مبروك لكل الطلاب الذين أصبحوا هذه السنة 2008-2009م
في السنة الثالثة في كلية الهندسة المدنية
لقد قطعتم نصف المسافة فلا تتكاسلوا في نصفها الآخر
   
هذه خارطة الطريق لمواد السنة الثالثة وسأكتفي الآن بمواد الفصل الأول.
   
ست مواد هي ما ستواجهونه هذا الفصل، نعم ستة نحن فرحنا كذلك لأنه منذ كنا في السنة الأولى لم تقل عدد المواد في كل فصل عن سبعة، ولكن ؟!
   
أولأ: التجهيزات الفنية والكهربائية للمباني
باجماع طلاب الكلية هي أصعب مادة تواجهونها في الكلية، فهي عبارة عن كتابين ضخمين يجب دراستهم بالكامل، بالامتحان 35 علامة نظرية والباقي مسائل.
بالمختصر هي ليست مادة امتحان، أي يجب دراستها خلال السنة.
أياكم وحذفها فلا يوجد وقت أفضل من أول دورة وإلا ...
   
ثانياً: ميكانيك الأنشاءات 1
انتهينا من مقاومة المواد لتحصدو نتائج مخططات العزم في هذه المادة، مادة مهمة للمستقبل تابعوها.
ليس صعبة فلا تخافوا منها لكن احرصوا على أن تحضروا محاضرات العملي فالخبرة في الحل توفر الوقت في الامتحان.
   
ثالثاُ: الهيدرولوجيا والهيدروجيولوجيا
لمن لم يستطع تهجي الكلمة فهي تعني المياه السطحية والمياه الجوفية.
من أول وهلة فالمادة كثيفة وكبيرة لكن بمتابعة الوظائف وحل كل وظيفة بأنفسكم سترون مدى سهولة أٍسئلة الامتحان، معظم أسئلة الامتحان هي مشاريع كانت في الوظائف.
انتبهوا لا يوجد محاضرة عملي لهذه المادة فهي مدمجة مع النظري لكن دكتور المادة يتابع الطلاب ووظائفهم ويحفظ اسمائهم وعلى هذا الأساس يضع علامة العملي.
   
رابعاً: الهيدروليك 3
آخر الغيث في سلسلة الهيدروليك، مادة سهلة لا يغشكم كتابها الأزرق الضخم فإذا ضاق عليكم الوقت يكفيكم وقت الامتحان لدراستها.
   
خامساً: ميكانيك التربة 1
بداية لسلسلة جديدة من التربة، مادة مبادئ أساسية لدراسة التربة ولاحقاً الأساسات. ولتجاربها أهمية في الحياة العملية، برأي يجب فهم مبادئها.
   
سادساً: مواد بناء 2
لا تخافو... انها مواد البناء لكن لا تعادل نصف الكمية في مواد البناء 1 . نفس الدكاترة، نفس الأسلوب، نفس الدراسة، إلا أن العملي فيها أسهل بكثير.
   
في النهاية لا أستطيع أن أتمنى لكم إلا كل التوفيق لأن هذه أول سنة لكم ستشعرون فيها أنكم مهندسون وانسوا دعابات السنة الأولى والثانية فأنتم في طريقكم الى الحياة العملية.

شكراً الك كتير خالد عالموضوع و الارشادات المفيدة


أنا مستعد تم حل مسائل لختى اتخرج بس لا تقلي حل سؤال واحد نظري


لذلك الله يعيني عمواد البناء و التجهيزات


شكراً كتير الك

   

تحياتي إنج كي

ملاحظة صغيرة (( الانشاءات صارت بالانجليزي    ))
يعني مخططات عزوم    وبالانجليزي   

هو صحيح انا حامل المقاومة 2 بس المادة أنا مستسهلها كتير

وأنشالله الدورة الجاية منمشيها

قلتلي تجهيزات لكان ايه منيح يلي خبرتنا مشان انجهز حالنا


تحياتي مرة أخرى

أبو النور

دمت للمدني ودامت لك

شكرا الك اينج كي على المجهود الرائع

تعقيبين صغار
كتاب الهيدروليك تلاتة برتقالي ضخم اضافة الي بحث من كتاب الهيدروليك واحد
بتمنى تعدل على الموضوع الاساسي حتى يكون الموضوع مرجع

وبالنسبة لمواد البناء أنا سمعت أنو رح يعيدو تقسيم المادة الي قسمين
بين الواحد والاتنين بشكل أكتر تساوي

شكرا الك مرة تانية

يعطيك العافية على النصيحة الجميلة ..

