اقتباس

فكرة كتير حلوة و عجبتني و أنا مستعد أشارك فيها سواء بالعطلة الإنتصافية أو بالصيف إن شاء الله
أنا بانتظار تأكيد المشروع و اكتمال العدد اللازم لحتى بلش معكم

الله يخليك...شكرا على تأييدك

اقتباس

عفوااااااا على التدخل ......


بس حبيت وقف معكن وشجعكن بهالفكرة ... نحنا صرلنا حوالي سنة بمشروع الترجمة الصيدلانية وهو جاري انشالله ...

وإذا تعاوننا من مختلف الكليات رح يكون الناتج شي كتير منيح ويفيد الأجيال الجايي خيرات الله

بالتوفيق

أهلا وسهلا فيك أخي الكريم مافي داعي تعتذر على التدخل
أهلا وسهلا فيك انشالله نحسن نخطو الخطوة الأولى ونطورها سوا ليش لأ...

اقتباس

السلام عليكم
أولا اشكر الزميل خالد على هالفكره الحلوه لأنو ذكرتني بالعصر الذهبي للترجمة أيام الخليفة المأمون اللي كان يعطي وزن الكتاب المترجم ذهب من باب تشجيع الناس على العلم
ثاني شي أنا موافق و جاهز للمشاركة بأي وقت بس حابب أعرف أنو لازم الواحد يكون فهمان منيح بالإنشاءات ويعرف يحل أي مسألة لأنو الحال على قدو وعلامات زفت مشان أعرف شو المطلوب بالضبط.



سدد الله خطاكم ووفقكم للخير حيثما كنتم.


إن كان قد عز في الدنيا اللقا بكم
ففي موقف الحشر نلقاكم و تلقونا

أي شو هااااد...والله شجعتني ...انشالله نساوي جزء من ألف  من الي ساوا المأمون

هو الكتاب بتصور مبلش من الصفر ..بتصور هيك ...ما بتصور أنو بدك معلومات كتير من ناحية نظرية القساوة والليونة الي أخدناهم بالانشاءات 1-2

يعني مو مشكلة أذا ما كنت منيح بالإنشاءات ..شو ماكان الوضع لازم تعمل شي لتطور حالك
أنا مابوعدك أذا الكتاب بيعتمد عالإنشاءات سابقا بس بأي حال من الأحوال بتحاول تطور حالك ولا أنا غلطان

بيت الشعر الي حاطوا ..حلو
....وبالنهاية كل واحد لازم ما يستسلم حتى لو مابيعرف شي

السلام عليكم

معكم الصيدلاني بشار الجمال

أجد من الواجب علي أن أذكر لكم بعض مراحل العمل في مشروع الصيدلة من باب النصيحة
بعد أن أؤكد ما قالته الزميلة

اقتباس

عفوااااااا على التدخل ......


بس حبيت وقف معكن وشجعكن بهالفكرة ... نحنا صرلنا حوالي سنة بمشروع الترجمة الصيدلانية وهو جاري انشالله ...

وإذا تعاوننا من مختلف الكليات رح يكون الناتج شي كتير منيح  ويفيد الأجيال الجايي خيرات الله

بالتوفيق

أولاً - البارحة أكد الدكتور عامر مارديني نائب رئيس جامعة دمشق للشؤون العلمية دعم الجامعة لهذه المشاريع ، وبالتالي فأنتم داخلون في هذا الاعتبار
وبمجرد تبلور أول المشروع يمكنكم زيارة الدكتور عامر وإن أحببتم أتشرف بمرافقتكم

ثانياً - في مشروع الصيدلة أحجمت دور النشر عن المساعدة بسبب الحجم الكبير للكتاب
واكتفت بالتشجيع لنا، ولكن إن كان الكتاب الذي تعملون على ترجمته مقبول الحجم فممكن ان تتصلوا بدار شعاع في حلب لتتفقوا معها على إصداره

ثالثاً - كان التعاون مع نقابة الصيادلة يشكل قيمة دافعة للطلاب ، وكذلك نشر الخبر في الصحف

رابعاً - لعدة أشهر كان تعاون الأساتذة شخصي وممنذ أيام فقط بعد ما وزعنا 3000 صفحة بدأ التصريح الرسمي من الكلية والجامعة بتبني دعم المشروع ، فتحتاجون لعدد قليل من الأساتذة كمساندين علميين ويعطون دافع للمشتركين

خامساً - الأدوات المعنوية والمادية

في بداية المشروع سجلت اسم كل طالب قال أنا معكم..ثم فتحت موقع غوغل مجاني وأضفت صفحة جدول وكتبت أسماء الذين وعدوا بالمشاركة أسفل أسماء المشاركين كحافز مع مراسلات مباشرة معهم، بعد تحديد منسقين يتابع كل واحد عدد من المشتركين

