السلام عليكم

يمكن أهم ادوات الدراسة عنا هي الألة الحاسبة

وبدونها مابيمشي الحال أبدا

حبيت نزل هاد الموضوع لنتشارك بوضع طرق العمل على الألة الحاسبة

كل مشاركة بتحمل أسم العملية المراد كتابتها

بالبداية بحب أنصح جنيع طلاب السنة الأولى بشراء ألة حاسبة

من نوع ES وليس من نوع MS

والسبب أن MS فيها سطر واحد فقط

أما ES ففيها أكثر من ستة اسطر ... ولذلك دور كبير في سرعة الحل بالإمتحان

أنا شخصيا كان عندي MS وكان ماشي حالي ...بس لما جبت ES صار الشغل أسهل بكتير


ES لها موديلان 991 و 570 مابعرف إذا في فرق بيناتهم بالميزات

بس بعتقد أنهم شبه بعض والفرق الوحيد هو بالطاقة الشمسية


سعر الألة الحاسبة من نوع ES 991  850

هيك اشتريتها من الحلبوني ..أكيد بالمكاتب عنا تباع بسعر اغلى

ونصيحة لكل الطلاب ...لا تسترخصوا وتجيبوا وحدة متواضعة

خلوها من الأول ممتازة .... وبتعيش معكم الخمس سنين ..بإذن الله

موضوع حلو ,,,,,,اب صالح ,,,,,,,,,,

معك حق ,انا بالفصل الأول  لما كنت بالسنة الأولى كنت ضايع و ما عرفان شو الآلة يلي بدي جيبها لهيك نزلت على البحصة ,وفتت على محل مرتب وأخدت من عندوا أغلى آلة حاسبة علمية ...كنت بعرف أنو جيب آلة حاسبة علمية فقط لا غير ما بعرف شو المواصفات المطلوبة ,,,,اشتريتها بوقتها بـ450,,وكنت مفكرون كلوا متل بعض ,,,,,, وكنت مفكر أنو ما رح نستخدمها كتير ,,,,,,,,,,للآسف  ماكان في حدا ينصحني,,,,,,بس بعدين أختلف الوضوع بعد ما جبت الآلة  المتطورة فرقت من الآرض للسما ,,,,,,

رح ابدأ أنا ,,,,,,,,,بعض العمليات على الآلة

طريقة ضرب مصفوفوتين ,
طريقة  إيجاد مقلوب مصفوفة
مفيدة في ر2 لطلاب الأولى و الجيوديزيا لطلاب 2


رسم تقريبي للآلة الحاسبة



لضربهم نتبع الخطوات التالية :
ندخل المصفوفة الأولى و لتكن A كالتالي :
نضغط MODE ثم 6 (MATRIX) ثم 1 (MAT A) ثم نختار أبعاد المصفوفة و في مثالنا 2×3 أي نضغط 4 فيظهر لدينا الخانات لإدخال المصفوفة ندخل الرقم الأول و نضغط يساوي لينتقل المؤشر للخانة التالية وهكذا إلى أن دخل جميع الأرقام الآن نضغط على الزر AC فنخرج إلى الوضع العادي , المصفوفة الآن حُفظَت في الذاكرة و الآن ننتقل إلى الخطوة التالية و هي إدخال المصفوفة الثانية و هي المصفوفة B و هنا موضع الخطأ حيث أننا لا ندخلها بنفس الآلية التي أدخلنا فيها المصفوفة A أي ليس من الزر MODE بل نضغط SHIFT+4 فتظهر مجموعة من الخيارات نختار منها الخيار الأول Dim  بالضغط على 1 ثم نختار Mat B بالضغط على 2 ثم نختار أبعاد المصفوفة B و في مثالنا 3×2 أي نضغط 2 ثم ندخل قيم المصفوفة B ثم بعد ذلك نضغط AC الآن المصفوفتين A و B محفوظتان في الذاكرة و لضربهم نضغط SHIFT+4 و نضغط 3 (MAT A) لاختيار المصفوفة A ثم نضع إشارة الضرب و من ثم نعود و نضغط SHIFT+4 و نختار المصفوفة B بالضغط على 4 (MAT B) ثم نضغط زر يساوي = فتظهر لنا النتيجة



إيجاد مقلوب مصفوفة :
لإيجاد مقلوب المصفوفة ندخل المصفوفة المراد قلبها عن طريق MODE و بعد الخروج (أي ضغط AC) نضغط SHIFT+4 ونختار MAT A و ذلك بالضغط على 3 ((ولكن هنا يجب الانتباه للاختيار فأنت تختار  MAT A بناء ً على أنك اخترت MAT A عند إدخال المصفوفة و ولو اخترت MAT B فإنك بعد الضغط على SHIFT+4 يجب أن تختار MAT B )) بعد اختيار MAT A نضغط على الزر x^-1 ثم نضغط يساوي فتظهر لنا النتيجة المطلوبة .
يجب الانتباه إلى أنه لكي يكون للمصفوفة مقلوب يجب أن يكون محددها لا يساوي الصفر .


