شكرا امونه على الجهد العظيم ( و الله طلعت مفيدة )  
عن جد يعطيك العافية ....  بدي اطلب منك انك تدعيلي رفع هالمادة  ....
موفقه بالمشروع  .... 

منيح يعني برأيك في مني امل لسا طلع فيني شي مفيد

خلص بدعيلك وانتي كمان ادعيلي بشكل عام

أيمان....

الله يسامحك..

مين في غيركن ..,,طالبات السنة التانية..


يلي عم تشتغلو بالمنتدى..,,


و تخلو يصير مضرب المثل...,,

عنجد الله يسلم هالديات..,,

كتير ناس دعولك منشان المحاضرات.,,

كتير صدقيني..


Mamet

أمونه انت فهمتيني غلط  أنا قصدي ((المحاضرات )) طلعت مفيدة كنيير ....
                                و لو انت دائما مفيدة ....
                                    و بالتوفيق .....

هل تعلمون إخواني بأن جميع تمارين ومسائل الظل والمنظور التي يدرسها الدكتور جلال هي من عمل الاستاذ ياسر الصباغ الذي درس المادة مايقارب 20 سنة مع الدكتور بول والاستاذ نزيه رحمه الله أسألوا طلبة السنه الرابعة والخامسة

شكرا الك كتييييييييييييييير
بتمنى تنزلي محاضرات مدخل نظريات عمارة اذا عندك
مع جزيل الشكر

عفوا .. لا شكر على واجب

بالنسبة لمحاضرات نظريات العمارة . قامت ولاء برفع محاضرات نظريات العمارة على الرابط

https://www.jamaa.net/art258002.html

لكن لجامعة مصرية .. وهم في غاية الأهمية وخاصة أن امتحان هذه المادة مفتوح

وبالنسبة للأخ الناصح صحيح ما قلت وأظن أن الأساتذة الذين وضعوا هذه التمارين يحبون أن يستمر عملهم بعد رحيلهم .. ولا مشكلة في ذلك

كانوا معلمين ولم يكونوا تجار

تحياتي

بالنسبة لمادة نظريات العمارة اسمعو مني ياطلاب السنة الاولى
انا اول سنة حملتها 59  وهالمرة رفعتها 64 يعني صحيح مو عالية بس المهم اترفعت
بس المهم الفرق يلي عملتو هو اني اعتنيت كتييييييير بالرسم
يعني قد مافيكم تكترو رسم على السؤال حتى لوكانت مراحل بايخة بنظركم .ابتداء من مخطط العلاقات بس  من الظاهر انو بترفع العلامة شوي وحتى حبرو الرسمات
واخرجوهم 
وانشالله  بيمشي الحال
موفقين

بما انو غفران جابت سيرة مادة نظريات العمارة

حقول شغلة ولو انو هون مو مكانها .. مرة طالب سألني عن هي المادة وكتبتلو هاد الرد .. (مشان ما ارجع عيدو هي حطلكون ياه .. ان شاء الله يفيد)

انا رفعتا صح من اول مرة بس بالستينات واذا بدك ترفعا بعلامة  عالية يا سيدي بسيطة انا سألت البنات يلي جابو علمات عالية

وقت بدك تجاوب عالسؤال بتجاوب بالطريقة التالية :
اول شي بتكتب جاء في محاضرة الدكنور رئيف مهنا او في كتابه وبتكتب رأيه

بعدين بتقول وانا رأي ... وبتكتب رأيك بنفس الموضوع إما معه او ضده بس المهم بتكتب بعد رأيك تعليل رأيك

تاني شي اكتب كتير وكتر حكي  أد ما بتقدر بس انتبه يكون على أد الوقت 

حتى لو الدكتور اجى وقال اختصرو لا ترد عليه انا ردت عليه وجبت بالستينات في بنات رفقاتي قالولي يكتبو كير يعيدو نفس الحكي بفلسلفة تانية واستعاروا  ورقتين اضافيات  وجابو علمات

ان شاء الله مفكر الدكتور بيقرأ كلشي ؟  بيطلع عالورقة بشكل عام ..

