قصيدة كنت قد كتبتها بعد انتهاء قصة الحب التعيسة .....قلت فيها
الحب في الحياة سلام...والعشق في القلب ينام
واريد ان اصلح الاوهام...واجد فتاة الاحلام
في اليقظة لا عند المنام....في حدود من الشريعة والاسلام
كي لا اغضب رب الانام....واطابق بين الحقيقة والاحلام
فانا مهندس لا فنان...قد جرني الحب للضعف والهوان
ومع ذلك لست بيأسان..لان الحياة ذكرى ونسيان
وانا لا اطمع الا بالامان...واطمح لحياة كلها إطمئنان
واحيانا تعاكسني الايام...فاصبح انسانا بلا زمان(بلا مستقبل)
عندها يخترقونني بلا استئذان....بحجة الحبيب الولهان
وياخذوني الى عالم الاحلام ...فانسج قصة حب وهيام
وبعدها تجف كل الاقلام...ويرجع القلب للسبات والنيام
وتنتهي قصة الحب بلا كلام....ويعود محمد لحياته كما كان
الشاعر المهندس محمد الخطيب
ان شاء تكون عجبتكم بس والله كل ما بتذكرها بحس بغصة على الايام شلون ضيعتها على الفاضي...
عادي كل انسان معرض لكل شي ...والحياة متل ماقلت ذكرى ونسيان..والحمد لله على كل شيء

وين ذويقة الشعر
با شباب عنجد الشعر دوا بالحياة ...وهو علاج نفسي بدون ان تبوح لاحد وخاصة عندما لا تجد من يسمعك ويتفهمك

صح انو القصيدة عادية وما منقدر نعتبرها شعر100%
بس عم تعبر عن مشاعر واحاسيس عالية
عكل انشالله ياسيد محمد المرة الجاية بتكتبلنا قصيدة عن بنت الحلال يلي لقيتها


                      سلااااااااااااااااااااااااااااااام

..الله يسلمك بس هالقصيدة معك حق يعني فيها شوية ركاكة شعرية...
وانا بشكرك على صراحتك ...ومتل ما قلتي نحنا بهما من الشعر الاحاسيس يلي بتطلع ..يعني بحور شعر ولا وزن اوة قافية شغلة صعبة اذا بدك تجيب كل هدول بالقصيدة
نحنا عم تطلع القصيدة معنا بساعة ...اما من زمان كانت تاخد معهن سنة ..فمن هنا تري الفرق..
وسلامي لياسمين الشام ..لورد الشام

ياعزيزي المكتوب مو كل هالأد ولسا إدامك كتير لتصير شاعر...
هههههههه قسيت كلامي مو اّسف إذا دايقتك...
بس الشي الحلو إحساسك بالقصيدة لأنو الشعر برأيي إحساس أكتر منو شعر وكتابة ..
بعدين أحيانا الواحد بيكتب كلمة مالها معنى بس بالنسبة ألو معانيها كتيرة....
وألف شكر عالموضوع ومنتمنى تزودنا بأخبارك الحلوة...
                     

شباب انا والله شعري حلو ..لو بتابعوا شعري لح تتاكدوا من هالشي
بس هي القصيدة انا ما كان هدفي ورجيكم شعر انا كان قصدي على القصة بحد ذاتها..وعلى كل حال اذا بدكم تشوفوا شعري شوفوا قصائدي يلي نزلتها ..وبعدين احكموا
سلام ..الله يسامحكم

القصيدة حلوة كتير
يسلمو ايديك

انا برايي انو الاحساس اهم من القافية
يعني بس اقرا شي بفكر ب يلي عم ينكتب وشو دلائلو
بس ما بهمني اذا زبط  مع البيت يلي ابلو او لا
هاد رايي


ومتل ما قال en.ahmad9 بالنسبة للقصة تبعوتك
انو خلص عيش حياتك عادي
في متل او حكمة
ما بعرف المهم انو بتقول بما معناه
لا تبكي على شخص ابكاك لانه لو يستاهل دموعك ما كان بالاصل ابكاك

وميرسي كتير الك
يعطيك العافية

أنا أسف يا محمد اذا كلامي زعلك ... بس أنا كان قصدي أحاول أني أنقد نقد بناء مو أكتر
وأنا صدقاً ما بعرف أنك تكتب شعر من قبل ..... ولكن وعد مني أني سأدخل على ملفك وسأقرأ كل أشعارك ... وأعطيك رأي بأمانة وصدق ....وعد
أسف مرة ثانية
تقبل مروري ............ الثقيل الظل أحياناً
Ahmad

             

هـكـــذا عـلـمـتـنـــي الـحـيـــاة !!!! "
أن تكون واثقاً من نفسك " ... لا يعني ... أنك مغرور !!
أن تبكي... لا يعني ... أنك ضعيف القلب !!
" أن تبتسم دائماً  ... لا يعني ... أنك لا تحمل هموماً وأحزانًا !!
أن تخطئ مره ... لا يعني ... أنك إنسان سيئ !!
هـكـــذا عـلـمـتـنـــي الـحـيـــاة !!!!