السلام عليكم جميعا


يعني بما انو الدوام بلش حبيت حط هالموضوع قلت بكون مجال لكل طلاب الهندسة بكل سنينها انو يحكو بكل الاشيا يلي بتصير معهم

بالكليه مثلا

تخانقت مع شي دكتور وكنت متدايق كتير منو


اخدت علامة عالية وفرحان كتير وبدك تبشر ناس وتجاكر ناس تانيين


حملت شي مادة لا سمح الله ومقهور وبدك تندب حظك


صار موقف معك بالكلية والطلاب فهموك غلط وحابب تشرح شو صار معك


وقفلك هاد يلي بدو البطاقة وانت موحاملها وطرقك مشوار لحتى تدخل من الباب التاني


يعني باختصار اي شي حلو بشع بضحك ببكي بقصدك مو بقصدك اي شي صار معك وبدك تشارك عليتك فيه اهلا فيك هون


او حتى برا الكلية

اي شي بصير معك ومرتبط بكونك طالب هندسة مدنية
مع قرايبك او الناس يلي حواليك يلي اغلبهم بكونو  فخورين فيك ومفكرينك مهندس بجد وكلهم بدهم نصائحك وارشاداتك باشيا بتعرف فيها وما بتعرف فيها

كمان فيك تدخل وتحكيلنا


يعني  من جديد اكتشفت انو متل ما في شي اسمو ضريبة الشهرة
كمان في شي اسمو ضريبة الهندسة

بقا بتمنى من الكل يشارك ويخبرنا شو دفع ضرائب بسبب كونو (مهندس) ال يعني


ودمتم ودامت المدنية لكم



ام محرقصة ......................... ميمي

مع اني مش بالهندسة المدنية


بس حبيت قلك انو فكرتك حلوة وراح تلاقي الكل قلبه مليان على الدكاترة فلاتخافي

رح يمشي سوق موضوعك
(هههههههههههههههههههههههههههه)

تقبلي مروري الغير مدني

هلا فلسطين حبيبتي

لكن قلتيلي رح يمشي سوق موضوعي    ايه طمنتيني الله يطمنك يا رب


تحياتي
 

رح بلش انا ورح  احكيلكن القصة يلي خلتني اكتب هاد الموضوع لانو لسه لهلا بصراحة ما استوعبت يلي صار


قبل شي ساعتين يعني الساعة 5 الفجر رن الموبايل
وكانت رفيقتي نور ( بتدرس هندسة عمارة بالقلمون ) عالخط
المهم انا وقتها كنت نايمه ماصرلي ساعة ونص باعتبار اني نازلة اليوم عالكليه
رديت طبعا وانا مرعوبة قلت ابصر شو صار

-الو مرحبا ميمي
-بسم الله شو يلي مزكرك فيي بهالوقت شو عم تحلمي فيي؟؟
- هلا خبريني انتي فايقة ولا نايمة
- انتي فيقتيني خير شو بدك 
- انتو بتدرسو عن مواد البناء صح
- ايه ليش؟؟
- مطلوب منا بحث عن اي مادة من مواد البناء ممكن تساعديني
- طيب طلعي من النت
- لا بدي من شي كتاب عندكن يعني بضل جامعة دمشق الها اسمها والمعلومات موثوقة اكتر
- طيب انا عندي ايميل وصلني عن الخرسانة هلا بببعتلك اياه
- لا ما بدي الخرسانة اكيد الكل رح يكتب عنها بدي شي مختلف ( عم تتشرط كمان )
- طيب يا نور كنتي قلتيلي من بكير 
- شوبعرفني يلا قومي بسرعة ما معي الا ساعة بس

طبعا انا لهون ما كنت مستوعبة شي بس ما لقيت حالي غير قمت  وصرت دور على كتاب مواد البناء والحمد لله لقيتو بسرعة ورحت فتحت النت وهاد كلو الساعة 5 الفجر


حملت الكتاب يلي عبارة عن 400 صفحة وانا مرعوبة بس الحمد لله نور طمنتني انها ما بدها غير صفحتين

واول شي خطر ببالي انو رح اكتبلها عن الحديد والفولاذ بما اني كنت دارسة هالمحاضرة ال يعني

بس بعدين لما فتحت الكتاب تزكرت انو انا ما درست شي من الكتاب كلو من المحاضرات ووين بدي لاقي المحاضرات هلا والمخلوقة مستعجلة قلت يا بنت الله بعينك من الكتاب من الكتاب الدنيا رمضان عملي خير بتلاقيه بكرا

المهم بلشت اكتب واكتب واكتب ( وبسببك مجد افندي صرت بدي شوف ازا عندي اخطاء او لا ) وطبعا مو وقت هالشي لانو البنت كتير مستعجلة ولو راح عليها الباص ما فيها تروح

