اليوم كان نحسسسسسسسس بكل معنا الكلمة

طبعا مع الكثير من الملل والسخافة والقهر المضافة للنحس لحتى تكمل طبخة سم البدن  



اول شي فقت على كابوس مرعب ... موضوعه انو امي تركتلنا البيت انا وخواتي وقررت تتبنى ولاد تانيين غيرنا   


وطبعا السبب المباشر كان البنت المرضية انا




المهم ... اني تاثرا بهالكابوس فقت بكير وقررت اعمل حالي عم ادرس قدام امي وبطلت خبر اهلي اني ما رح قدم خرسانة بكرا خوفا من انو امي حبيبتي تزعل  


يعني الصبح كان فاااااقس وكلو تظاهر بالدراسة وتصفن بالمحاضرات  


الضهر ... كنت عاساس اطلع اتغدى مع رفقاتي ... بس من كتر التصفن بالمحاضرات مليت ونمت وراح عليي المشوار  

يعني الضهر كان نوووووووم  


المسا وما ادراكم ما المسا

طلعت اتعشى مع العائلة الكريمة

ومدري شو يلي خلاني اقترح على اهلي انو نروح عالربوة على غير العادة

يعني ورغم انو الربوة جارتنا بس اخر مرة رحناها كانت من مئات السنين

طبعا والسبب هوي رائحة نهر البردى العذبة المنبعثة في الاجواء  

بس انا قلت بكون تحسن الوضع بعد التحديثات الجديدة

(( يعني لا تواخذوني محسوبتكن راح عن بالها انن بلطو الطريق مو النهر  ))

المهم اني اقنعت اهلي انو نروح هنيك وقلتلن بعرف مطعم غير شكل وعلى ضمانتي


(( والله المطعم منيح ودايما بروح مع رفقاتي بس مدري شو صار اليوم     ))


المهم ما كدنا نجلس حتى بلشت الوجوه تبوزم شوي شوي

وبلشت الانظار تتجه نحوي وملؤها التهديد والوعيد

وكلو عم يصبر حالو لحتى يشوف الاكل الطيب كتير على قولي قبل ..بعدين بينفتحو علي


المطعم كان معجوق والاكل تاخر كتييييييييير


والروائح العذبة المتمثلة برائحة القلي الممزوجة بعذوبة بردى كانت تنبعث كل دقيقة والثانية وتسبب الغثيان لامي واختي الصغيرة

الاركيلة المحيطة بنا من كل جانب سببت الدوخة لاختي والسعلة لاخي

ابي كان في شي مكبوب ومدبق تحت رجليه

وانا كنت استمر في الابتسام في مواجه كل تلك التحديات

لحد ما اجا الاكل   

ولسه دوبهن حطو اول صحن ... امي حبيبتي داخت وكانت رح توقع عالارض  


طبعا انسحبنا من المطعم والانظار كلها تتجه نحونا

وما اكلنا ولا لقمة  

واهلي قررو يرجعو عالبيت وطار العشا


بقا المسا كان عبارة عن مشوار مطعم فاقس خالي من الاكل لاول مرة في الحياااااااااااه  

لا ومشان تكمل معنا نسرق مبايل اخي  

والمبايل جديد ما صرلو شهر واخي طاير عقلو فيه


اما بالليل ...

فكنت متفقة مع رفقاتي عاساس نجتمع ونسهر عند وحدة من الشلة

ولكني تفاجئت بعبارة  (( ما في طلعة عدي درسي )) من ماما حبيبتي مع نبرة ملؤها الحنان

وكانت النتيجة  (( المزيد من التظاهر بالدراسة ))  


بقا شو عيييييييييييد وشو سعييييييييييييد

غييييييييييير شكل ما



اسفة عالاطالة .. بس لازم يكون الرد طويل لحتى يكفي ال 23 زائر

     


بس انشالله ما يكونو الزوار ملو  بالوقت بين الردين وراحو بدون ضيافة



وكل عيد وانتو بخير وسعادة يااااااا رب
 

صباح الخير   

يا ربي شو أعمل لحتى صير فيق بكير ...

بكرا عندي مساحة 1 ... و اول شي عملتو فتحت المنتدى ....

الله يمضي هالنهار على خير .. 

خلص رايحة اعمل نسكافيه وبلش دراسة .. حدا عبالو 


ادعولي رفع هالمادة المهضومة  

أختي الكريمة لازم تيقني أنو أنجح ناسبالتاريخ كانو يبدأوا عملهم على الفجر وعند

الشروق وهاد أحد أسرار النجاح سبحان الله

هلق رجعت من الخرسانة


ايه ه ه ه ه ه ه ه


هم وانزاح ...مدري اتجل ... المهم خلصنا منو



كنت ناوي فورا نام


وإذ

الطريق مليان عجقة وناس 


الدنيا لسة عيد 


موضة الأربع ايام ماشية


فهلق نازل عيد أو بالأحرى عايد


متوقع يكون اليوم حلو كتييير 

ان شالله مايكون متل يومك جست سمايل 


بتعرفي لو انك قدمتي خرسانة الاسئلة كانو كتييير سهلين على غير المتوقع       



سلامات...

وبما أنو صرت من هالعيلة ..

فمن حقي أكتب مذكراتي هون ..

ناوي بالهيومين أطلع ع حلب ..

يمكن صار معي غلط بالسكن ..

أما مواد .. فهي شغلة فاضة .. ما بقدم شي .. هههه ..