هي بالنسبة للامتحان اما بالنسبة لحلقة البحث ..

فنحنا كانت على وقتنا غير بس بقدر ساعدك بعنصر المتانة  والجمال شغلتون بسيطة

انا بعرف بده منكون 3 نماذج لكل عنصر ..

بالمتانة بتاخد بناء وبتحكي كيف الحمولات عم تنتقل فيه وشغلتا بسيطة باذن الله

اما بالجمال فبتاخد كمان بناء  وبتحكي كيف مثلا ستخدم فيه تضاد او الايقاع او النسب الهندسية وهي كمان بسيطة ان شاء الله

بيبقى اذا قدرت بزودك بأمثلة

بس بدي اسألك قيدوكون شي بأبنية حديثة او قديمة ؟

بالنسبة لعنصر المنفعة يمكن بدك تجيب مسقط وتحلله يعني تحط مخطط علاقات اله

ما بعرف ممكن توضح اكتر شو طلبو منكون ؟
ممكن تحط مقاطع تبين  حركة الهوا والتشميس ؟

بالنسبة للاقتصاد هي اغلظ شغلة لان ما منتعرضلها اثناء شغلنا وما حنعرفها لنطلع عالحياة العملية  .. نحنا السنة الماضية ما جبرنا نحكي عنها

بس يعني ممكن نجيب مبنى  مغطى بستارة زجاجية بمنطقة باردة  ونكتب انه الزجاج بيحبس الحرارة بطبيعته والمنطقة باردة فبهالحالة

وفرنا طاقة للتدفئة وصار المبنى اقتصادي + انه الزجاج اخف من البيتون فسماكته اقل  ووفر حمولات عالهيكل الانشائي فمقطع الهياكل صغر

وهيك منكون وفرنا مادة البيتون + وفرنا بالمساحة

شو رأيك ؟ هي طالعنا مثال اقتصادي شوية حكي كمان مع شوية فلسفة بيمشي حالو

ما بعرف يعني الدكتور ما ضربلكون أمثلة ؟

أنا بانتظار ردك ....

ايمان .

انتهى الرد

نظريات العمارة هي اجمل مادة عنا ياها بالفصل التاني بعد الظل و المنظور...

لانو هي المادة يلي بتخلي الواحد يأبدع لأبعد الحدود..

انا عملت حلقة بحث ..تعبت عليها كتير كتير..

و عجبت معيد العملي تبع المادة..

و اهم نقطة عجبتو فيها هو اني انا كاتبها  بعيد عن سياسة النسخ-لصق..

غفران انا بعتلك نسخة عنها..

و انشالله لنزلها عالمنتدى بعد ما نخلص من الفحوصات حتى نقاشها سوى.

و بالصيف ليكون في ساحة كتير قريبة لهالمادة و اسلوبها..

و هي " فلسفة العمارة"

انا برأيي انو لازم نهمتم كتير بالشي يلي عم نكتبه..مو بكميته..

و ممكن عاكس رأي إيمان..

انا قاعد مع الدكتور و حاكيه..

هلئ ممكن يكون عم يكذب..

بس لا زم نهتم كتير بالحكي يلي عم نكتبه..

و مو شرط يكون طويل كتير لياخد العلامة..

انا وقت فحص العربي..

دخلت عالمادة و انا حاملها..

و ما اشتغلت شي بالورقة غير انو شرحت الابيات...ة عربت الاعرابات...و رفعتها عالستين..

سألت رفقاتي تبعات السنة التانية..قالو انو الآنسة كتير بتساعد لمن يكون الواحد شاغل بالورقة..

هلئ انا جاوبت على كم سؤال غيرهم..بس ما بعرف ازا صح او غلط..

بس بظن شرح الابيات لعب دور كبير بمساعدة الدكتورة..

انا بس بدي انو نكتب شي حلو..لعل و عسى الإستاذ قرأ شو كاتب..

أصلا إيمان انا بعرف كتير ناس كتبو كتير كتير...و حملوها..

و انشالله لحاول زودك بنسخة عن حلقة البحث يلي عاملها...

mamet