المهم بعد شي نص ساعة من الاختصار والبحث عن المعومات المفيدة يلي ما تزكرت منها غير عناوينها الحمد لله خلصت اكتبلها صفحتين
وصار لازم ابعتلها اياهم ومدري ليش النت كان ضدي وما كانو ينبعتو لا على الياهو ولا على الهوت ميل
والباص رح يروح ونور رح تبكي وانا رح ابكي اكتر منها لو ضاع تعبي عالفاضي

المهم بطلوع الروح نبعت الايميل ومشي الحال

بس للاسف هلا حكيت مع نور اتطمن عليها ليقت انو الباص راح عليها وح تروح مواصلات عالقلمون الله يعينها


وطبعا ما عدت اقدر نام ورح روح عالكلية بلا نوم
بس كلو بحقو بكرا رح خليها تعملي المشروع تبع حضانة الاطفال كلو لكن ما في شي ببلاش هالايام

رح نزل البحث ( الله يجعلو بحث ) يلي كتبتلها اياه هون
عطوني رايكن يعني الدكتور هنيك رح يقلها تضربي انتي وهالبحث هاد
ولا رح بيضلكن وشكن واسم جامعتنا بين باقي الجامعات(طبعا هوا مختصر كتير لانو هي طلبت بس صفحتين )

عم بستنى الردود

       
شو هاد محرقصة ,,,,,,,,, شرشحتي المدني بهالمقال 
يعني هو يلي كاتبتيه ما فيكي تسميه بحث لأنو البحث إلو أركان ثابتة لازم تمري عليها ببحثك
أما يلي كاتبتيه ,,,,,,,,,,,,,,,    فبصراحة مابعرف شو إسمو 
هلق اذا بدك تسأليني شو الاركان فراح أحكيلك مابعرف بس أنا الشغلة بتطلع معي بالسليقة ,,,,,,,,,,,,,,,,,,,,,,,, 
****************************************
أما مشان الموضوع اللزيز يلي كاتبتيه
فاليوم داومت وكان كل ما أذكره أنو كنت نعساااااااااااااااان لأبعد الحدود

واسمعي شو صار معي اليوم بالمحاضرة تبع الهيدروليك 3
كان الدكتور عبيعملنا مراجعة    وبلش فينا وين يجعك
ونحنا نعسااااااااااااااانين ومالنا حيل نتزكر شي لحتى نجاوب 
المهم في شي بالهيدروليك 2 اسمو الهدارات ومن أنواع الهدارات (( الهدار السيفوني ))
طالعني الدكتور على السبورة قلي أرسم ((((( السيفون ))))) 
المهم أنا ما لي متزكر شكلو قمت رسمت الهدار النظامي
قلا لاء ارسم السيفوووووووووون السيفوووووون
قام أنا وبكل بساطة رسمت السيفون ((   تبع الحمام  ))
فما كان من الدكتور إلا أن زورني وقلي ارجاع لمكانك 

هاد يلي متزكروا اليوم
سلامي لكي ميمي

تحياتي أبو النور 

موضوع كتير حلو والحكي فيو ما بيخلص
على سيرة ضريبة الهندسة عندي هالقصة
السنة الماضية وقت الامتحانات اتصلت فيي اختي قالتلي اخو لجوزها بدو شخص يقطعلو البيت معمرو جديد
قلت ولي اذا بقلها ما بعرف ما بخلص من الحكي بعد هالصيت يلي طالعلي
واذا بروح بخربلو البيت قلتلها مو فاضية ابدا
قالتلي بناخدك من البيت بس نص ساعة ومنرجعك
قلتلها مو فاضية ابدا وبصراحة نفدت باعجوبة

اهلا فيكي smart girl
ههههههههههههههههههههههههههههه منيح انك قدرتي تتخلصي من الموضوع

الله وكيلك صاير معي كتير مواقف من هالنمط بيقعدو العالم بيحكو عم البنا وما البنا ومدري شو وبوجهو الحكي الي ال يعني انا فهمانة عليهم شو بيحكو
ياما طالعة بسواد الوش

ـــــــــــــــــــــــــــــــــــــــــــــــــــــــــــــــــ

اهلا roshka1988

ازا مشان شغلة الظلم وما الظلم الله يعينا يعني ما في حد جاب 59 قدي رسوبي كلو كان بسبب مادتين جايبة فيهن 59

وهي السنة لولا انو جايبة( بالميكانيك 2 ) 59 كان نكتب قدام اسمي ناجحة
بس كيف عيب ما بصير ميمي تنجح لازم تكون منقولة ما حلوة بحقي هي ناجحة

بس الله بعين شو بدنا نساوي خلص تعودنا والحمد لله على كل شي



ام محرقصة ................ ميمي