زميلي Silvester

مرسي على ردك الحلو و أنا بعرف أن قصتي رح تضحكك مشان هيك كتبتا هههههههههه
بعدين شو قصدك أن منيح اللي طلعت من بنت ههههه ليه انت ما بتأمن بالمساواة ولو    لسا ما شفتو شي ههههه
وبالنسبة للوصف المتناقض عادي لأن كل شي بحياتنا بالكلية متناقض منتعلم أن التعسف باستعمال الحق جريمة و الكلية بتمارس علينا مختلف أنواع التعسف هههه وأسمنا طلاب حقوق ومنداوم بهنغارات و كل العالم بتعتبرنا عالة عليه لأن بالفحص منتوزع على مختلف الكليات وعفكرة لازم نشكر الله ان ما بيبعتونا عالأداب و الهمك هههههههههههه الخ الخ
ما بدي أتفائل كتير بهالشرح حبيت دراستي زيادة عن اللزوم

محمد

عادي انك تنسى البطااقة تبع المكتبة أحسن من اللي بينسى بطاقته الجامعية وقت الفحص ههههههه
و صايرة معي كتير

hero

هههههههه يومها كنت و قال الدكتور ان وازا عم ينزل المطر علينا هنن لما كانو يحضرو يعني الدكاترة قال كان ينزل عليهن باطون ككككككككككك

تمنياتي بالتوفيق للجميع

lovely low

mouhammad 

@hero@

مشكورين عالمرور و قصصكن كتير حلوة ....
وحاسس صار لازم غير اسم الموضوع الى " مغامرات أبناء الحقوق "

White Lily

أهلا بعودتك زميلة .....وأكيد أنا ضد المساواة  مع المرأة ........بس أكيد  مع الانصاف
وان شاء الله قصة الهنغارات ....والدوارة بين الكليات وقت الامتحانات .....مو مطولة
يعني هي مرق شي 5 سنين   وهن عم يعمرو البناء الجديد وقرب يخلص ....حضروا حالكن هااا  

والله يا زميلي العزيز اللي بيعيش كتير بيشوف
وخصوصا في كلية الحقوق..

هاد يا سيدي السنة الماضية ...

كنت انا وكم شب من رفقاتي قاعدين على البرطوشة مقابيل هنغار السنة الاولى على دخان وشلي على البشر ...

وكان في محاضرة جوا .. ونحن كنا عم نستنا المحاضرة تبعنا لتبلش بالهنغار التاني .. بقا قعدنا شوي ..

المهم بلا طول سيرة ..

كان باب الهنغار الاول مسكر .. وفجأة  بيطلع الدكتور وبسكر الباب وراه مع انو جوا كان الهنغار معبا ليش

سكر الباب ما بعرف المهم ..  وقف برا وحط الشنتاية بالارض وبلش ينفض اواعي ويزبط الجاكيت

والكرافيت تبعو ... وبعدين بس صار الوضع تمام راح ... وبعد حوالي عشر ثواني ..

طلعت بنت من الهنغار  .. وكمان سكرت الباب وراها وانا استغربت انو الدكتور طلع ليش الطلاب لسا

قاعدين معقول ما حدا بدو يطلع غير الدكتور والبنت ...

كمان نفس الشي .. حطت الشنتاية بالارض وبلشت تزبط الكنزة

تبعها وتشد وترفع فيها ... وزبطت حالها متل كانو واقفة على المراية .. قمت ما بعرف شو صرلي انا ..

لحشت كلمة (........)   يعني هيك كانت رد فعل يبعتلو قص لساني   ...وهلشباب يعدمني

ياهم بلشو على ضحك وصهصلة متل البنات شي صار بالاراضي

وشي قلب على ضهرو ...هههههه   

قامت تطلعت فيني البنت هديك النظرة يلي هيي ....   وهي حاطة الشر بين عيونها..

يعني حسيت حالي متل الخشبة يلي انقصت نصين .....

وما نزلت مستواها لمستواي وردت عليي ضلت ماشية وهيي عم تزورني ...

ههههههههه

بعد بشي ساعة رحت اعتذرت منها وقلتها انو والله ما كان قصدي ... وطلعت معي عفوية ..

هلاء هيي عملت حالها انو تفهمت الموضوع .. بس ضمنياً لهلاء كل ما بشوفها

في نظرات سل من تحت لتحت تنذر بالغضب ..

           

ههههههههههه   

سيدي بقا هاد يلي صار ....

