رد مشاركة : اترك رسالة لشخص ... دون ذكر اسمه ...
يمكن غلطت كتير وقت قلتلك تعادلنا,,
ما في تعادل بين مشاعري و مشاعرك أبدا
و يمكن غلط كتير اني احمل هم زيادة..
بس يعني غلط انك تهتم ولو شوي..؟؟
نفسي,,نفسي من جوا إنك تحس لحظة بإحساسي,,
مو مشان تتعذب..لأ,,
مشان تشوف اديش بحبك..
ما بعرف..
يعني أنا عم اطلب المستحيل اذا طلبت منك تهتم؟؟
يعني صعب لما ينزل هالكم قذيفة فوقنا تتطمن؟؟
تقول وينك انتي عايشة و لا لأ
خايفة ولا لأ,,
مستفئدتيلي ولا لأ
و الله العظيم كنت لما اسمع صوت ضرب رصاص بس..
اركد لأمي و قلها الله يخليكي حاكيه,
هي كانت تضحك على جنوني بس تقدره...
لأنو الحب المجنون,,أكيد في معه اهتمام مجنون,,
كانت تقعد تحاكيك,, تقلك بدنا نفرح فيك..تقوم تقلها منتلاقى بالجنة,.,
أنا كون آعدة جنبها,,
ما يعجبني كلامك أبدا,,
بس ادعيلك من قلبي و الله ما كنت بنام..
و أنا سهرانة ادام الجبل يلي انت وراه....
اتخيلك و ادعيلك
بس ووييييييييييييييييييينك انت وين..
و الله جرح بقلبي ما رح انساه,,
كل ما نزلت قذيفة بقول,,هلأ رح يتصل,,
وينك..
وين اتصالك..
وين اهتمامك..
كنت بدي خلك خايفة,, لتقلي لا تخافي,,
هالكلمة منك بتسوى كل الحكي يلي قلتلي ياه
بس ما عاد بدي قلك شي
ما عاد بدي قلك شي
اذا من هلأ ما في اهتمام فيي
شو رح تعمل بعدين...
اترك رسالة لشخص ... دون ذكر اسمه ...
