينا الله اي وموادي التقيلة والله ادعولي رفعون امانة يعني اطلع بمادة اشوى مااطلع بأكتر 

اقتباس

مساالخير ...
rosea ماابي اقهرج بس ياليتج قدمتيها لأن الدورة هذي اسهل دورة بالتاريخ
انا كنت لاغيها مثلج ( 14 عملي ) وحملتها اول مرة على 20 وثاني مرة على 14 ... بس رحت قدمتها وشكلها مترفعه ( ان شاء الله

يالله     انا معي 20 عملي بس حسيت مبارح اذا رح يجيبولي أسئلة والاجوبة عالفحص نقل مارح أعرف أنقلون     

يلا كلو لخير   شو بدي أعمل بس حرمت هي اخر مرة بحياتي مابروح على مادة لانو كل يلي حواليي لاموني   
اي بس يعني ماجابوا مسائل وصفية ولا بس  رسم 

يلا انتوا بس ادعولي يالله يوسع مخيلتي  وناوية أحضر عند منقل بس من دون ماعيد عملي قالولي منقل أحسن شي مابعرف الله يسرلنا ويسر للجميع وانشالله بترفعها Q8&SYR


                     

اقتباس

بعرف نقيت كتيييير بس طاااااااقة من هالمادة كل مرة فشل فيها

انا كمان كنت اكره الوصفية كتير وكان معي 18 بالعملي واول مرة حملتا 35 !!!!


وتاني مرة ماكنت بدي قدمها


بس رحت قدمتها مع اني مادرستا ابدا خلال الفصل التاني( حملة ) وقبل المادة كان معي يوم درست فيه مسائل الوصفية النظري و رحت عالفحص


حليت 20 علامة مسائل الوصفية و رسمت منظور ومقطع مع اني بالفصل الأول ماعرفت حط خط على خط بالمنظور ..


وبالنهاية رفعتا 68 يعني 50 علامة من 70


مشان هيك بنصحك الفصل الجاية تروحي تقدميها وانتي مرتاحة نفسيا لانو صدقيني اذا تركتيها لبعدين متل ماكتير عملوا بتملي وبتكرهي المادة و بيجوز تصير معضلة عندك ..


ولا تندمي انك ماقدمتي مادة


انا ماقدمت البرمجة لا بالفصل الأول ولا بالتاني .. والحلاوة انو بالفصل التاني اجت دورة متل ماهيي !!! و المحصلة انو رفقاتي كلن رفعوها ماعدايي !!


وشكلي كمان هالدورة مارح قدمها لانو باقي 4 ايام للمادة و لسا مابعرف عنها شي !!!

اقتباس

أصلا يمكن هالمادة صير خامسة هاد اذا صرت وماتترفع ياااااااااااربي

كتير مواد خلتني قول هيك

لكن وبفضل الله رفعتها

التشاؤم احيانا بيلعب دوره ..لذلك علينا نكون ديما متفائلين 


وباذن الله مرفعتيها الدورة الجاي ... والأنسة منقل كتير منيحة 

اقتباس

و انشالله عيلة المدني كلها تخلّص الامتحانات على الخير 

ياااااااااااااااااااارب

اقتباس

... بس رحت قدمتها وشكلها مترفعه ( ان شاء الله )

ان شالله مرفعة

اقتباس

وشكلي كمان هالدورة مارح قدمها لانو باقي 4 ايام للمادة و لسا مابعرف عنها شي !!!

شوووووووووووووووووو

اربعة ايام ومابدك تقدميها 

طيب شوفي ياستي قصتي يمكن تكون قريبة لقصتك


الفصل الأول لما كنت سنة تانية ...وقبل فحص البرمجة باربعة ايام

الله وكيلك ماكنت بعرف شي عن المادة

اصلا انا ورفقاتي كنا اخدين دروس العملي تسلاية بتسلاية

ماكنا نفهم شي ... ولأنو ماكنا نفهم شي ماكنا عايرين المادة ولا أدنى اهتمام أبدا

المهم ولما بقي للمادة اربعة ايام قررت ادرسها

رحت نزلت البرنامج عندي على الكمبيوتر

وبلشت فيها

اي برنامج دغري طبقه بايدي

لحد ماقررت اضرب مصفوفتين ببعضهم .. وماكن عندي فكرة ابدا عن ضربهم

المهم قعت ساعتين كاملين عما حاااااااااول وحااااااااول وحاول

وبالأخير ظبطت... ولما ظبطت تعلمت كلشي بالبرمجة

يعني اول يومين كنت خالص البرمجة وقاعد لاشغلة ولا عملة


والحمد لله يوم فحص النظري جبت اعلى علامة بالكلية

ولو ماكنت مخربط باول سؤال ..تبع المعادلات كنت جبت 70 من 70

علامتي ماكانت كتير عالية لأنو علامة العملي حسب مابذكر كانت 18

ان شالله تكوني تفألتي بهالقصة 

وهلق نويتي تدرسيها وترفعيها معدل


سلامات...

اقتباس

علامتي ماكانت كتير عالية لأنو علامة العملي حسب مابذكر كانت 18

انا معي 13 بالعملي وهاد الشي اللي عم يخليني ماقدمها



بس هلا بعد ماقريت قصتك تفاءلت ورح ادرسا وقدما .. وان شاء الله رفعها




شكرا كتير الك لانك فاءلتني

والله يكتر خيرك شو ما عملتي لانو يلي بدو يقدم بحث لازم يحضر شغلو قبل ايام مو دقائق

اقتباس

انا كمان كنت اكره الوصفية كتير وكان معي 18 بالعملي واول مرة حملتا 35 !!!!

استغربت  حاكم مدري ليش حسيت حالي أنا بالكلية الوحيدة يلي مو فهمانة هالمادة حتى انو كل يلي حواليي من رفقاتي مرفعينها وبقيانة لحالي فيها         

اقتباس

حليت 20 علامة مسائل الوصفية و رسمت منظور ومقطع مع اني بالفصل الأول ماعرفت حط خط على خط بالمنظور ..


وبالنهاية رفعتا 68 يعني 50 علامة من 70

هون المشكلة   انو انا لاكنت فهمانة المسائل ولا المناظير   مشان هيك ماتفائلت بشي ومارحت  بس هيك الله يطعمني علامتك وقبلانة  

اقتباس

كتير مواد خلتني قول هيك

لكن وبفضل الله رفعتها

التشاؤم احيانا بيلعب دوره ..لذلك علينا نكون ديما متفائلين


وباذن الله مرفعتيها الدورة الجاي ... والأنسة منقل كتير منيحة

عنجد الحمد لله والله اذا هيك فائلتني انشالله ورح أحضر عند منقل   بس انشالله أفهم بعد ماأحضر   والا كملت  


خلص انشالله رح أتفائل   وحاول أفهمها ورح أحضر من دون ماعيد العملي لانو معي 20 ومشان احضر على كيفي  ادعولنا الله يفتح علينا 
وموفقين سلامممم

   
 

لك ليش ولاصفحة عما تفتح معي


مابيفتح غير منتدى الهندسة المدنية والمواضيع يلي في وبس

باقي المنتديات والصفحة الرئيسية ماعم تفتح

ولا حتى غير مواقع ولا حتى صفحة الغوغل


بس وحصرا منتدى الهندسة المدنية

ياترى عما تصير مع حدا ولا بس معي

شو المشكلة ؟.. حدى بعرف؟


فعلا شي غريب ...