أبو حميد

مشكورين عمر وأبو حميد على المرور  

لك أبو حميد شو هالقصة الحلوة ... ماقدرت مرقلك ياها بدون رد عالسريع

من الدخان  ...ل اللتلتة ... ل عيونك الحلوين  .... وآخر الشي كلامك العسل

عموما ياسيدي النا قعدة  وحكي ......... هههههههههههههههه

وعفكرة دير بالك لترسب هالسنة .. هو النسوان اذا حقدوا حقدن غير شكل   ( مو الكل )

لك مو معقولة عن جد هالقصة يا أحمد   
بس ما كملتا انت انا بدي أعرف أن الطلاب يلي بالهنغار ليه بقيو جوا (طبعا ازا كان في طلاب )    بعدين محاضرة شو كانت و شو الكلمة يلي حكيتها قصتك فيها نقص لازم تكملها مشان نثقف حالنا شوي ومشان نضمنلك النجاح السنة هههههههههههههه

سلفستر شو مشان انك ضد المساواة وشو مشان نسوان ما نسوان ؟؟؟؟؟ وحقد وما حقد ؟؟؟؟؟؟؟؟

عفكرة صحي في بنات بتحقد بس حقدن ما بولد الأفكار الجهنمية يلي بتخطر ببال الشباب لما بيحقدو 

سلام

هلا White Lily

هلأ قصة أبو حميد " مين جوا بالهنغارات وشو الكلمة ........ "
بدك تعذريه للزلمة مارح يحكي ... وتكون القصة ناقصة واذا ...ههههه

بس واضح انو قصتو كبيرة  ...فيها كاتب يقطع لساني وشباب قلبوا من الضحك والبنت زورتو  

أمااااااااااااااااااااا  أنا فقلت

اقتباس

وأكيد أنا ضد المساواة  مع المرأة  ........بس أكيد  مع الانصاف

يعني الفرق كبير بين انو المرأة تساوي الرجل بكل شي وبين انو تاخد حقها كاااااملا دون نقص

الميراث " للذكر مثل حظ الانثيين " معناها مو تساوي الرجل ,بس مو ياكل حقها كمان متل ماعم يصير
ومعقول تساوي الرجل بخدمة الجيش والأعمال الصعبة.... وانما في شي بناسبها ولازم وننصفها فيه
يعني فكرتي خلينا نعطيها حقها بما هو مشرع وممكن تحقيقه ... وبكامل طاقتنا ودون منة أو فضل
وهادا الحديث طويل ومرق معنا بالمنتدى ....

وأما حقــــــــــــــــــــــــــــــــــــــــد النسوان .....ههههه
كلمة وطلعت مرقيلنا ياها .... ولو انو أصابت الحقيقة بمعظمها

بس شو مشان حقد الرجال   .... هي أول سمعة

سلام على الجميع وانشالله تكون الدراسه تمام مع انو حاسه مافي امل بنوب

كليتنا الله يخليلنا ياها هي والدكاترة الحقانيه  مالح يخلو حدى ينجح

ياجماعه مالكون حاسين انو في مؤامرة علينا

يوم واحد قبل المدني والعقوبات شو قصدا

يعني انا مالي متاثرة لاني عم ادرس امن دولة بس .. 

lحتى الهنغارات حاسبينا علينا وعامليلها قدر وقيمه مع انو شوب كتير ومافي قرنة تعد واذااعقدت  اكتر

من الناس الغلاظ مافي

بصراحه انا كتير مزعوجه من هل الحالة 

المدني درستها 10ايام قبل المادةطبعا ماعدا دراسة السنة واحملها عل47 مع انو باقي موادي كلها رفعتها

بالسبعينات ماعدا العقوبات طبعا 38 اما شو هل العدل



بعد كل هل حكي ولاني حابه فش قلبي عندي قصة صغيرة

يوم فحص العقوبات وانا بالقاعة بعد مافتل راسي وانا عم دور عليها بقبو كلية لتربية

اعد قدامي واحد ودون ذكر اسماء اجتو اجوبة الاسئلة كلها ومن مراقب القاعة كمان والاحلى انو طب فوق

الورقة ومانقلني ولا كلمة          ابن حلال

أولا صباح الخير

زميلي سيلفستر 

بالنسبة لقصة أبو حميد ماشي حنمرقلو ياها هالمرة ناقصة بس النا أعدة هههههههههه

وبالنسبة لحقد النسوان كمان ماشي منمرقها بما ان طلعت عفوية وأكيد أنت ما بتأمن فيها حتى لو قلت أنها أصابت الحقيقة
أما حقد الرجال فبدك تسمحلي يا عزيزي حقد الرجال بولد الكراهية و الأنتقام و أغلب الرجال يلي بيرتكبو جرائم بحق الأناث بيكون نابعة عن حقد
ما بتسمع بالحاقدين على النساء ؟؟؟

بالنسبة للأنصاف او المساواة فبدو موضوع و قعدة    و أنا رح شوف المواضيع يلي بتخص هالموضوع و منحول لهنيك

بس أنت قلت (( يعني فكرتي خلينا نعطيها حقها بما هو مشرع وممكن تحقيقه )) مين خلينا يعني هالكلمة بتشمل مين؟؟؟ 

تحياتي زميل 

سلام يا هدول

الدراسة تمام و الدليل ان قاعدين هون بالمنتدى ههههههه

بالنسبة لقصتك شي منه كتير و حدثي ولا حرج وكلنا متضايقين من هالوضع التعبان
المهم ننجح وكل شي بهون

