كل ما بسأل حدا لما أتعرف علي بالكلية شو عم تدرس  بيرد علي و بقلي الفرع تبعو بس المشكلة لما هو بيرجع بيسألني وانت شو بتدرس ..؟
لأنو من بين كل 10 عم اتعرف عليهن بيطلع 2 أو 3 بيعرفو أنو في ألماني ..ويلي مابيعرف بيطلع فيي وبقلي  ..ليش عنا ألماني ؟ منشان هيك حبيت حط هاللمحة الصغيرة عن القسم 

قسم اللغة الألمانية




من بعد ما كان قسم اللغة الألمانية لفترة طويلة على لائحة الأقسام المقرر افتتاحها بكلية الآداب تم أخيرا ومن خلال التعاون بين جامعة دمشق والهيئة الألمانية للتبادل الأكاديمي DAAD  افتتاح هالقسم وطبعا كانت مدة الاتفاقية  خمس سنين قابلة للتجديد و  بتتكفل DAAD خلال هالسنين بتأمين مدرسين ودعم كامل للقسم بالإضافة لتأمين الدعم الكافي بالنسبة للتعاون مع الجامعات الألمانية .

تم افتتاح القسم سنة 2007 بعدد 40 طالب تقريبا وتعتبر السنة الأولى للقسم بمثابة سنة تجريبية للقيام بدراسة عامة بتشمل التدريس و العدد المناسب .. ومن بعد نهاية السنة الأولى أثبتت نتائج الطلاب نجاح القسم من خلال المعدلات المرتفعة يلي حصلو عليها الطلاب مقابل أعداد لا تذكر للراسبين

أكمل القسم نجاحه من خلال افتتاحه لمرة أخرى  لسنة 2008 وبعدد طلاب أكتر شوي عن السنة السابقة تقريبا 55 طالب ..ويتابع القسم افتتاحه للسنة الثالثة على التوالي هي السنة 2009 وبعدد طلاب وصل ل 60 طالب.



يرأس القسم الدكتور برهان أبو عسلي و يتميز القسم بوجود كادر تدريسي ممتاز ( سوريين و ألمان )  متجدد سنويا يعني كل سنة في مدرس أو تنين جدد بيرتبطو مع الجامعة بعقود سنوية قابلة للتجديد ومن أبرز المدرسين يلي بيحاضرو بالقسم :

ومن المدرسين السابقين

ويوجد عدد من المدرسين الجدد من المتوقع أن يقوموا بالتدريس لهذه السنة 2009




لا يختلف القسم عن باقي الأقسام في الكلية بوجود مشاكل صغيرة لاتذكر لكن المشكلة الحقيقية تتمثل بمكان الدوام
وبالحقيقة هي المشكلة مو بس مشكلة قسم الألماني لأنو في أقسام صغيرة متلنا  بتعاني من نفس المشكلة متل قسم الاسباني والياباني ....و هي المشكلة كانت شبه محلولة قبل ماتقوم إدارة الكلية بإزالة الهنكارات الأربعة أما بالوقت الحالي الوضع صاير صعب شوي لأنو صار في 3 سنين ملزمين بالدوام بالوقت يلي مافي محل للدوام وممكن نستثني السنة الثالثة من المشكلة لأنو المعهد العالي اللغات عم يقدم المساعدة مشكورا بتأمين غرفة للدوام.

أما الشي يلي بيميز القسم   هو انعدام الحواجز بين المدرسين والطلاب ..هاد الشي بحسسنا أنو نحنا عيلة وحدة و أي شي بيواجه الطالب ممكن يحكي مع إدارة القسم بكل حرية وبدون أي تردد .
و أي شي بصب بمصلحة القسم بيتعاون الكل على تحقيقه بدءا من رئاسة القسم وحتى أصغر طالب .



بتمنى أني عطيت اللمحة المناسبة عن القسم و بتشكر كل يلي كملو قراءة الموضوع لهون