مرسيدس اليوم عملت عيد بالكلية بمناسبة نهاية الامتحانات
و عقبال الامتحان الأخير

أنا اليوم مو عاطي فرحتي لحدا

صحي كان الفحص زفت

بس مو مشكلة المهم خلصنا




خلصنـــــــــــــــــــــــــــــــــــــــــااااااااااااااااااااا


مل قلبي والله قرفت حالي صرلنا من العيد على فحوصات

ايه والله زفتت كتييييييييييييييييييير بالمقاومة يعني معقول يجيبو نظري 

بس مو مشكلة الحمد لله على كل شي ومتل ما قلتو المهم خلصنا

عنجد الحمد الله وانا كمان عندي عيد انو الفحص خلص حاجتنا طق قلبنا بس ليش مو منيحة المقاومة والله الاسئلة ظريفة ماشي حالها بس المسالة الولى كانت كتيييير طويلة بس الحمدالله عملنا منيح وعقبال النتائج ما تطلع وتفرح الكل يارب

اهلا وسهلا فيكي منال معنا بالعيلة     

مشان المقاومة شو بعرفني ايه ما عرفت ولا فهمت شو قصدو بالسؤال التاني
والسؤال الاول طلع عندي خطا فيه بقا الله اعلم تترفع او لا

بس مو فارقة معي بلا مقاومة بلا بطيخ

شو اخواتي كيف يومياتكن ؟؟


اليوم نهاري سبشل ومميز كتيييييييييييير وكمان متعب كتير صرلي من الفجر لهلا فايقة ومن شغلة لشغة ما بعتقد اخلص للمسا الله بعين كلو فدا البسط ( قصدي يعني السعادة والانبساط مو تفكرو البسط  تبع المقام )

يا طلاب السنة التانية كل عام وانتو بالف خير

بس انا بعدين بتعيدوني ظل عندي ميكانيك 1

وبصراحة انا قررت ما ادرسا
ورحت الخميس ع الضيعة بس.......................................
اذا بحملا بدي....................

والله عيد وأكتر من عيد وكلمة عيد قليلة وبعد تعب ودراسة متواصلة وبالنسبة للمقاومة هيي ما كتير صعبة بس الواحد مرات بتحل حماقاتو بالامتحان (هي بالنسبة الي طبعا ومع احترامي للجميع )وان شالله الكل موفق وهلا المهم انبصطوا بالعطلة (حاسبينا عطلة قال)بس الحمد لله احسن من بلا مع اني شايفة انو الجو (درجات الحرارة المنخفضة والامطار والهواء البارد )بيمنع من اقامة اي مشروع طلعة بهاي العطلة ان شالله يتحسن الجو وبتمنى عطلة حلوة للجميع وان شالله موفقين بالنتائج

شكرا ميمي كلك زوق
ومشان المسالة التانية هي في متلها بالمحاضرات والدكتور قال عنها مهم بس بعرفك ما بتحبي يجيبولك شي من المحاضرات ياله بسيطة انشالله بترفعيها

شو شايف الشباب معايدين

هيك بتعايدو و ما بتقولولي

فعلن بس شبدكن بالحكي

صرلي شهر ما نمت 9 ساعات متواصلة

يالله لنشوف شو عندكن مشاريع ما بعد الامتحان

ورح بلش بحالي :

1- الشباب جايين بكره لعندي عالمزرعة و قرروا انهن ينامو عندي .

2- بدي ارجعلي شي شهر زمان لنادي الجودو بردكن منسترجع لياقتنا

المفقودة ومنخسر شوية وزن .

3- كم لعبة طابة ما بضرووو بمتل هيك وقت مو ؟؟؟؟ .

4- طبعا اشتقت للتلفزيون و لجهاز التحكم اللي صرلي شي شهرين

ما مسكته متل العالم .

5- وكمان اشتقت للمركز الثقافي البريطاني ( ولجو اللغة الانكليزي ) .



و كتيييييييييييييييييرر شغلات ......

يالله أنا بانتظار مشاريعكون

تحياتي للي خلصو امتحانات

ودعواتي للي ما خلصوا امتحانات .

مرحبا شباب كيفكم أكيد أشتقتولي (صرلي أربع وعشرين ساعة دون أن أدخل على موقع جامعة)
يعني خلال 24 ساعة الماضية جسمي صار يأكلني أكل وحك (بسبب الإدمان على المنتدى)بس هلأ مرتاح (لأني ضمن المنتدى)
المهم سبب الغياب هو أني كنت بطرطوس عم غير جو
يعني طلعت مع رفقاتي طلعة فوجائية
أكتر شي انبسطت فيه هو المطر يلي بطرطوس
يالله ما أحلاها كتير روعة يعني
ما في أحلى من المطر
والبحر
شو بدي أحكيلكم عنوه
الموج عم يخبط خبط  بالشاطىء
يعني الحمد الله أنبسطنا
وإن شاء الله تنزل المطر عنا بالشام
بتمنى من كل واحد يدعي بعد الصلا ة دعاء استسقاء حتى يرزقنا الله بخيره المديد
يالله هي أنا خبرتكم بيومياتي
خبروني عنكم