بسم الله الرحمن الرحيم

اخ ياسر ادعو الله ان ياخذ بيدك نحو الافضل وان يحميك بحما عرشه العظيم
اولا بالنسبة للمواضيع المنقولة فانا معك قلبا وقالبا ونشالله بتتنفذ باقرب وقت وكون متاكد انو هي خطوة باتجاه الافضل وجميعنا نسعى نحو الافضل ويدا بيد نصل الى ما نريده وما يرضي الله ورسوله 

اما الثانية فانا مع الرد خفيف الظل المتجاوب مع الموضوع والمعبر عن شخصية صاحبه وانا بصراحة من اول ما سجلت بالمنتدى اللي شفتون مواضيع قليلة اللي تم الاستفاضة فيها بحيث اخذت نسبة منيحة من حقها وانا لما قول نسبة منيحة فهاد الشي مو يعني انو وصلت لنصف حقها بل صدقوني اخوتي اقل من ذلك بكثير

وفي  نهاية الكلام حبذا لوتكون اكثر المواضيع من مواضيع الحوار والنقاش الواعي والبناء لان هذه الطريقة وحسب رايي طبعا من اكثر الطرق فاعلية في تنمية الفكر الثقافي فنحن نستفيد ونفيد في نفس الوقت وكل بحسب معرفته ودرايته بالموضوع المطروح للنقاش وفي هذا الصدد ارى ان موضوع يتضمن كلمة مسابقة بتشوف الشباب والصبايا ماشاءالله مشاركاتون بالموضوع ما بتنتهي اما موضوع بحاجة لنقاش وبكون من المواضيع الهامة والحساسة بحياتنا الحمد  لله العلي العظيم بتلاقي فيها ردين او تلاتة اذا كان الموضوع معو فيتامين واو  يعني مدعوم و بشدة

(بتمنى ما حدا يفهم كلامي بطريقة خطا )
وارجو الله ان لا يفرق ما بيننا بل وادعوه ان يشد روابطنا ويقربنا الى بعضنا والى افادة الغير اكثر واكثر)واعتذر عن الاطالة

والسلام هو الختام

هههههههههه
ليش شو الغلط بنقل موضوع من مكان آخر لهاالمنتدى كنير انا نقلت مواضيع وكتير اخوة استفادوا  وصار و ا  يعرفو معلومات  كانوا مابيعرفوها
اما بالنسبة للردود الباهتة فانا معك احذفها ولو انا واحد من اللي بتعتبرون بيكتبو ردرود باهتة بس ما عاد اكتب ردرود هههههههه  بمزح معك

بسم الله الرحمن الرحيم

أخ ياسر أنا معك بها الخطوة يللي رح تخطيا لأنو أكيد لقدام

أكيد ما بيصير حدا ياخد موضوع حدا من منتدى تاني وينسبو الو

بس  بالنسبة للردود القصيرة  بصراحة أنا مع  moony angel

رح احكي عن حالي أنا بصراحة ثقافتي على قدا

ودرست بالسعودية (يعني منهاج هات ايدك والحقني)

واشتركت بهالمنتدى بالذات منشان حسن من هالوضع

باني اتشارك أفكار مفيدة ومعلومات  ووسع مداركي
مع شباب وصبايا من عمري

عندن نفس اهتماماتي


آسفة عالاطالة بس ياريت تفكر أكتر بالبند التاني

وشكرا كتيييييييييير الك

أخي وصديقي ...ياسر ..كنا قد تحدثنا بموضوع المشاركات ...

وأخبرتك وجهة نظري ..وأراها مطابقة للأغلبية ...وبكل صراحة أنا لن أتوقف

عن الردود عن أي شخص أحببته وأحببت مواضيعه ....أخي وصديقي ياسر ...

أنا معك .....فقط تحفظي على البند الثاني ....

و موضوع أي حذف يجب اخبار صاحب الموضوع بحذفه ....لو مكرر

مو يفووووووووت وما يلاقي موضوعو ....اسألني أنا 


وأنا أشكر الأخت موني ...جدا ...فهذا وسام أضعه على صدري ...


أخر شي .....حبيبي أبو اليسر ....لا تكون استبدادي ...هههههههه


حيوووووووووووو أبو اليسر ...

ومن هنا أيضا ...رسالة لكل أخ وأخت ...احتاجني في أي أمر معين .....

لأي استفسار أو مشكلة ....وخاصة الأعضاء الجدد ....بريدي مفتوح لكم ...



اقبل مروري ....بدك تقبل ولا لاء ...