مشكور اب صالح مرة تانية على الموضوع ,,,,,


سلاممممممممممم
 

ساشرح طريقة الإدخال على الألة الحاسبة ES

من زر MODE نختار رقم 6 : MATRIX

بيظهر عنا ماتركس A وماتركس B وماتركس C

نختار إحداها ولتكن 1:Mat A يظهر عندنا ستة خيارات حسب أبعاد المصفوفة

وإذا انزلنا بالسهم إلى السفل يظهر ثلاث خيارات جدد  كمان حسب أبعاد المصفوفة

نختار مثلا 5 : (2*2) وندخل أعداد المصفوفة ندخل الرقم ثم =

نضغط AC

ومن ثم لإدخال المصفوفة الثانية SHIFT ومن ثم 4 (ماتركس )

فتظهر لنا 8 خيارات نختار DIM أي 1 وندخل المصفوفة الثانية B مع مراعات شرط الضرب

وإذا أردنا ضرب المصفوفتين... SHIFT ومن ثم 4 (ماتركس ) ونختار المصفوفة A ونضع إشارة الضرب ومن ثم SHIFT ومن ثم 4 (ماتركس ) ونختار

المصفوفة B  ومن ثم = ويظهر ناتج الضرب

إذا أردنا حساب مقلوب أي مصفوفة ..ندخلها اولا (طبعا يجب ان تكون مربعة)

ومن ثم نضغط AC وبعدها SHIFT ومن ثم 4 (ماتركس ) ونختار المصفوفة و نضع فوقها أس -1

وبعدها يساوي وينتج لدينا المقلوب

ولحساب محدد المصفوفة (حتما المربعة) SHIFT ومن ثم 4 (ماتركس )  ونختار الخيار السابع det

وبعدها SHIFT ومن ثم 4 (ماتركس ) ونختار المصفوفة التي نريد محددها


هيك تقريبا نكون أنتهينا من المصفوفات ... يلي عنده سؤال يتفضل


يمكن البعض يعتقد هيك شغلات سهلة كتير


بس بذكر لما كنت سنة اولى ماكنت بعرفها لا أنا ولا حدا من رفاتي

ولما اجانا سؤال التقريب المتتالي (جاكوبي) ويلي منضطر نضرب فيه حولي 12 مصفوفة

ضربتهم كلهم بإيدي وحدة وحدة وبقيت عما حل بالسؤال ساعة كاملة ...ووقتها كنت بعرف حل كل الأسئلة ..بس مالحقت وجبت 79 فقط ...

فإن شالله ماحدا بصير معه متل ماصار معي ... وهي في سبيل المساعدة


تحياتـــــــــي

ههههههههههههههههههههه


أهلين ابو الزوز ...   منور .... وينك يازلمة ...وين مشاركتك بمنتدى المشرفين


بس بتعرف مارح أحذف  ردي صرلي ساعة عم أكتب فيه ...يلى زيادة الخير خير 


الله يعطيك العافية

اقتباس

S لها موديلان 991 و 570 مابعرف إذا في فرق بيناتهم بالميزات

بس بعتقد أنهم شبه بعض والفرق الوحيد هو بالطاقة الشمسية

هلق من حيث العمليات ما بيفرقوا اما متل ما قلت بتفرق الطاقة الشمسية

واذا بدك كمان الالة الجديدة 991 es plus ما بتفرق بالعمليات انما بتفرق بالسرعة يعني العملية يلي بتاخد بالعادة 60 ثانية بتاخد على الجديدة 55 ثانية تقريبا لاني جربتها يعني اسرع بشوي

اقتباس

سعر الألة الحاسبة من نوع ES 991  850

انا على قد ما شاري الات حاسبة لرفقاتي (( مشان ما يشتروها من البرامكة )) صاروا بالحلبوني يبيعوني ياها بـ 750 ليرة شو رايك ؟؟؟

طيب انا الشي يلي رح اكتبوا كنت كاتبوا بالهيدروليك 3 لذلك بجوز انتو كشباب تالتة ما تستفيدوا وانما طلاب السنة الاولى (( باعتبار عندهم مساحة )) و السنة التانية كتير بيستفيدوا منها هلق
حمل الملف

اقتباس

بس بتعرف مارح أحذف ردي صرلي ساعة عم أكتب فيه

لكان قال العز للرز    و البرغل شنق حالوا 
سلاااااااااام

أهلا ابو عمير الغالي .... والله مشتقلك 

اقتباس

750 ليرة شو رايك ؟؟؟

يازلمة في مكاتب جنب الكلية بتبيعها بـ950   


بدي قلك شغلة أبو عمير الورد 

خلي عنوان المشاركة بالعربي ... مشان أي حدا بده شي دغري يلاقيه

يمكن تقلي كيف بتنكتب بالعربي

بجد مابعرف ...بس دبر راسك   ...مو أنت أبو البرمجة والأفكار النيرة


سلاااام ...