صحيح انا مو طالب هندسة مدنية ..

بس عجبتني مشاركتك الجميلة ..

ياريت كل مين عندو خبرة يفيد غيرو ..

يه يه  والله  وانا  مو بهاد الاختصاص
بتمنى  لو كنت  بئدر  ئدم اي  معلومة  لتفيدكون

يعني بداية الله يبارك فيك يا استاذ مهندس مفتاح((ما شاء الله تقول الاسم والعيلة))

والله انك كفو

يعني بصراحة....ما حدا عقدنا من السنة التالتة غير انتوا واللي سبقوكون


يعني كل ما شوف واحد بالسنة التالتة...اسألوا كيف الوضع؟؟؟


يقليي يلا لا تطول حاجزلك حدي بالتالتة  


يعني مبدئيا اللي فهمناه منك

انو المواد السهلة هي الهيدروليك والهيدرولوجيا والهيدروجيولوجيا والانشاءات 1 ومواد البناء 2


سيدي...خير ان شاء الله


الله يعطيك العافية..ومنتظرين الجديد



مجد

هارب الى ظل عينيك
أنا مثلك المسائل أولاً واالنظري عاشراً
لأنو أنا ما قادر على البصم يلي بعض الدكاتره يحبوه
   
n_blow
صديقي نوار بعرف انو الانشاءات السنة بالانكليزي
الحقيقة أنا حاسدكم انشالله بتستفيدو
وبتطلع المقاومة2 هذا الفصل
   
خـالد صـادق
مشرفنا العزيز كتاب الهيدروليك يلي كان عندي لونه أزرق لأنه من عند العراب أبو محفوظ وهو الأساس
ومنشان مواد البناء أنا صار لي سنتين ع بسمع أنو المادة كلها رح تتغير ويكون في كتاب جديد
بس لا حياة لمن تنادي على قول الشاعر: (اسمعت إذ ناديت حياً .... لكن لا حياة لمن تنادي)
   
عرين
شرفني مرورك عزيزي أرجو أن تحمل كل المنتديات الفائدة للجميع وتكون مكان لتبادل الخبرات فمعاً نستمر ونتعافى
   
zAmAnO
شكرا على الكلمات اللطيفة يمكن خسرناك بينا
   
The Dark Dragon
شكرا على الكلمات اللطيفة مجد عجبتني شغلة الاسم والعيلة
نحنا واجبنا نعقدكم مثل يلي قبلنا عقدونا يعني هذا تقليد بالكلية
وسهولة المواد بتختلف من طالب لطالب، يعني أنا أسهل مادتين عندي كانوا المعلوماتية والبرمجة
بس الشباب رفقاتي كانوا يجنوا مني على هالحكي

مشكور كتير مفتاح على الخارطة الواضحة يلي رسمتها...
مع أني لسى بكير عليي روح للتالتة وأعرف عنها......
أنا هلأ بالتانية وبعدها الله بيفرجها.....
بس بكل الأحوال عن جد يا هيك همم الطلاب يا بلا......وشكرا إلك ولكل مين ضاف موضوع من يلي اتفقنا عليهن.....
     

مشكور أخ مفتاح
بس هيك ياطيب بتقول

   
يعني هالسنة الجاي دعابات
المقاومة 1و 2
الهدروليك1و2
التصميم1و2
الأجنبية 1و2
الرياضيات3و4
مواد البناء
الجيوديزيا
البرمجة
المساحة
كل هدول دعابات 
أحبطتني يازلمة
روح الله يسامحك بس