انا ضد الفصل بين الذكور والاناث بكل مراحل الدراسة والعمل...

الأسباب:

1-الفصل يؤدي لانحلال اخلاقي أكتر من الخلط...وعم نلاحظ درجة الانحلال الاخلاقي الي اكتشفناها بمجتمعنا بسبب الحجر المطبق بكتير من البيوت...يعني الفصل عم يخلي (الشب) شغلة كتير غريبة بالنسبة للبنت بتحب تكتشفو...و(البنت) بالنسبة للشب نفس الشي...ورح يحاولو يختلطو بطريقة بعيدة عن الناس بسبب خوفون وهادا يؤدي لغلط

2-ع العكس تماماً...الخلط بخلي التعامل قدام الناس (اذا صار تعامل لأنو فيه الشخص يتحكم بطبيعة علاقاتو) وكلشي مبين ما بخوف

3- هادا أهم شي...يلي بدو يعمل غلط رح يعملو سواء صار فصل او ما صار يعني أخلاق الانسان هيي الي لازم تحكمو

يعني الفكرة الاساسية من كل هالحكي...الانسان المؤمن ايمان حقيقي هوي الانسان يلي وين ما حطيتو رح يضل محافظ ع دينو واخلاقو...والايمان مو معناتو انو تبعد عنو احتمالات الغلط

يعني برأيكون بكون الانسان مؤمن اذا ضليت مبعدو عن البنات كل عمرو واول ما تحطو قدام بنت يغلط؟...اكيد لا

الفصل يؤدي لانحلال اخلاقي أكتر من الخلط !!!

أخي .. قلت إنك عم تلاحظ درجة الفساد الأخلاقي اللي صاير بسبب الحجر ... مع إني ما بوافقك عهالحكي .. بس .. بدي إسألك ..

ما لاحظت الفساد الأخلاقي الشديد اللي سببه "الإنفتاح"

.....
(1)
"  الفصل يؤدي لانحلال اخلاقي أكتر من الخلط  "


عندما يكثر الإحتكاك بين الشاب والشابة .. فمن المؤكد أن الحواجز بينهما ستصبح واهنة وستتكسر واحدا تلو الآخر .. حتى يجتازا الخطوط الحمراء ... ( فساد )

أما عندما يكون الإحتكاك قليلاً فمن المؤكد أن العلاقة ستبقى ضمن حدود يصعب جدا خرقها من الطرفين على حد سواء


ولكن لا ننسى دور ( الوعي والأخلاق ) الأساسي الذي لا بد منه ( وقد قلنا ذلك مراراً)
-------------------------------------------------
(2)
"  لخلط بخلي التعامل قدام الناس (اذا صار تعامل لأنو فيه الشخص يتحكم بطبيعة علاقاتو) وكلشي مبين ما بخوف  "

لما يصير خلط .. بيصير الشخص أقرب للخطأ ... وأكيد لما يحاول يرتكب خطأ ما أو تجاوز ما .. ما رح يرتكبه قدام الناس .. يعني الخلط ما رح يمنعه من إنه يرتكب الغلط ... بالعكس تماما .. رح يقربه أكتر ... للخطأ !!
________________________________________
(3)
متفقين دائما على هذه الفكرة الأمر يعتمد أولا وأخيرا على الأخلاق الشخصية.. بلا خلاف

ولكن هل يعني ذلك أن تعطي الشخص خمراً ليضعه في بيته لكي يكون مؤمن .. بالطبع لا ..
الإبتعاد عن المعاصي وعن المهلكات واااااجب ...
لأن كل إنسان يضعف في لحظات من حياته
فلماذا تضع نفسك في موقف قد تندم عليه ؟

"الإيمان مو معناتو إنو نبعد عنه احتمالات الغلط "
برأيك الإيمان إنه نقربله إحتمالات الفلط ؟! ..

أكيد من الإيمان أن يبعد الإنسان نفسه عن مواطن الشك والشبه والمعصية .. لأن نفس الإنسان مهما قويت فهي ضعيفة  تنشد وتنجذب لما يعجبها .. هكذا هي (الفطرة) التي خلقها الله عليها ..

هل من الحكمة والذكاء أن لا نبتعد عن احتمالات الفساد والخطأ والفتنة ؟!

وكلنا نعرف قصة الرجل الذي قتل 100 نفس التي وردت في صحيح مسلم .. وكان سر صلاح ذاك الرجل وسر قبول توبته .. أن ترك موطن السوء والفتن ...

أما سؤالك الأخير ..
المؤمن من ابتعد عن الفتن والمعاصي ... وليس من الإيمان أبدا أن يضع المرء نفسه بين الفتن ولو لم يخطئ


وأخيراً ..
أهم ما علينا أن نرجع إليه .. في الإحتكام في أمر كهذا .. هو ديننا ... وقد علمنا موقف ديننا من مسألة الخلط ( فقد ذكرت ذلك سابقاً حين قارنت الإختلاط في الجامعات مع موقف الإسلام من الإختلاط في المساجد )
وأنا أؤمن أن لا كلمة لنا بعد كلمة الله ورسوله ...