هلئ رح أحكيلكون قصة صارت معي بالفحص
السنة الماضية طلع رقمي بكلية الأقتصاد بقاعة وكانت الدنيا حزيران والجو حريق
المهم خلصت وراجعت ورقتي و أز بقول المراقب خلص الوقت وصار يلم بهالوراق المهم اكتشفت بعد ما سلمت ورقتي اني نسيت ظلل رقمي و كتبت اسمي بس
طار عقلي و ركضت لعنده وقلتله ان نسيت المهم ما قبل يعطيني الورقة بنفس اللحظة بنت الله لا يوريكن على هالمنظر اللي جاية فيه عالجامعة تنورة قصيرة لأبعد الحدود مع ان انا لا تفكروني عندي مشكلة مع اللبس بالعكس بس كانت عن جد ملفتة للنظر 
المهم مالكن بالطويل صارت تبكي على أساس و تتغنج على المراقب انها نسيانة تكتب اسمها وااااااع وعطاها ورقتها ويمكن نقلها كم سؤال كمان 
قمت رجعت لعنده وقلتله شو أستاز مو على اساس بس نسلم الورقة ما بترجع أم ما رد    قمت وقفت أدام الباب و دبيت هداك الصوت وقلتله ازا الشغلة بقصر التنورة خبرنا يا أستاز مشان نعرف أم قلي عطيني اسمك وبطاقتك قلتله انشالله الأمتحان الجاية شو نسيت ان اليوم أخر مادة وضحكت و مشيت هههههههه 

ملاحظة :أنا ما عرفت ليه بدو اسمي وبطاقتي ليه اسمي مو مكتوب ببطاقتي لك ليكون كان بدو رقم الموبايل كمان هههههههه
ام سأل هالعالم ان شو اسمي ما حدى كان بقيان كله طلع من القاعة بس البنت كمان زورتني وياسيدي مو مشكلة ناكل هيك زورة من هيك بنت ههههههههههههه

طولنا عليكن يلا روحو درسو

سلالالام

مشكورة hadool  عالمرور

والله منيح عندك يوم قبل المدني ...لأنو أنا رح بلش امتحاني ب 3مواد ورا بعضها ومافي ولا يوم بينها
واللي بيقرق انو قبل اللغة في 5  أيام ... بس اللغة بآخر الامتحان يعني مارح استفيد من هالأيام الخمسة بشي

ومشان قصتك الصغيرة ... مافي قول غير
" عيش كتير بتشوف كتير "  حسبي الله ونعم الوكيل

.......................................
اجا دور الزميلة " المشاكسة " هههه...White Lily  هلاااااا  برجعتك وقررت خصصلك مقعد دائم هون

هلأ منيج اللي مرقتي قصة أبو حميد .. وقصة الحقد ... بس كنتي مرقي قصة المساواة كمان عالبيعة

اقتباس

مين خلينا يعني هالكلمة بتشمل مين؟؟؟ 

كنت بقصد بكلمة خلينا ... وبشكل واضح الذكور ... مو بتقولوا مجتمعنا مجتمع ذكوري وكل شي بايدنا
وفيكي تقولي مع الذكور كنت بقصد ... المجتمع المحيط بمايحويه ككل
وخلي نقاشنا بهالموضوع ... لبعد 20/7  لخلص امتحاناتي ... ومعس ــكر التدريب الجامعي ...

وكمان قصتك فيها ظلم وأسى ... بس البركة فيكي ماقصرتي  

اقتباس

قمت وقفت أدام الباب و دبيت هداك الصوت وقلتله ازا الشغلة بقصر التنورة خبرنا يا أستاز مشان نعرف

يمكن أنا كنت هنيك وقتها بتذكر سمعت صوت كتير حلو ... بيشبه صوت المسحرين برمضان ... هههه
وماشاء الله اذا المراقب ماخلص منك ... أنا رح اخلص اذا ناقشتك بموضوع المساواة
والله هيئتك بنت قوووووية   ... من قصتك الأولى تبع دق باب الهنغار والهريبة ...هههه
وهي هلأ لاحقتينا أنا وأبو حميد بدك تعرفي كل شي
وفوقها قصة المراقب .... الله يسترنا منك ...  وين كنتي مخباية .....ههههه
وشو قصة زور البنات ... هي تاني مرة بتمر هالكلمة... شو كلكن بهالعادة ولا هادا السلاح الوحيد

وعفكرة عرفت ليش الجبهة مفتوحة بيني وبينك وما رح نتفق

لأنو واضح من الصورة الشخصية و من توقيعك انك بتحبي كتير برشلونة
وأنا كنت عادي بحبو ... بس من ورا شباب المنتدى كرهتو ...
وهلأ أنا بصفوف المـ ــلك " ريال مدريد " مع اني بعشق " الميلان "