نظرا للوضع الراهن و بسبب التفجيرات المستمرة على أرض وطننا الغالي....

قبل ما تطلع من بيتك..

بوس إيد أمك و قلا إنّو ترضى عليك و قلا سامحيني يا أمي..
...
و دق لخطيبتك أو مرتك وقلا أديش بتحبا وقلا شو هي بالنسبة إلك..

و حاكي أخوك إللي في بينك وبينو خلاف مادي أو سياسي قلو أأأأأخ يا أخي شو مشتقلك..

أوعك تنسى إذا عندك ولاد إنّك تبوسون كتيييير و تقلون إنّك بتحبون، ضمون بقوة كتيييييير خليون ب...عمرون ما ينسو دفا حضنك...

شو ماكان دينك صلي لله و طلوب إنّو يغفرلك..

بس تطلع ما تنسى تمر لعند السمّان اللي بتم الحارة سئلو عن الحساب و قلو إنّو بأقرب فرصة ح تحاسبو، ما تنسى تقلو سامحنا..

إذا شفت شي حدا من الجيران سلّم عليه حتى لو كان في بينكون مشاكل . لانو الإرهاب ما بيعرف حدا

وبهالمناسبة هي ...

بحب أطلب منكم كلكم كلكم كلكم..

وشو ما كانت صلة القربى بيناتنا..

أصدقاء أقرباء .. شو ماكانت..

سامحوني أمانة..

سامحوني إذا شي مرة غلطت بحق حدا فيكم..

سامحوني إذا شي مرة كنت معصّب وفشّيت خلقي بحدا فيكم..( أكيد مو قاصد زعلكم)..

سامحوني إذا شي مرة ظلمت حدا فيكم وحكيت عليه شي هو ما بيستاهلوا..( آسف والله)..

سامحوني إذا شغلتني الدنيا عنكم .. وما وفيتكم حقكم..( بس والله بحبكم..)

سامحوني إذا قصرت بواجباتي تجاهكم..

سامحوني على كل شي..

أمانة سامحوني.

يا ماشي عرجليك مابتعرف شو بينفجر حوليك

للامانة ملطوووش

للامانة منقول عن اللي لطشه

:(

الحمد لله على كل حال

للأسف هيك صار حالنا كل مابمر من جنب شي فرع امني او مخفر بقول لحالي ايمت رح يجي دور هالمكان

ولسا بيجي كل طرف وبيشد الخيط لعنده وبيبلش تهم عالطرف الاخر وماحدا بيخطر على باله احتمال الطرف الثالث ولا بيجيب سيرته

هي اليوم

شو رأيك طرف ثالث شي ؟

فجع قلبي وأنا أحمل الطفل الشهيد وقد أصيب برصاص قناصة في قلبه...ليصعقني الأطباء بقولهم استشهد والده أيضا برصاص قناصة في قلبه...حسبنا الله ونعم الوكيل

في شغلات واضحة ما بدها شرح وفي شغلات ممكن تلتبس على كتير ناس منها :

الانتحاري اللي عميفجر حاله شو  الحافز اللي خلاه يقوم بهالشي (لو كان موالي للنظام مثلا مابظن يضحي بحاله مشان هيك نظام ولو كان معارض كمان بيعرف انه هالشي غلط واغلب اللي رح يروحو ارواح بريئة وا رح يسقط النظام من ورا هيك تفجير )

معناتو فكر كيف بيحسن شخص يدخل طن من المتفجرات لقلب العاصمة رغم التشديد الأمني ؟
ومليون فكرة بس حاليا مو فاضي
اذا لقيت جواب السؤال الأول منفكر بفكرة تاني
ولا تنسى انو النظام عم يربي الارهابيين لهيك شغلة بس

رحمتك يا رب

الموت مو بعيد عن أي حدا فينا و لو كان ئاعد ببيتو و بين أهلو و أصحابو

و لو كنا بأئمن مكان بالعالم .. و أبعد مكان عن المشاكل .. الموت دائما قريب

مشان هيك .. لازم كلنا مهما كانت ظروفنا نستسمح اللي حوالينا .. و لا نخلي شي

يفرق بينا و بين أقرب الناس النا .. و لا نخلي شي يزعل أبعد الناس عنا

اللهم إنّا نسألك حسن الخاتمة

مشكور أخي على الموضوع

بس بصراحه هذه الأمور نفعلها قبل هذه التفجيرات بزمن يعني القتل والإعتقال نحن معرضون له منذ أكثر من سنه وليس أمر جديد وفي كل مره أخرج من البيت أعلم أنني لربما لن أعود فلربما أقتل أو أعتقل في أي لحظه ولأي سبب

جزاك الله خير أخي على الموضوع

بارك الله فيك

"يا ماشي عرجليك مابتعرف شو بينفجر حوليك"
لربما أختلط المزح بالجد هنا
من مبدأ شر البليه مايضحك

صدقا أخوتي أنني أعيش هذا الأحساس
حتى وأنا أفتح أدراج مكتبي
أو عندما أمر قرب سيارة تقف على طرف الطريق

فرجك يالله
فأنت حسبنا

يا جماعة الكل يسامحني

اليوم وصلت لمتفجرات ع كلية الآداب بالشام ادام النفق سيارة مرسيدس قديمة

و اجو فرع التفكيك مدري شو اسمو و فككها

و بوجه رسالة لكل الطلاب ينتبهوا الله وكيلكم اليوم كان التفجير بكلية الآداب

و لولا لطف الله كنا هلق وين

و الله صرنا نخاف ننزل يا ربي

و بما انو حطوها مرة و فككوها انا بظن الانفجار يكون بالمرة التانية

حسبنا الله و نعم الوكيل