سلام يا زملاء

وسلام خص نص الك يا زميلي SILVESTER  

وحدة وحدة عليّ ههههههه

القصة مو قصة مشاكسة او قوية الموضوع أنك تكون قد حالك بكل الظروف و الله يقدرني 

أما بالنسبة للنقاش بقضية المساواة أكيد بس نخلص الفحص و تخلص المعسكر  منتوصل لحل

و أنا بعرف أن خلينا بتعني مجتمع الذكور بس حبيت اسمعها منك مشان أرسى على بر ههههههه

و بالنسبة للمراقب لما رجعت عالبيت ما ندمت ابدا اني تعاملت معه هيك بس فكرت بما أني طالبة حقوق كان لازم اتصرف بالقانون مو بالدراع    هههههه عكلن رفيئتي قالتلي ان ماكان لازم تحكي معه هيك بلكي السنة الجاية راقبك وتحطط عليكي انا قلتلها يا ريت    مشان هالمرة فعلا اخد حقي بالقانون 

أما بالنسبة للمقعد صرت أخجل ما عم شارك الا هون بس عن جد لضيق الوقت ودراستي اللي مقتلة بعضها ههههه بس الروح الحلوة يلي عم لائيها بهالموضوع عم تجبرني اني شارك

يوه تسلم يارب و انا عم قول لحالي مين هالشب يلي واقف بعيد ومطرووووب بسماع صوتي 

اقتباس

وشو قصة زور البنات ... هي تاني مرة بتمر هالكلمة... شو كلكن بهالعادة ولا هادا السلاح الوحيد

مين كلكن ما كلكن كمان مرقلك ياها لبعد الأمتحان ؟؟ 

وبالنسبة للأسلحة فهي كتيرة ومتعددة عنا من السلاح الأبيض لأسلحة التدمير الشامل  حابب تجرب 

اقتباس

وعفكرة عرفت ليش الجبهة مفتوحة بيني وبينك وما رح نتفق

مو بيقولو لا تاخد رفيق الا من بعد قتال    لسا في أمل

أماااااااااا بالنسبة لبرشلونة فهووووووووووووووون بدك تسمحلي

لازم تحبه ههههههه شو تكرهو لازم لازم تحبه 

و عكل ما رح ناقشك الا بعد
اللقاء الحاسم بينا السبت 02/05/2009 - 21:00 ريال مدريد - برشلونة
بعدها منتناقش

سلاااام 

هههههههه عجبتني ئصتك hero عن جد كتييير حلوة  وانشالله الف مبروك للزميل اياد ع النجاح  وعئبال طلاب الحقوق كلهم  انا بصراحة ماعندي ولا ئصة صارت معي لانو مو كتير حضرت محاضرات بس عن جد شي بيملل اذا اخدنا محاضرات بالهنغارات عن جد مابتنحمل ابدا وخاصة اذا اجيت متأخر ع محاضرة الساعة 8 وتجي توئف لانو مافي مكان تعد فيه ههههه وانت تكون جاية ركيد وتعبان والله صارت معي كتييير هههههه مشان هيك صرت اطلع بكير من الساعة 6 ئبل الشحادة وبنتا    ....

مرحبا لكل طلاب الحقوق الامتحانات قربت ومافي نفس للدراسة والسبب 





انك درست او مادرست راسب راسب


الا اذا الله سبحانه وتعالى فتحها بوجهك ونجحك علل حد



وانجح اذا بتقدلر ياشطور







مع تحيات    ابو جروح

مشكورين White  Lily __  nana _amer  __ diaa  hazza3 عالمرور والردود

بنبلش من عند الزميلة White Lily الصنديدة .... 
هلأ بعد مابهدلتي للرجال (المراقب)وصار قد الكمشة ...تذكرتي انو لازم تاخدي حقك بالقانون
ومشان المقعد بموضوعي...عم امزح ولو ...انتي بتنوريه  ....
بس الشب المطروووب بصوتك  .. ماقلتيلي كيف كان..حليوة مااا

