هو ليس مشروعا بحد ذاته وإنما مشروع مشروع فبحسب المشاركة فيه ومقدار تعاوننا نستطيع إنجاحه

لماذا لا نتعاون معا لترجمة كتاب في الهندسة المدنية ؟ كتاب إنشاءات مثلا
نتعاون على ترجمته بحثا بحثا ونحاول أن نفهمه معا ثم ننقحه ونعطيه لأحد الدكاترة لينقحه مرة ثانية

المشروع بحاجة لعشرة أشخاص على الأقل حتى لا يكون العمل عبئا على أحد وكلما كان العدد أكبر كلما كان التعمل أكثر راحة

أنا أقترح بداية كتاب أعطانا إياه الدكتور محمد سمارة والكتاب قيم جدا فيه أسس طريقة العناصر المحدودة وهذا الكتاب سيفيد بشكل أساسي طلاب السنة الثالثة الصاعدون إلى الرابعة

كما ذكرت بداية هو مشروع ...مشروع

يعني إذا لم يشارك أحد فلن يكون إلا فكرة لن تبصر النور ...لكنها تبقى محاولة
أكيد البداية لن تكون الآن وإنما بعد فترة

يا هلا ...عمر .. انشالله تكون عم تقدم منيح

أهلا أبو الخل نورت والله

بصراحة فكرت من مدة بهيك مشروع

الفكرة إجتني بعد ماكنت عما أقرأ عن مشروع الصيدلة


لكن أستوقفني أسئلة

أنو بكرا بعد التخرج شغلنا حيكون على برامج الكمبيوتر


كيف بنقدر نحدد كتاب يقدر يكون مرجع ؟

شو الفائدة المرجوة من الكتاب ؟

ممكن يزيد معلوماتنا مثلا عن شو ؟

وقتها أستوقفتني كتير أسئلة خلتني أنسى المشروع

لكن بما انك هلق طرحته وأكيد نظرتك كطالب خامسة غير نظرتي


فأنا مع المشروع .... وممكن كون واحد من المترجمين


لكن بداية خلونا نجاوب على كل الاسئلة

أهلا محمد...منورة بوجودك

بقدر الك أنو الكتاب هاد رح يفيد منهاج الكلية أول شي
وبدنا ماننسى أنو طريقة العناصر المحدودة هي الأساس بأي برنامج هندسي بيخصنا جواد ايتابس وغيرها

وما منقدر (عالقليلة بالنسبة ألي ) أنو أطرح شي ألو علاقة بالبرامج الهندسية من دون ما يكون عندي خبرة كافية


بس ليش لأ هلأ كمان فكرة حلوة وصلنالها أنو يكون في تعاون على تعليم برنامج أوتوكاد وهيك

مرحبا شباب

انا كتير حبيت الفكرة  يعني خالد على طول بيجبنا شغلات حلوة


العناصر المحدودة بكرهها كتير يعني صرلي  حامل الانشاءات من وراها مرتين 48 والله يستر من التالتة
هلء انا معكم قلبا وقالبا بس يعني اذا بتختارو شي كتاب باختصاص تاني مواصلات سدود كونوا انفلقنا سدود  بيكون احسن  واذا مصرين على العناصر المحدودة ما في مشكلة انا معكم بس طبعا مو بهي الفترة بالصيف لأنه لحنا  هلء مشغولين كتيير ررر بمشروع التخرج ........
والله عندي فكرى شو رأيكون تشكلونا فريق نسمي فريق المساعدة والاغاثة لطلاب السنة الخامسة  ومهمة هدا الفريق مساعدتنا بمشروع التخرج  شو  كفو  ..
لا تصدقو عم امزح لحنا قدها وقدود ولو .............
يمكن طولت بالرد بس متل ماقلت بالبداية انا معكم .

فكرة كتير حلوة و عجبتني و أنا مستعد أشارك فيها سواء بالعطلة الإنتصافية أو بالصيف إن شاء الله
أنا بانتظار تأكيد المشروع و اكتمال العدد اللازم لحتى بلش معكم

السلام عليكم
أولا اشكر الزميل خالد على هالفكره الحلوه لأنو ذكرتني بالعصر الذهبي للترجمة أيام الخليفة المأمون اللي كان يعطي وزن الكتاب المترجم ذهب من باب تشجيع الناس على العلم
ثاني شي أنا موافق و جاهز للمشاركة بأي وقت بس حابب أعرف أنو لازم الواحد يكون فهمان منيح بالإنشاءات ويعرف يحل أي مسألة لأنو الحال على قدو وعلامات زفت مشان أعرف شو المطلوب بالضبط.



سدد الله خطاكم ووفقكم للخير حيثما كنتم.


إن كان قد عز في الدنيا اللقا بكم
        ففي موقف الحشر نلقاكم و تلقونا

عفوااااااا على التدخل ......


بس حبيت وقف معكن وشجعكن بهالفكرة ... نحنا صرلنا حوالي سنة بمشروع الترجمة الصيدلانية وهو جاري انشالله ...

وإذا تعاوننا من مختلف الكليات رح يكون الناتج شي كتير منيح  ويفيد الأجيال الجايي خيرات الله

بالتوفيق