ههههه

شكرا ياسر

أما الأولى فإن لم تتم الاشارة الى أن الموضوع منقول.... فسيحذف الموضوع وبدون إبلاغ صاحبه. بعد أن يبحث المسؤول في الانترنت عن هذا الموضوع للتأكد....... واذا تكررت القضية فسيحذر العضو من التكرار ولاداعي نذكر ما بعد التحذير

حبيبي و اخي ياسر بالنسبة لما ذكر بالأعلى :

يمكن الموضوع يحمل نفس العنوان تقريبا بس يكون بغير صياغة تماما و غير افكار

يعني معظم المواضيع العلمية موجودة و مكررة بمعظم المنتديات  ...... بس بيكون انا عندي حقائق اخرى و طريقة اخرى للشرح
  فهل ممكن ينحذف متل هيك موضوع  ....  بالتالي ما رح يصير ولا موضوع علمي بالمنتدى

  و بالنسبة لبقية الشروط انا موافق

بسم الله الرحمن الرحيم

اخ ياسر كلامك صح مليون بالمية والمواضيع المنقولة لازم ينحكى عنها إنها
منقولة أما بالنسبة للردود فكأنك حطيت إيدك عالجرح لأنه في كتير ردود بايخة مالها طعمة وحكي ما منه فائدة وأحيانا مجرحة لصاحبها وببعض الأوقات بتحول
الموضوع لمكان تشات وبصيروا ياخدوا ويعطوا وبينسوا حالهم والفكرة حلوة كتير للواحد يصير يقدر يعطي آراؤه وكأنه عم بخاطب الشخص اللي كتب الموضوع مباشرة يعني بين قوسين بتنمي أسلوب الحوار المفيد يعني تصور بالواقع مو عالمنتدى إنت عم تحكي عن موضوع وبس خلصت إجا واحد من اللي عم يسمعوا وقلك مشكووووووووووور وراح أو الله يعطيك العافية وبس فعلا الشغلة فيها منطق وشكرا لتطرقك في هذا الموضوع 

حبيبي ياسر في كتير اعضاء معنا بالمنتدى ليس لديهم وقت للبحث في شبكة الانترنت وعم يفوتوا على منتدى الجامعة بس وانا واحد منهم بدون مبالغه .

اجزم بأنناجميعا عم نستفيد من كل المواضيع وحتى المنقولة انا معك انو المواضيع المكررة لازم حذفها اماالمنقولة فلا اوافقك بالرأي إلا اذا كان الموضوع غيرمفيد ومعروف بشكل اجمالي.
 
ثانيا بالنسبة للردود كمان انا غير موافق لأنو كل انسان له طريقته وهو حر فيها بالنسبة لرده.

بالاخير عندي اقتراح بما انك انت المشرف الغي العضويات على كيفك بدون ماترجعلنا نحنا الاعضاء وإلي ملاحظة منشان التصويت انت ليش مو اخد برأي غير الموافقين مابعرف اذا انت قررت ورح تنفذ فهادا شي تاني .

على العموم الله يعطيك العافيه وانا تشرفت كتير بكوني عضو معكم بالمنتدى ولكن اتوقع وان اتخذ مثل هذا القرار فأنني اول المسحوبين بالمنتدى وهذا طبعا اذا انت مالغيت عضويتي بعد هالمشاركة

بكرر احترامي وشكري لك

السلام عليكم

انا برايي بما انو في خاصية بحث للمنتدى فالعضو ما بحط اي موضوع قبل ما يبحث عنو على الصفحات فاذا كان مكرر

ما بنزلو وبغير الموضوع وهيك بتتلافو مشكلة المكرر وحذفو او نقلو وكمان منخلص من احراج العضو اللي مكرر الموضوع

وفعلا صعب على الشخص اللي بدو ينزل موضوع يعرف اذا الموضوع مكرر وخاصة اذا كان عضو جديد

بالنسبة لكتابة منقول باسفل المواضيع المنقولة فما في اي مشكلة بالنسبة الها وبالعكس هي ابسط شي

اما اذا تشابهت الافكار وحب الشخص يصيغ الفكرة نفسها باسلوب مغاير فبظن انو مو مشكلة والاخ ياسر ذكر انو المواضيع المنقولة حرفيا هي فقط التي سوف تحذف

بالنسبة للردود السخيفة والمختصرة بظن هاد حسب الموضوع نفسو فاذا كان الموضوع مافي اي مجال للواحد يعطي رايو فيه يمكن يكتفي بكلمة شكر

تحياتي