التصميم (1) ?? - منتدى جامعة دمشق

مشاركة : 6

M..KH

جامعـي مبـدعـ

مسجل منذ: 10-12-2008
عدد المشاركات: 243
تقييمات العضو: 0
المتابعون: 3

غير موجود
اشــترك بالتحديثات
رسالة مستعجلة

رد مشاركة : التصميم (1) ??

28-11-2009 02:28 PM

هلا cuteyy ...

نصيحتي إلك اشتغلي المشروع بإيدك ولا تعمليه عالأوتوكاد

أنت متوهمة أنو الموضوع صعب لأنك لسى ما بديتي فيهن بس صدقيني بكل

سهولة فيكي تعملي الشي يلي باقيلك

وسبب من أهم الأسباب لأنك ترسمي بإيدك متل ما قالوا لحتى تدربي وتاخد إيدك عالرسم مشان الفحص

وناحية تانية أنت قلتي أنك خالصة المساقط التلاتة...وهو كل الشغل بكون بالمساقط

أما باقي ما تبقى من واجهات ومقطع وموقع عام رح يكون مجرد سحب واستنتاج من

الشي يلي عندك ياه بالمسقط يعني ما في عندك خيارات أو تعديل أوحيرة

بشو تختاري متل رسم المساقط ..باستثناء بعض التفاصيل الصغيرة ( بالواجهات

وبالموقع) يلي بتقدري تضيفيها من عندك للناحية الجمالية ...

والتبييض كمان ما بدو هالوقت يلي أنتو متخيلينو ...

ذكرتيني بحالنا السنة الماضية حطينا ببالنا أنو بدنا يومين أو تلاتة للتبييض علماً أنو

التسليم كان بالأسبوع يلي بعد العيد مباشرة ...يعني الشغل كان المفروض خلال

العيد

بس الحمد لله أخد معنا التبييض شي نص يوم بس ...يعني صحيح شي ست أو سبع

ساعات متواصلة ....وصحيح أنو بتحسي جسمك مكسر تكسير من

بعدو ...

بس يعني ما متل ما كنا متخيلين ...علماً أنو مشروع الفصل الأول كان تسليمه

عالكانسون مو عالكالك يعني مافي شي بينشفّ وكلو بدو رسم من أول

وجديد ...

وهادا كمان بغض النظر أنو مشروعي (أو المشروع يلي انفرض عليي ) كان كلو

دوائر وتخيلي اللبكة برسم دوائر بقلم التبييض وقديش لازم يكون الواحد حذر خاصة

أنو البيكار جنني وقتها ...

يعني لولا هالأشياء كلها كان ممكن المشروع يخلص معي بأقل من هيك وقت

فلذلك نصيحتي لا تتوتري اهدي واشتغلي المشروع لحالك وإن شاء الله بيمشي الحال

وإذا بدك مساعدة أنا جاهزة..

اعذريني على هالمعلقة ...بس حسيت هالحكي ممكن يفيدك ...الله ييسرلكن

هالمشروع وإن شالله ما بتنظلموا وتاخدو علامات توازي جهدكن...

سلام

« عرض آخر مواضيع العضو »

ملتقى طلاب جامعة دمشق

أنت غير مسجل لدينا.. يمكنك التسجيل الآن.