مرحبا كلكن معكن حق بس يمكن مشكلتك ابسط شوي من مشكلاتنا بكلية الآداب  يعني على الاقل في عندكن قاعات محترمة بتقدروا تقعدوا فيها.....أما عنا ففي الهنكارات واللي حتى ما بتصلح تكون ...عفواً للكلمة.... سكن للمواشي ..هاد ناهيكي عن الاعداد الخانقة والتكييف السيء
واعذروني على رأيي   

السلام عليكم
اختي الرومانتيكية

والله حاولنا قبلكم لكن عبث فالدكتور حبش صوته ناعم جدا وحتى بالميكروفون كنا لانسمعه
اما الدكتورة ملك فعلى سنتنا مرة وحدة بس حملت المايك وياريتها ماحملتها
وطبعا متل ماحكت زميلتي سابقا
جواب الدكاترة (اقطعو الصوت او اسكتو بتسمعو)

يعني كليتنا ومشاكلها وتعدنا عليها فلا بقى ننق احسن شي

ولي ولي ولي 

كل هالمشاكل بالكليات منيح قلتولي 
برأيكم بلا ما ادخل جامعة أحسن شي 
لأني طالبة باكلوريا هلأ ورح صير انشاء الله بالجامعة
بس أنا برأي الخاص أكيد كل كلية والها مشاكلها الخاصةوما في ولا كلية ما بتعاني من مشاكل

سلام رزان

الحل انا برأيي يغيروا عمادة الكليات كلها
لأنن بصراحة مو نفعانين لشي الا للبروظة والعلاك المصدي

اقطعو الصوت بتسمعو!!!!!!!!!!!!!!!!!!!!!!!!!!!!!

كتر خيرك

بعدين كل هالقد الطلاب شاطرين بدهن يحضرو على فكرة تلت ارباع يللي بيحجزو ما بيفوتو  و بيضلو برا عم يتفقسو لذلك بتنكب كتبهن

متل ما حكيتو بالسنة التالتة ما بيعود بتشوفو هيك مشاكل بعدين نحنا البيولوجيا اعدادنا اقل من الكيميا ماشاء الله انتو كسحتو الكلية الله يزيد و يبارك

من ايمتى في بالكلية مايك ولله ماوصلنا هالاختراع الله يسامحكم عم تتنعمو بالخيرات و تاركينا بالبناء القديم مو محسوبين عليكن ولله نحنا قرايبين و اخوة

من كتر ما عم نستفاد من دروس النظري لاتخلونا نحكي هلق
في دكتور بيفوت بينقلنا المحاضرة تنقيل متل حصة الاملاء  وبيطلع منيح ما بيعطي عشرة ليللي كاتب صح من دون مانقول انه سارق محاضراته من الانترنت و مترجمها غلط كمان

أول ما ابدى بحيي الكل
ثانيا مشكلة الصوت مشكلة الدكتور الشخصية
ولازم يكون مقتنع أنو لازم يعلي صوتو أو يجيب مايك .
أو بإمكانو حدى يجيب المايك
الموجود على ما أذكر بالمكتبة او بقاعة الدراسات وما حك جلدك مثل ظفرك .
أما الدكتور حبش فيا شباب تكفي تقرا النوطة لوحدك تنجح لأن القصة أنو ما بيشرح أكثر مما يكتب .
وصدقوني عن خبرة بهاي الكلية سبع سنسن عجاف 4 بالرابعة
قارن مقرر السنة باللي قبلها تلقاه نفسه حتى بأخطاءوا
وتقبلوا تحياتي القلبية والقبلية والبعدية
ملاحظة ياللي بدوا الحل نجيب دكاترة تفهم بالكيميا وكانوا بيوم طلاب لحتى يعرفوا شو هي متطلبات الطلاب
بالنسبة للأخت من الأداب
ما بعرف شو اختصاصك بس شو ما كان في عامل مساعد خارجي على طول
بس عمرك شفتي معهد عامل دورة بالكيماء العضوية أو علم الجنين أو علم الكوانتم يا ستي أو بالمتتاليات
لا مستحيل
نحنا ما إلنا غير هالقسم
أنا ما بقول أنو نحن لسنا بحاجة إلى فروعكم . لكن ألا ترين كم نحن متأخرين علميا عن باقي الأمم وما بدي فيها وطنية لأن السبب معرف
ما بني على أساس سليم دائما يكون قوي متين
واللي انبنى على الخطأ مصير للهد ويصير تخت الخطا

ليش مين قلك انه يلي بيحجز شرط ياقي مكان يقعد 
أكيد لاء مثلا حجزت الي و لرفقاتي و  إذ شو بيصير بتبدى المحاضرة منجي بدنا نقعد منتفاجأ بانه الكتب تكدست فوق بعضها و تحول الحجز من حجز 5 أماكن لحجز
21 مكان و شو بيطلع بيدك تعمل ما حلوة نعمل خناقة مزبوط شباب

     
 


يا جماعة احلا بشارة صارت الدكتورة ملك عم تستعمل المايك
يا هيك المنتديات يا اما بلا
"على اساس انو ردو على موضوعنا وعطونا المايك"
لولا انو الدكتورة رايح صوتها ما كانت استعملته اصلا

بس بظن انو ما عم يعطونا هالمايك لان قاعاتنا مو مطورة
ما في غير القاعة السادسة يلي فيها مكبرات صوت وايمتى بيحسنوا بقية القاعات الله اعلم

تحياتي الرومانتكية