لا تأجلي واضحة ... أنا قلت هي تاني مرة بتمر هالكلمة معنا ( زور البنات )
قصدي مرة بقصة أبو حميد ... البنت اللي زورتو /وبقصتك البنت أم التنورة اللي زورتك..
وين راح تفكيرك

اقتباس

عنا من السلاح الأبيض لأسلحة التدمير الشامل  حابب تجرب 

والله غريبة حاصروا وحاربوا العراق مشان هي الأسلحة..ونسيوا انو بنات الشام  مليان عندن منها
وقال حابب جرب .. لأ ستي بعرفها .. لا بتأاذوني ولا بآذيكن 

بنجي للأهم كنت محضر رد صاروخي مع الصور لو فاز الريال ... بس      و6/2 
يللله ستي من باب الروح الرياضية العالية عندي ... ألف مبروو ووك للبرشا ..وهارد لك للريال ومحبيـــــــــــ ـــــــــــــه
.........................................................................
زميلتنا الجديدة nana_amer  هلا فيكي وان شاء الله بتتوفقي بالسنة الأولى وتتيسر ظروفك
وبنشوفك متل توقيعك " المحامية   نانا " وبجدارة وفخر
مرورك ولو بدون قصة بكفي ولو ... وقصة الدوام بالهنغارات هانت ... شغلة شي 10  سنين بعد !!
.........................................................................
زميلي diaa hazza3 هلا فيك بيننا

اقتباس

قربت ومافي نفس للدراسة والسبب  .... انك درست او مادرست راسب راسب

وكل الله ياشيخ ولو ... نحنا بدنا مين يرفعلنا معنوياتنا  ... بسيطة وان شاء الله خير
وان شاء الله ... الله بوفقك بدراستك وبيسرلك كل أمورك ومابضيعلك تعب

ونحنا كمان الله يوفقنا وينجحنا أجمعين

شو هاليوميات

شي بياخد العقل

الله يهنيكن يارب

والله يا سيلفستر أنا لسة ما صار عندي يوميات

بكرة بس يصير

بعد كم يوم بس تبدأ الامتحانات

ببقى بخبرك لأنو هلأ يومياتي بالبيت مع الكتاب

ومع هم السفر

الله يستر وتمضى على خير بس

يااااارب

شكرا الك سيلفستر انا من اول عم ناديك سيلفر هههههههه طلعنا بالخجلة ...بس يلا مرئا هالمرة

هي الحقوق وماادراك مالحقوق ..  صايرة معنا قصص لتقولو حاجة

رح اسرد قصة من هالقصص..


مرة كان عنا امتحان بالسنة ال2  (عقوبات.. اشخاص و اموال )

اما شو كان يوم وشو كان امتحان  الله لايدوقو لحدا الا لكل الفين سوا 


المهم اليوم من اولو كان مبين مبهدل 

رحت عم شوف بأي قاعة طلعت .. كانو حاطينا بقاعة قدام الفنون وبعد دورة وفتلة ولفة وشو مابدكون

لقينا القاعة  اما شو قاعة  لو حاطينا بالشارع صدوقني احسن 


ارض مابعرف كلها تراب  ومقاعد مكسرة  ومسكرو وعتمة  وفهمكون كفاية ..

والله مالكون بطول السيرة 

وزعو الوراق بعد خمس دقايق من الوقت وقلنا ماشي متعودين

واذا بلاقي اسئلة  على كيفكون شي ارفع شوفك  وكمان متعودين

بس الي مو متعودين واول مرة بصير معنا انو 

نطفت الكهربا والقاعة صارت مو عتمة الا شوي .. (صار فيها الشغلة فحص نظر مو فحص عقوبات )


بس حمدو ربكون بعد خمس دقايق رجعت شتغلت الكهربا

بس الي ماعرفتوه انو برا كان عم ينزل مطر


تصورو ياجماعة انو عم تحاولو تركزو  بتلاقو مطر هيك عم يرن براسكون رن (احساس جديد )

لسا ماخلصنا

احلى حلقة بالموضوع كانت ,,

انو برا بمقصف الفنون  نطربو الجماعة  بنص الامتحان وحطو غنية لفيروز ..