ومسألة التحفيز الإيجابي هي أهم أداة في العمل
تليها مسألة تدقيق الملفات

اما وسائل التنظيم غير المباشر فعبر موقع غوغل ، ومجموعة بريدية، والبريد الإلكتروني للمنسقين
من المفيد جداً قراءة كتاب؛ كيف تترجم، وكتاب، الترجمة العلمية
ويمكن تحميلهما من مجموعة الترجمة
http://groups.google.com/group/pharm-tech-trans

عذراً للإطالة ولكن فرحنا بكم وبعملكم كبير ولعل التعاون بيننا يكون أكبر في المستقبل القريب

بشار

أحلى خالد والله ,,,,,,,,,,,, والله اشتقنا لمواضيعك


أنا ببصملك مية بالمية ,,,,,,,,,,,موافق على مشروعك و إن شاء الله لو بدي اشتغل أنا وياك لحالنا , بدنا نساوي ,,,,,


بإنتظار التفاصيل لحتى نلبس


,,,,,,,,,ملاحظة ,,,,,,,,,,,,,,,,, أنابرأي أنو العدد يلي رح يشارك بهيك عمل رح يكون كتير ,,, لأن أنا بعرف طلاب المدنية كلون نشاط و حيوية ,,,,,,,,,,يعني أنا برأي نبلش فيه أول ما نخلص فحص ,,,,,,,,,,, أقتراح تاني ,,,,,,,,,,,,,,وشو رأيكم أنكبر المشروع ,,ونساوي مرجع شامل بالإنشاءات ’’’’’’’’’’’’’يعني إنشاءات من طقطق لسلام عليكم ,,,,,,,,,,,,,,

نربح عددة اشياء ,منها منقوي لغتنا الأنكليزي التعيسة (بالنسبة لألي) ,,,,,,, ومنوا بنكتسب خبرة كتير كبيرة بالإنشاءات ومنو بنأنجز عمل ضخم بنفتخر فيه قدام العالم


بالتوفيق إنشاء الله


سلامممممممممممم

الفكرة عالتنفيذ أحلى بكتير من الحكي.........فنصيحة استغلوا الحماس الموجود و ابدؤوا بالتفكير بخطوات عملية بعد الامتحانات فوراً لأنو هيك فكرة بدها همة عالية حرام تضيعوها بالتأجيل الطويل.......... فانشروا الفكرة عالمنتدى و بالكلية حتى تحصلوا على العدد المطلوب للبدء السريع.......






              بالتوفيق

    من أعضاء مشروع الترجمة بكلية الصيدلة

لما بقرا هيك موضوع بقول لسا شباب الوطن بخير
يعني المهم انو عم نفكر و نحاول و النجاح بيجي بعدين
اثلجتم صدري بهذا المشروع
و الله يوفقكن دائما و يكون هالمشروع مشروع بنية خدمة الوطن و الارتقاء بمستوى الجامعة على قدر امكانياتنا
و ان شاء الله ما منقصر معكن

يعني عندك افكار رائعة
خالد هلا انا معكن
انا رح بلش اعمل دورات انكليزي بلكي بقوي حالي لاني ضعيف جدا
بس اكد بدكن واحد يكتب وواحد يدقق فاي شي انا جاهز

السلام عليكم أخي خالد ويعطيك العافية على هالفكرة
بتمنى تقبلوني معكم بالفكرة ونكون على قدر المسؤلية
أتوقع أن المشروع لن يكون سهل بس طالما النية موجودة فالله الموفق
وإذا بتسمحلي اقترح ان يكون الكتاب المختار يسمح لغالبية المراحل بالمشاركة
وان شاء الله يكون مشروع ناجح

السلام عليكم ...

الله يعطيك العافية ...

الفكرة حلوة .. بس بدها شغل ووقت كتير ... والشي يلي كتبو الأخ الصيدلاني بشار الجمال كتير مهم لحتى يصير المشروع بشكل رسمي ...

أنا بشوف أنو الكتاب يلي بدنا نشتغل عليه بيكون بيحكي عن مادة مهمة باالهندسة المدنية و لح نرجعلها حتى لبعد التخرج ... وممكن تكون هالمادة مو آخدة حقها بالكلية .. وماحدا بيقدر يحدد هالشي إلا طلاب السنة الخامسة ...

ممكن بهالشكل ما يقدر طلاب كل السنوات يشتركوا بالمشروع ( من الناحية العلمية ) .. ومنن أنا  بس ومع هيك الكتاب كل ما كان مستواه أعلى كل ما كان مفيد لبعدين أكتر ... وإذا ما إقدرنا نشترك هي السنة منشترك السنة يلي بعدها ... المهم الفائدة يلي لح نحصلها بالنهاية ...


تحيتي لكل عقل مفكر 

كنت منذ زمن أود المشاركة في هذا الموضوع

ولا يسعني إلا أن أشكر الزميل خالد صادق على هذه الفكرة الممتازة.

كل حلقات البحث التي أعمل بها  تعتمد على الترجمة بشكل أساسي.

وأنصح الجميع ممن يود إكمال دراساته العليا أو حتى ينوي العمل الجاد أن يطّور لغته

الانكليزية.