الله يعطيكن العافية


هالموضوع كتيييييير مهم وخصوصي لطلاب الاولى



وعفكرة لهلا انا في كتير مواضيع بالالة الحاسبة ماكنت بعرفها

اقتباس

يازلمة في مكاتب جنب الكلية بتبيعها بـ950   

يا سيدي اذا قلتلك اني مرة كنت عند مكتبة الكمال وطلب فيها 1300 مدري 1350 ليرة شو بتقول وقلبي رح يحترق على الطالب يلي دفع هالمبلغ كان بدي قللو انو بجيبها 750 بس مو حلوة جوات المكتبة

اقتباس

خلي عنوان المشاركة بالعربي ... مشان أي حدا بده شي دغري يلاقيه

يمكن تقلي كيف بتنكتب بالعربي

بجد مابعرف ...بس دبر راسك  ...مو أنت أبو البرمجة والأفكار النيرة

يا عيني عليك اساسا الالة الحاسبة يمكن مافيها ولا كلمة بالعربي (( الا الارقام )) يعني شو بسمي المشاركة مثلا :

كبفبة الحساب بالة حاسبة كاسيوا موديل ف اكس 992 اي اس

بعدين من وين لوين عملتني ابو البرمجة يا ابو صالح ؟؟؟ هنن هالكم تعليمة وكم مسالة يلي بعرفهم

اقتباس

بجد مابعرف ...بس دبر راسك

رح صحح الجملة ورح تكون على الشكل التالي:

بجد مابعرف ...بس فجر راسك

سلااااامات للجميع (( يالله احذف الرد تقلك ابو صالح صارلو ساعة السيرفر مضغوط ))

سلامي للجميع....
أعجبني الموضوع ...
اتقان استخدام الآلة الحاسبة أحد الأولويات في الكلية وشخصياً أنصح بدراسة الكاتلوك المرفق بالتفصيل ففيه شرح كافي ووافي لكافة العمليات
وشو بدكم بزياد وبمحمد 

اللآلة الحاسبة التي نتحدث عنها هي fx-991ES:



وهي أفضل بكثير من fx-991MS وخصوصاً بحل المعادلات التي تعتبر أهم ميزة لها الى جانب المصفوفات الى جانب الكتابة على الآلة الحاسبة كما تكتب على الورقة أي الاظهار الطبيعي للمحارف ؟!
وميزاتها وبالعربي الفصيح:
Two way power
403 Functions / Full Dot Matrix Natural
Textbook Display / Plastic Keys
(Natural Input / Natural output)

Integration / Differential , Equation calculation , Matrix calculations / Vector calculations , Complex number calculation , CALC function / SOLVE function , Base-n calculation

• Fraction calculation
• Combination and Permutation
• Logarithm log
• List-based STAT data editor
• Standard deviation
• Paired-variable statistics regression analysis
• Logical operations
• Table function
• 40 scientific constants
• 40 metric conversions (20 conversion pairs)
• 9 variable memories
• Comes with new slide on hard case

لكن المنتشرة الآن بالسوق وخصوصاً بالحلبوني هي النسخة المطورة عنها وهي fx-991ES pluse:



والثانية تختلف عن الأول بشكل طفيف لن تلاحظوه كثيرا لكنها هي المنتشرة في السوق وبنفس السعر مع أني وجدتها أقل متانة...
المعلومات والصور من موقع كاسيو.... مش عقدة
تحيااااااااااتي للجميع

اقتباس

أهلين ابو الزوز ... منور .... وينك يازلمة ...وين مشاركتك بمنتدى المشرفين


بس بتعرف مارح أحذف ردي صرلي ساعة عم أكتب فيه ...يلى زيادة الخير خير


الله يعطيك العافية

أهليننننننن اب صالح .........ليكني هون ,.بس خارج نطاق التغطة حالياً .......و من مشاركاتي ,,,,,,,قريبا ً جدا ً إن شاءالله ,,,,لا تخاف متابعك ,,,,,بس لنخلص من المشاكل يلي فوق راسي      ,,,,,,,,,,

ومن شان المشاركة ,,,,,,,فيعطيك العافية ,متل ما قلت زيادة الخير خير

سلاممم



EngKey
مشكوررررررررررررر إينج على المعلومات الحلوووووووووة ,,,,,,ذكرتني  بشغلت الكتلوك,............بصراحة أنا لهلأ ما فتحتوا ,,,,,,,,,,,,,,,بس بعد هلأ أكيد رح أفتحواااااا
سلامممممممم