رد مشاركة : أحبيه كما لم تحب امرأة....
أول شي مسا الخير 
صراحة الموضوع كتير أثر فيني و كلمات هالانسانة العظيمة بكل شي بتكتبه أله اثر مو طبيعي بكل أنثى
الموضوع و الجمل كتير بتعطي دافع لكل بنت بكل حالة ان كانت حالية يعني البنت عاشقة 
أو ان كانت سابقة
حبيت أقتبس كم شغلة و علق عليهم
اقتباس
* تجنبي الأغاني العاطفية ، استمعي إلى الموسيقى الراقية . . ثمة أغنية لفيروز عليكِ أن تجعلي منها نشيدك الوطني و هي " بتمرق عليّ امرق ما بتمرق لا تمرق مش فارقة معاي " .
صراحة ضحكت لما قرأت هالجملة ما بعرف يمكن بتحسسك أنه مو فارق معها شي لا شب و لا غيره يعني وجوده و عدمه واحد و هي الشغلة كتير صعب لنوصللها و يا ريت لو أنا هيك
يعني تحسي حالك مو ناقصك شي بس هاد الشي كتير شي طبيعي للبشر لأن الله خلقنا هيك بحاجة للطرف التاني ليكملنا كمشاعر بقصد و مو كشخصية أكيد
اقتباس
* تعلّمي الإصغاء إلى صمت من تحبين ، لا إلى كلامه فقط ، فوحده الصمت يكشف معدن الرجال.
أوف شو صعب أنثى تسكت و ما تحكي و عفكرة أنا من أنصار لما تكوني مع اللي بتحبيه تبقي ساكتة لأن بهالشي في لذة و حلاوة أكتر من لما بتحكي و هاد عالأقل بالنسبة ألي
اقتباس
* سيختفي . توقعي ذلك منذ أول ظهور له في حياتكِ. الرجل نجم مذنّب يختفي من سمائك دون أيّ إنذار.لا تطاردي نجماً هارباً فالسماء لا تخلو من النجوم . ثم ما أدراكِ ربما في الحب القادم كان من نصيبك القمر !.
يا الله شو صعب تقولي عن شخص أول ما تعرفيه أنه حيختفي يعني بس التفكير بالقصة كتير صعب فكيف لو صار عن جد
بس آخر كلمتين كتير حلوين أنه لو اختفى النجم فممكن يكون يلي بعده القمر
كتير حلو
اقتباس
* ابتعدي عن رجل لا يملك شجاعة الاعتذار ، حتى لا تفقدي يوماً احترام نفسكِ ، و أنتِ تغفرين له إهانات و أخطاء في حقك ، لا يرى لزوم الاعتذار عنها . سيزداد تكراراً لها .. و احتقاراً لكِ.
أصلا هاد مو بس كحبيب كشخص عادي مو خرجه الا الاحتقار لأن ما بيكون انسان من جوا اذا غلط بحق حدا و ما اعتذر
اقتباس
* احذري رجلاً سريع الغضب ، يصعب عليه السيطرة على انفعالاته ، أيّا كانت خصاله و ربما كانت خصاله لا تعد و كان له قلبٌ طيب و كان حبيباً نادراً لكن نوبة غضبٍ واحدة يلقي فيها عليكِ بحممه و بالجمر المتطاير من فمه ستحول قلبكِ إلى مدينة مدمرة تصعب عودة الحياة النقية إلى رئتيها .
بس كمان اذا فيه كتير صفات حلوة هالقصة صح كتير صعبة و ممكن تسبب جرح ما يطيب الا بكتييييييير وقت بس يعني ما حدا كامل
أحسن ما يكون هادي و أجدب
بشكرك من قلبي على هالكلمات يلي كتير حلوين و بتدل على حساسية و صفاء الشخص يلي نقاهم
يعطيكي ألف عافية
أحبيه كما لم تحب امرأة.... 
