أنا اشتركت جديد بالمنتدى وبصراحة كتير عجبتني المواضيع المطروحة فيه
وهلق أنا حابة اطرح موضوع وبتمنى شوف رأيكم عليه..
الموضوع هو أنا طالبة ارشاد نفسي سنة رابعة .. و عملت سنة بروضة أطفال
والفكرة إنو استفدت بهالسنة بالروضة أكثر من الثلاث سنوات في الكلية
لأنو شفت المشاكل على الواقع .. هلق أنا ما بنكر ابدا فضل الجامعة علينا وفضل الدكاترة بإعطاءنا معلومات من خارج الكتاب أحيانا وكانت كثير مفيدة إلنا ..
بس كمان الواقع علمني أكثر من يلي عم نأخذو بالكتب
السؤال يلي رح اطرحو عليكم هو : مين يلي بيفيدنا أكثر برأيكم الكتب والجامعة أم الحياة على أرض الواقع والمشاكل الواقعية  

أهلا وسهلا فيكي بالمنتدى .....

أكيد الكتب والجامعه بيفيدو ومهمين كتير

بس الحياه على ارض الواقع والمشاكل الواقعيه بيعلمو اكتر

يعني دائما التجربه هيي يلي بتفيد بكل نواحي الحياه أكتر بكتير من الدراسه النظريه

تقبلي مروري

 

اهلا فيكي ..

بالنسبة مين بفيد اكتر ؟؟الكتب والجامعة بالدرجة الاولى بعدين بنصير انطبق وانشوف بالواقع ونتعلم

بس فائدة تعلمنا تنبع من الكتب والجامعة

الواقع اي انسان مو دارس بيتعلم منو بس الكتب بتعلمنا اكتر واكتر  لانو قد ما تعلمنا بنظل نرجعلها

شكرا ع موضوعك 

تقبلي مروري

أأأأحلام**..

أول شي أهلا وسهلا فيكي بالمنتدى
متل ما حكيتي هو رائع وفيه من الافادة الكثير
بالنسبة للموضوع هلأ التنين بيكملوا بعض أكيد يعني لو الواحد ما عنده فكرة بأي مجال عم يدرس فيه أكيد على أرض الواقع لح يفشل
الحياة بتعلم ما اختلفنا بس مو كل شي
سلااااااااااام

انا برأيي أنو الأحداث الواقعيه أهم وأنو الحياه خير معلم صحيح انو الدراسه مهمه بس الكتب يلي بالجامعه كتير قديمه ومو مفيده أبدا...أروى

هذا هو حال مناهجنا

وفي كل قسم من أقسام الدراسة الأكاديمية



القانون بين النص والتطبيق


وهنا


الواقع بين النظرية والتطبيق


حتى الفلاسفة لم يتفقوا على رأي محدد

جون ديون كان (برغماتي) نفعي وواقعي نوعا ً ما

وكذلك ماركس واقعي ومادي صرف

وأفلاطون كان غارقا ً في المثالية الي لم تنتج من مدينته الفاضلة شيئا ً

وروسو كان طبيعي يترك الأمور تسير لمحض الصدفة والتعلم العارض

وفرويد يوجهنا بالغريزة ويعطينا صفة الحيوان الناطق

أفيدك بنقطة مهمة المشكلة من الطرفين

المناهج أولا ً لانها معدة لواقع أفتراضي لا وجود له

والواقع ثانيا ً والذي يستحيل إيجاد مناهج تغطي تنوع تناقضاته

ربما نعود إلى تلك الأمثال القديمة لنعزي أنفسنا  ونقول حط بالخرج




تقبلي مروري

تحيتي لك

أول شي برحب فيكي بمنتدانا

بصراحة وبالسنة للهندسة

أنا سئلت عن هذا الموضوع

وقالولي إنو نسبة استفادتي

من الكلية لا تتجاوز ال30 بالمية

والباقي هي خبرة باخدها من

أرض الواقع .

على كلن شكرا على الموضوع

بالنسبة الي الحياة بتعلمنا أكتر لانو بصراحة معظم المعلومات يلي عم ناخدها من الدكاترة عم تتبخر بمجرد مانطلع من قاعة الإمتحان أما الأحداث يلي عم نواجها على أرض الواقع عم تبقى بمخيلتنا على طول وعم نتعلم منها كتير أشياء

برحب فيكي بمنتدانا:
الكتب و الحياة على أرض الواقع والمشاكل الواقعية يجب أن نستفيد من الاثنين بس انا بشوف انو العوامل المؤثرة بخبرة الشخص هي التالية:
1-الاشخاص اللي بيحتك معهم الشخص ومدى خبراتهم(اي مدى الاستفادة منهم)
2-شخصية الشخص ذاته(لان هناك الكثير من الاشخاص اللي عندهم خبرة نظرية في الحياة ولكنهم عند مواجهة مشكلة صغيرة لا يعرفون التصرف بحكمة)
3-البيئة الواقعية التي تختلف عن حياة الجامعة من حيث العلاقات وحدود كل منها0



وانا بشوف انوا على الشخص البحث عن المكان والاشخاص اللي بيتعلم منهم مع استخدام التحليل لكل موقف في الحياة(واثق الخطوة يمشي ملكا)


                                                              مع تحيات الفاتح

انا برايي الكتب والجامعة كتيييييييييير مهمين لانو لولاهم ماهنعرف نشتغل على  الواقع ولا بتكون عنا معلومات كافية حتى نكتسب الخبرة
وبعدين بيجي العمل على ارض الواقع بيزيد من الخبرة والمعلومات
مثلا انا بدرس كيميا وطبعا دراستي النظرية رح تكون مالها فايدة ابدا اذا ماطورت حالي واشتغلت بمجالي
شكرا لموضوعك
بتمنى تتقبلي مروري