يمكن عنوان الموضوع بيحكي عنو ...

صرت كتير شوف ناس واسمع عن ناس سافرت لأوربا ممكن تحت نيه اللجوء او ممكن تحت نوايا تانيه ماحدن بيعرفها ... 🙃🙃

مافي بيت الا واكيد دار في حوار انو نطلع او لاء ياترى برا أحسن ام لا ...

وهادا الشعور موجود للسوري المقيم ببلدو او السوري المقيم برا بلدو بدول الخليج مثلا ...

الكل صار يبحث عن وطن ... والكل صار يشعر بالأمان والتطور والحضاره بالحلم الأوروبي

ياترى ممكن نعرف شو وجهه النظر تجاه هيك موضوع؟؟ ...

مع او ضد ...  هل قرار اللجوء إيجابي ام أنه سلبي ... ممكن تتخلى عن شغلك وراتبك لتوصل للحلم الأوروبي؟ 🤔🙄

حبيت نتشارك بالآراء :) ☺😇

السلام عليكم

موضوعك حلو وبوقتو ...

رايي باختصار يلي طالع من جد لإنو خسر كلشي وما عاد في اله لا مستقبل ولا شي بالبلد فربي ييسرله ويحميه ويوفقه باختياره...

أما بما إنك ذكرتي يلي عايش بدول الخليج بشكل خاص فهدول بشكل عام أنانيين وعم ياخدوا فرص غيرهن بهدف يقعدوا متل التنابل وما يشتغلوا وعم يتحججوا ظاهريا بمستقبل الولاد وإنو دول الخليج مالها كبرة... طيب إنتو حرين برأيكم طلعوا بس مو هلأ مو بهالوقت يلي في غيركم أحق باللجوء ... صارت الناس شايفتها مكسب وإنو ما حدا أحسن من حدا وإنو هي موضة وبدهن يلحقوها... طبعا هي قاعدة الها استثناء بيلي تسفر وتفنش فهاد حكمه متل يلي جوا البلد وخسران كلشي لافيه يرجع ع بلده ولا يضل بالخليج فطبعا رح يطلع لجوء... لكن أنا بعرف كتير نماذج طلعت وهي مقتدرة أو نوعا ما حالتها منيحة بس هيك طلعت لتلحق بالركب...

آسفة ع الإطالة بس محروق دمي من يلي عم يطلع من دول الخليج أو مصرمثلا أو أو أو لمجرد زيادة الرفاهية مو أكثر :/

والله نحنا كل ما صرلو شي تفنكة بالبلد (هاون تفجير ضيق بالحال الخ ) منقول بدنا نطلع وما عد ينقعد ومن هالحكي ..

بس منرجع تاني يوم منقول ما منقدر نعيش برا ولا نتحمل البعد عن اهلنا وانو معلش منتحمل الظروف الصعبة وانو الا ما تفرج ...

هاد غير انو عندي فوبيا من المي والبحر وما ممكن غامر بحالي وبعيلتي بهيك طلعة كرمال مجهول!

أصلاً عم يقولو صار وضع الطلعة للجوء هلأ أصعب واللي طلع بالأول نفد وامورو تمام أما يلي هلأ عم يطلع عم يتعذب بكلشي ووضعو سيء .. ما بعرف صحة هالكلام يا ريت حدا يفيدنا من يلي طلعو

شو رأيكن بالتواصل مع الجامعة والخروج للدراسة بهالوقت ؟؟ وبطلعو عيلتو للواحد أو حصراً لحالو؟

السلام عليكم

أفضل حل هو تأمن قبول جامعي برأيي ومن بعده لم شمل... حرام تل ما قلتي تطلعي بالبحر للمجهول... ربي يخترلكن الخير ويحميكم يارب

مع ابني ... وبدي بلش من الصفر ولغة جديدة والله شي صعب وبدو عد قبلو للمليون

الله يختار الخير

يوم عن يوم عم يصير اللجوء أصعب، وحاليا صارو يعطو بس سنة لجوء.
                                                                                                             
                                                                                                               
تأسيس حياة جديدة بالغربة صعب، خاصة مع الدول يلي ما بتتحدث الإنكليزية.

كل شخص والو وضعو الخاص، لكن برأيي يلي وضعو مقبول بسوريا ما يتعتر بالطلعة.

وانا هيك بقول وحسب مناقشتي مع عيلتي انو بعيد الشر اذا ما وصلنا لمرحلة انو ما عنا مأوى ولا شغل ولا وارد مادي نعيش ابننا وقتا منطلع بأي طريقة ...

غير هيك متل ما قلت ... مو خيار بنوب

زيد انت مو بالبلد هالايام .. عم تختص برا مو؟

الله يرحم هالبلد وأهلو

ما بعد الضيق إلا الفرج.
                                                         
                                                     
إي حالياً عم اختص بألمانيا
                                                           
                                                           

حلو انشالله موفق يا رب ... وكيفك بالألماني؟

سؤال كونك بألمانيا شو وضع المنح هنيك واذا بدو يطلع الواحد بناء ع منحة بكون حصراً لحالو بدون عيلتو ما هيك؟

لسا وسط بالألماني أو أقل شوي، دراستي بالانكليزي فما عم ادرس ألماني بصورة مكثفة.

أشهر منحة هي الداد، بس بتعرفو صاير فيها منافسة كبيرة
                                                                                                     
المنحة بس للطالب ما بتشمل الأهل
                                                         
ممتازة المنحة خاصة أنك ما بتهكل هم تجديد الإقامة