يحرق حريشك يا زياد كان ضروري تخسر حق آلة حاسبة تانية تاني مرة انتبه
و على سيرة الآلة الحاسبة أنا بمتحن بالمطالعة و بحط غراضي عالشوفاج (بيعجبني شوفاج الجامعة مو متل اللي عنا بالبيت بس بدفي حالو )المهم كنت جايبة تنتين وحدة ما بتحل تكامل بس متعودة عليها من زمان و بعرف احسب عليها أسرع و التانية بتحل تكاملات حطيت التنتين عالشوفاج مع الكتب و المحاضرات و الدورات بتعرفو (بجيبون وياريت بقرا فيون قبل الفحص بس رفع عتب بقول بالباص بقرا و ما بقرا ) المهم كمان انو اجا زميل وسحبلكون غراضو من تحت آلاتي و قعو هالأت ورا الشوفاج وش و خبطة و خبطة بس الشغلة مو عالخبطة الشغلة انون علقو بحيز الحيط يعني ما وقعو عالارض و ما كنا نعرف نجيبون و الشوفاج متل النار بلدوع من الحرارة قام هالزميل حاول شوي و قدر يطلعلي الأولى بس ما طلع التانية يمكن ما شافا و علقت أنا ورفيقتي شي عشر دقايق لنجببا و ماكانت تطلع و بعدين مرة طيبة من يلي بيشتغلو بالجامعة ساعدتني و جابت عصاية و طلعتلي ياها 

والله يا mercedes
شغلت أنو " انتبه " فهي مو بيدي
سبحان الله بطبعي " أهوج "
ما فيني تصوري بالبكلوريا
ماانتبهت على سؤال
وطلعت وفرحان وعلامة تامة على أساس
ولما رجعت قراءت الأسئلة وانتبهت أنو منقص سؤال
الله وكيلك كأنو رصاصة فاتت فيني
السؤال كان بمادة الفيزياء ويمكن كان عليه 3 علامات على ما أذكر
وأخر شي بقولك أنو أنا " انتبه " فهي صعبة

اهلا سنو حبيبتي مبسوطة بمشاركتك  معنا يلي اكيد ما رح تكون الاخيرة ما؟؟


بس بتعرفي شغلة انو انا منك بس عرفت انو الري والصرف هي نفسها الموارد المائية

هاد يا ستي ابن خالي بيدرس هندسة سنة اولى بس هني عندن اول سنة بتكون عام يعني بياخدو فيها مواد مشتركة بين كل الهندسات بعدين السنة التانية بيختصو يا مدني يا كهربا يا اتصالات هيك يعني

المهم سالني ابن خالي عن هندسة الموارد المائية قلي انو حابب يفوتها وانها فرع جديد عندهن ماصرلو كم سنة بس فصلوه عن المدني بقا سالني لو بعرف شي عنو

انا قلتلو نحنا ما عنا فرع هيك اسمو قلتلو بس انو عنا اختصاص كان زمان من اختصاصات العام اسمو هندسة مائية

بس بجد مدري ليش  ما خطرلي بنوب انها الموارد المائية هي نفسها الري والصرف 


على كل حال انشالله بوافقوا عالطلب
ابقي طمنينا شو بصير معكن ايه 

الحمد لله على سلامه آلتكن الحاسبة زياد ومرسيدس

بس بجد زياد شو هاليوم المثير شغلة والله 

بس صراحة كان لازم ترجع عالقليلة عالكلية تشوفها هنيك

سيدي المهم انها رجعتلك بالسلامة

دير بالك عليها منيح ها مو كل مرة بتسلم الجرة

-اكيد حبيبتي ميمي هالمشاركة بالموضوع مارح تكون الاخيرة .
عجبنتي فكرة الموضوع انو يوميات وموقف الالة الحاسبة الضائعة
بتعرفوا انا كان عندي الة قديمة ومابتحل معادلات ولا تكاملات
وهالسنة اشتريت وحدة حديثة وقديش لقيت فرق
ارتحت كتير بحل المعادلات وندمت لاني ماجبتها من زمان .


اقتباس:
ابقي طمنينا شو بصير معكن ايه 
- اكيد انشالله وشكرا الك ميمي .

اقتباس :
بس بتعرفي شغلة انو انا منك بس عرفت انو الري والصرف هي نفسها الموارد المائية

-اليوم عم اشتغل على الاوبرا لذلك مارح يمشي الحال مع الاقتباس
بصراحة بحب متصفح الاوبرا ما ابيدي !!
المهم
في حلب هندسة الري والصرف قاموا بتغيير اسمها الى هندسة الموارد المائية
ونحن انشالله بالشام رح يغيرولنا اسم هندستنا
انشالله لانو مامتأكدين
هلق الناس ماخذين فكرة انو هندسة الري  فيها مواد عن الصرف الصحي
ومياه الشرب
وللحقيقة نحنا ماعنا هذه المواد مطلقا ولا رح ناخذهم
طبعا تلك المواد هي من اختصاص مهندسي البيئة .
وحتى لو كنا رح ناخذ هيك مواد فشو المشكلة هذا علم وهندسة.
نحن الصرف عنا  مقصود به صرف الاراضي الزراعية واستصلاحها.
عكل مو مشكلة حتى لو الناس مفكرين هيك
المهم احنا بالاخير مهندسين وهدفنا اعمار وطننا الغالي .
سلام

الله يبسط العيلة اكتر واكتر


وان شاء الله كل يومياتكن نهفات



















مجد

شكر اً ميمي على نصيحتك
بس ما أبيدي أنتبه كما قلت سابقاً
الله يصلحني  لك صاير معي شغلات بتشيب الراس
من وراء هوجنتي
بدي قولها بس خايف
يالله رح قولها بس ما هلق
بعدين 
سلام للجميع

صحي just smile
انت اخترتي اسمك من اغنية ل ويست لايف
اسمها just smile
صح ؟؟؟؟؟؟؟؟؟
كتير اغنية هادية وبحبها كتير ..مزوقة باختيارك للاسم .

اقتباس

المهم احنا بالاخير مهندسين وهدفنا اعمار وطننا الغالي .
سلام

كلام حلو ,,, المهم الواحد يحب اختصاصو وفرعو

يا جماعة انا مو عاطية فرحتي لحدا لانو اليوم خلصنا فحص  
مو معقول شهر كاااااااااااااامل فحص كنت حاائيس من انو يخلص هالشهر اللي كرهتو لأنو من أيام المدرسة في فحص مع انو انا انولدت في    (حظ)
يا حسرة بس عطلاب السنة التالتة الل كان المفروض يخلصو قبلنا قامت الجامعة متل العادة لازم تأجل شي فحص لأنو هيك البروتوكول السنوي قامت طلعت من نصيب رفقاتي بالسنة التالتة و ما حيخلصو للأحد
الله يعينون ويكون معون