بقا كان يوم ولا بالدريمززز



بس خايف تحسدوني عليه لها اليوم هه 


بس على فكرة فوق هيك نجحت  مشان تعرفو


انو نحنا الحقوقين ضد المي والصدماات 


وهي يوم من يوميات ابناء الحقوق .. 

مبروك سيد اياد وع قبال كل شخص ادمي وع قبيلي انا باقي 3 مواد تشريع واصلية وتبعية وناطر مرسوم انفصلت هلا ومن شان الشب الادمي الاول منسميه خالص كازو

مشكورين حمامة   بيضا  __ nana_ amer __ Medo  in law  __ جت   لي ع المرور عالموضوع والردود

طيب حمامة نحنا هلأ رح نعذرك وناطرين بعض من يومياتك الحقوقية وان شاء الله بتكون جميلة
وموفقة بامتحاناتك وان شاء الله بنشوفك س2 وبتفوق ..

المحامية نانا بسيطة كلنا بنخطأ ... ورح مرقلك ياها ولو ... ومشكورة عالمرور وموفقة ان شاء الله

صديقي محمد قصتك جميلة وحسيت بمأسآة غريبة فيها ذكرتني بمسلسل " التغريبة الفلسطينية "
عفكرة صاير معي متل قصتك بمادة اللغة س1 ف2  وكمان يومها القاعة كلها مي وبهادل  وكهربا مافي  ... ايه الحمد لله ... وان شاء الله بكرا ولادنا بيرتاحوا " ببناء الحقوق الجديد "  هههه  
وعجبتني جملتك

هههه  فكرتك عم تحكي ع شي ساعة سويسرية    ... متل ضد المي والكســـــر ...... 

صديقي جت لي هلا فيك ... وألف مبروك عن جديد للأخ اياد وان شاء الله عقبالك وعقبالنا جميعا

تحيتي لكم جميعا ودمتم بخيــــر وان شاء الله موفقين بامتحاناتكن .......

يومية مختصرة  ... بس تاذا

يوم التشريعات " مبارح "  قاعد بالميكرو بأمان الله ... عم راجع المادة شوي ... بيطلع شب أكابر بيقعد بجنبي ... وبلش ينظر عالوراق معي ... وحسيتو كأنو حقوقي  ... مادققت كملت قراية ...

بفوت عالهنغار لأقدم ... وبيشرفوا فرقة المداهمة السريعة   " قصدي المراقبين "
واذ بيطلع هداك الشب اللي كان بجنبي بالميكرو ... واحد من المراقبين ... هههه   سبحان الله

هلأ عرفت ليش كان عم يطلع عالوراق .. بس انو لو كنا عرفانين ..كنا قمنا بواجبو منيح بالميكرو
المهم توصى فيني شوي بس شافني ...
يعني غض نظر شوي لماكنت " عم ساعد غيري "  
ولما طيرولي " اللي ساعدتو " لقدام  ... بعد شوي قلي روح قعود قدامو " وكمل مساعدتو "

بس مع هاد الأسئلة فايتة بالحيط   ... هادا اللي لمستو من عيون شي 200 واحد ووحدة معي

-------------------------------------------------------------

من اليوميات المتكررة معي ... بالامتحانات

تعا بكير علوحة الأرقام قبل بشي نص ساعة ... ربع ساعة ... بطلع بالهنغارات ... شغلة 10 متار

تعا ع آخر نفس عاللوحة ... مثلا ع 8,30 تمام ... بتلاقي حالك ... ملحوش بالعلوم أو الشريعة  آآآآآخ
ولحق اذا فيك تلحق    وبجد أنا ببكر  بس السير كل يوم شكل وخاصة زحمة الصبح

اي الله يكون بالعون .... وان شاء الله موفقين جميعـــــــــــــــا ......