السلام عليكم

مرحبا مرة تانية ............ بدي ضل معذبتكم بأسئلتي   ...... بس بدكم تتحملوني شوي اليوم كانت عندنا اول محاضرة بمادة اثار ماقبل التاريخ والدكتور طلب مننا حلقات بحث وانا طلعلي عن ملجا يبرود3 بس ماعم بعرف شو هاد وماعم بعرف من وين بدي جيب المراجع      ؟؟؟؟؟؟؟؟؟
وشكرا لاهتمامك اخ فهد على اسئلتنا

السلام عليكم

اول شي.. كيف لقيتو محاضرة الدكتور احمد.. نصيحة اخوية..الدكتور احمد ما في منو.

بس بدك تتابعي معو.

ومشان موضوع حلقة البحث تبع يبرود ولا يهمك  محلولة ان شاء الله.

انا رفيقي اخد هي الحلقة لما كنا سنةاولى. وحخليه يجيبلي المراجع.

وانا ان شاء الله ببعتلك ياهن.

بس من هلأ لازم تتعودي تنزلي على المكاتب العامة منشان تعملي حلقات البحث.

وعندك مكتبة الاسد.. والمكتبة المركزية بالحقوق.

لازم تروحي تشتركي بمكتبة الأسد.. وهنيك فيكي تلاقي مراجع كتيرة.

عكلن.. بكرة بتعرفو كل هالقصص.

شغلة يومين ان شاء الله بجيبلك المراجع.

وعفكرة الدكتور بيساعدكن بهالخصوص. الدكتور احمد حباب كتير..

دمتي برعاية الله.

والسلام عليكم

كيفك فهد انا سائر هادي اول مشاركة الي بالمنتدى يعني انتو اول ناس بزورهن طبعا هاد شرف كبير لالي موهيك

السلام عليكم

مرحبا يا أحلى اثاريين

أنا طالبة أثار سنة تانية ......وبتشرف كون طالبة بهالقسم الروعة.....

بتمنى تقبلوني صديقة لألكن .....

وشكرا كتير أخ فهد لأنك جمعتنا....  

السلام عليكم

السلام عليكم ورحمة الله وبركاته . . .

عدنا والعود أحمد . . .

بعد غياب أكتر من 3 أشهر عن هالمنتدى الغالي . . .

أول شي لازم نبارك لأخونا فهد بمناسبة انو صار مشرفنا . . والنا الشرف والله . .

قبل ما سافر كان عضو متلي متلو . . . هلئ صار مشرف . . .

سبحان مغير الأحوال . . . هههههههههه

بتمنى أنو تقبلوني معكون أيها الآثاريون . . .

وشكرا الك اخ فهد على هالموضوع المميز . . .

                                                                        أخوكم عمر . . .

السلام عليكم

سلام عليكم ورحمة الله وبركاته

مرحبااا ياشباب

طالب سنه أولى في كلية الاثار

الله وكيلكم من أول ما حضرت المحاضرات وأنا متل الاطرش بالزفة ألى الأن مو فاهم الوضع شو وسئلت أكتر من طالب وطالبة نفس الحكي ألولي !؟

ربما لانه الدكاترة ما عم يفهمونا مبدا المحاضرة يعني يفوت الدكتور وبيشرح ويلقي المحاضرة ويروح ؟؟؟

فاأنا بسئل أنه الكل كان هيك الي هلا هن بالسنوات المتقدمة يعني تانية وتالته يعني بدنا وقت حتى نتعود أو شلون ؟